الموضوع: عاجيانى سيينا و معرفش حاجه عنها

أنا معايا أختها بس الهاتشباك اللي هي الباليو ... العربية كموتور1200 سي سي تحفة بمعنى الكلمة لو قارنتها بأي عربية لحد 1500 سي سي و بعض ال 1600 سي سي ... عربية خدمة شاقة بتستحمل كتير ... تكييفها حلو و أعطالها قليلة مافيهاش عيوب تقفيل ... سواقتها حلوة جداً و ممتعة ... ثابتة على الطريق و قطع غيارها معقولة مش غالية و مش رخيصة و ممكن حاجات تاخد وقت عبال ما تيجي...أي استفسار أنا تحت أمرك بس يا ريت أسئلة يعني ماتسبش العملية مفتوحة كده... D:

كان نفسي اساعدك بس معايا 2002 و معرفش حاجة عن ال 2006
بالتوفيق في الاختيار ان شاء الله

هيثم باشا اخبارك ايه :) انا عمال اقول الاسم ده مش غريب عليا مش غريب عليا لحد مخدت بالى من الفليشيا :)


بص التوكيل بتاعها اوماترا او الطارق بتاع شارع النصر فى المنشيه واوماترا على طريق العامريه قبل ماكدونالز بشويه
وعندك كمان مركز صيانه بتاع احمد لانشيا متخصص فيات وبيشتغل فى السيينا دى وعنده بعض قطع الغيار ليها

بس قبل ما تشتريها انزل اسأل على قطع غيارها لان 2006 مش عارف ليها قطع غيار متوفره بره التوكيل ولالا
لان التوكيل بيستهبل استهبال رسمى وممكن يدفعك نص تمن العربيه فى 3 او 4 مرات صيانه ده غير اغلب قطع الغيار مش متوفره عنده خاااااااالص بصراحه هو اسوأ توكيل فى نظرى

هى موتورها 1500 ولا 1600 لان ال 1500 دى كانت تقفيل صينى او برازيلى على فكره