الموضوع: انا احترت جدا عاوز مساعده بسرعه

متهيألى انت لازم الأول تحدد انت عاوز ايه من العربية و بعديت اختار على الأساس ده بين العربيات اللى فى حدود ميزانيتك يعنى مثلا : الشكل ، عوامل الأمان ، التسارع ، خدمة ما بعد البيع ، استهلاك البنزين ، الصيانة ، سعر اعادة البيع ........ يعنى لازم تحددأهم حاجات عاوزها فى العربية و بعدين قارن بين الموديلات اللى تتوافر فيها الحاجات دى

النيسان الصني و نشوف فوايدها واحده واحد
حاترخص موديل 2013 مش 2012
واسعه جدا جدا صالون و شنطة
موفره جدا في استهلاك البنزين
قطع غيار ارخص من كل المرشحين امامها
سعر اعاده بيع متماسك جدا في السوق المصري
حاتوفر 30000 ينفعوك للزمن .

انا باتكلم عن المميزات العمليه .
لكن لو انت مثلا يهمك الشكل و السحب في المقام الأول اعتقد انك ممكن تميل الي كفه الألنترا .
علي اعتبار ان النيسان موتورها 1500 سي سي و سحبه جيد مقبول بدرجه كبيره .

لو لانسر بومة وإلنترا الشكل الجديد والصنى الشكل الجديد يبقى صنى طبعا خصوصا إن إلنترا سعرها مبالغ فيه لكن لو لانسر شارك الجديدة المايفيك أدخل عليها بقلب جامد بس سعرها هيزيد شوية ع الفلوس اللى معاك ولو ليك فى المستعمل الخيارات قدامك مفتوحة آه صح بالنسبة لسعر إعادة البيع اللانسر أكتر واحدة فيهم هتبقى ماسكة سعر إعادة بيع

لو حضرتك تسمح لى اقول رأيى اول حاجة

الانسر الشكل قديم انا مع حضرتك و لكن مجرب و معروف وفى رايى زى الجنيه الدهب عربية تعتمد عليها فعلا و من انجح السيارات فى مصر ويوم ما تقول فى المستقبل عايز تبيع سهل جدا قطع الغيار متوفرة جداا أيضا

الصنى شكل جديد وجميل والصالون واسع و مريح غير الشكل القديم ولكن ما يقلقنى شى واحد و هو ان العربية لسه متجربتش كفاية و لسه مش قادر اكون رؤية واضحة عنها بسبب انها لسه نازلة من وقت قريب جدا

أتمنى أن يوفق الله حضرتك للاختيار السليم الذى يشعرك بالرضا

فكر برضه في التيدا سيدان و في حدود 115 يعني مسكت العصاية من النص عربية كويسة و وفرت برضه :)))

التيدا سيدان شكلها وحش قوى هو أفضل سيارة فى اللى قال عليهم الشارك ولو لانسر بومة يبقى يشترى الصنى أحسن له آه البومة جنيه دهب فى إعادة البيع لحد النهاردة لكن أتوقع تقهقرها فى المستقبل خصوصا إن الناس بدأت تقبل على الشارك المايفيك إنما البومة ماسكة سعر عشان شعبية مش أكتر دا ما يمنعش إنها عربية كويسة ولكن ليست عربية رهيبة عشان كدا ماسكة سعر