الموضوع: بالله عليكم خلصونى من حيرتى اشترى سبورتاج ولا قاشقاى

المشاركة الأصلية كتبت بواسطة y2y1500

اتفق مع حضرتك فى:
جمال الشكل الخارجى وابهاره
تنسيق الشكل الداخلى وتقسيمة التابلوه
الاضاءة الداخلية الحمراء
قوة عزم الموتور (انا معايا 2400 سى سى وما جربتش ال1600 لكن ال1600 فى القاشقاى ما تحسش وانك سايقها انها اقل من 2000 الا فى الاتوماتيك)
الوسع الداخلى خاصة فى الكنبة الخلفية

ولا اتفق معك فى:
جودة التقفيل وجودة الخامات (بلاستيكات الابواب والتابلوه فى السبورتاج فقير للغاية وكفاية ان بلاستيكة العدادات الشفافة دى من اول ما استلمت العربية زيرو وهى مغبشة ومش بتنضف ابدااااااااا من التراب او البصمات علاوة على ازرار التكييف والابواب والكونسولة .. لكن جودة الفرش والكراسى تحفة الصراحة)
قوة التكييف .. لأن تكييف النيسان مالوش مثال وعمرى ما جبت اكتر من 2 من اول ما جبت العربية حتى لما بأجر صنى فى السعودية نفس الكلام
انما الكيا لوحدى ومركب عازل حرارى 3m كمان وساعات كتير باجيب 3 عشان احس ببرودة الهواء اللى طالع من الهوايات !!!

واضيف على اوجه المقارنة .. ان النيسان فى مصر اقوى من الكيا كوكيل وصيانة وخدمات ما بعد البيع

اولا اشكر سعادتك على مرورك الكريم
وانا شايف ان وجهات النظر متقاربة جدا فى المضمون والاختلاف بسيط
ولاكن موضوع ان العدادات مغبشة دي اول حاجة الواحد بيبص فيها فكان لازم متستلمش السيارة على هذا الوضع - لأنه ما شاء الله شوفت سيارات سبورتاج كثير قبل الشراء واثناء فترة الحجز لم يصادفنى سيارة واحدة بهذا الشكل (ممكن يكون فيه رش اسبراى ولا أى مادة عملت موضوع المغبشة ده )
وبعدين الباب عندى مطعم بجلد وشكله رائع مش شايف ان موضوع البلاستيكات ده مشكلة على الإطلاق بل بالعكس شايف انه أفضل من سيارات كثيرة فى نفس الفئة
وفى الآخر كفاية ان حضرتك راكب السبورتاج - ده شرف لينا