اى حد ماشى على طريق سريع برجاء السير فى وسط الطريق لان الشعب المصري شعب مبيخفش من العربيات ومهئ يركن فى اى جنب فى الطريق فرجاء توخى الحذر
عرض للطباعة
اى حد ماشى على طريق سريع برجاء السير فى وسط الطريق لان الشعب المصري شعب مبيخفش من العربيات ومهئ يركن فى اى جنب فى الطريق فرجاء توخى الحذر
الف سلامه عليك يا باشا و الحمد لله انها جت على قد كده و ربنا يعوض عليك و يأجرك خيرا عن صبرك و احتسابك و ربنا ينتقم من هذه الفئه الغبيه اللى كترت لدرجه ان مفيش حد فينا متعرضتش لموقف مشابه لهذا وحسبى الله و نعم الوكيل:confused4::confused4:
ربنا يحفظك
وأسأل الله يدفع عنك البلاء
وعلى رأي جدتي رحمها الله قضى أخف من قضى فعسى الله أن يكون دفع عنك ما هو أشد من ذلك بهذا الحادث
حمداً لله على سلامتك
قدر الله وما شاء فعل
قدر الله و ما شاء فعل
وخيرا ان شاء الله
قدر الله وما شاء فعل
وحمد الله على سلامتك
الف سلامة وقدر الله و ما شاء فعل
نصيحة مني امشي دايما في الحارة الوسط
و لا تمشي في اليمين و لا الشمال لان ممكن تلاقي رمل و ممكن تلاقي صخرة
انا كنت ماشي في الشمال مرة لقيت صخرة كبيرة و ربنا ستر و مرة و احد صاحبي كان ماشي في اليمين لقى رمل و كان هيتزحلق ومرة تلاقي الرصيف دخل عليك في الشمال
على العموم افضل حاجة هي اللي في و الوسط و لا طوب و لا رمل و لا حد راكن و لا يحزنون
اخى الفاضل اكرم قدر الله و ما شاء فعل و الحمد لله انها جت على قد كدة وربنا يعوضك خير ان شاء الله
أكرم باشا - الحمد لله على سلامتك وفعلا قدر الله وما شاء فعل - أنا لما شفت العربية أتخضيت بس لما لقبتك سليم قلت الحمد لله
الف شكر يا شباب على الردود الجميلة و اللي فعلاً ساعدتني ,
الحادثة حصلت لكن المهم ان الواحد يستفيد منها ,
و زي ما الأخوة قالوا ان أفضل حاجة إن الواحد يمشي في الحارة الوسطى ,
و كمان ما يمشيش ورا نقل أو اوتوبيس أو أي عائق يخليه ما يشوفش الطريق كويس , خاصة لو في طريق سريع ,
و نسيب مسافة أكتر من المسافة المفروض انها تتساب و ذلك بسبب الأفعال الغير منطقية للمصريين ,
و لازم ننتبه للطريق اللي ماشين فيه لو فيه ملفات أو مطبات ,
و دائماً نفكر أنفسنا ان كلها 5 دقائق ، يعني مش هتفرق لو مشينا على سرعة زيادة أو سرعة معقولة , دا غير إن الواحد ممكن أحياناً يمشي بسرعة و شوية يلاقي ازدحام يخليه يتأخر برده و يبقى زيه زي اللي مشي بالمعقول .
على العموم خير الأمور الوسط ,
في الطريق في السرعة ........
الحمد لله علي سلامة حضرتك
و اللي ييجي في الريش بقشيش :)
ربنا يأجرك في مصابك و يخلف عليك بكل الخير ..
و لعله خيــــــــــــــــر....
حمدا لله على سلامتك يا أكرم.. اللهم سلم يا رب.
سيبك انت، المهم انك رحت المقابلة :)
قدر الله وما شاء فعل
ربنا يعوض عليك
لا اله الا الله
معلش يا استاذ اكرم
قدر الله و ماشاء فعل و ان شاء الله ترجع زى الاول و احسن
قول كدة:
اللهم اجرنى فى مصيبتي و اخلفنى خيرا منها
شكراً ليكم يا جماعة ,
شكراً لإخواني و اخواتي اللي دعولي ,
اللهم أجرني في مصيبتي و أخلفني خيراً منها .
قدر الله وما شاء فعل
الف حمد لله على سلامتك
قدر الله وما شاء فعل .. وربنا يخلفك خير يا أكرم .. اللهم آمين ..
والله يا مهاب هذا هو الكلام السليم .. لكن تعرف يا أخي إن المشكلة لما يكون اللي جاي من وراك مصمم يلبس يعني يلبس ..
كلامك فكرني بموقف حصل لي من حوالي شهرين على طريق الإسماعيلية .. عربية نصف نقل محملة كراتين وباكيتات كبيرة جداً .. حصل إن كذا واحدة منهم طارت على الطريق ، أنا شايف المنظر من بعيد رحت مهدي .. ومشغل الانتظار ، وواحد بهيونداي فيرنا جاي طاير من ورا .. وانا قعدت أميل شوية علشان يفهم وهو أبداً .. وكان نصيبه إنه لبس في كرتونة ، ودخل في النص نقل من ورا ، وستر ربنا إن العامل اللي نزل يلم الكراتين بعد لما شاف الفيرنا كان هيموت هيموت ..
الفيرنا اتبهدلت وستر ربنا إنها متقلبتش .. وصاحبها كان هاين عليه يعيط ..
واحد تاني على طريق السويس بعد الشروق في اتجاه القاهرة راكب بيكانتو ، ومصمم يطلع من شمالي ، ومش واخد باله أبداً إنه في حرم الرصيف ، يعني بعد شوية مش هيلاقي الحارة اللي هو ماشي فيها أصلاً .. وانا يهديك يرضيك ، فلاشات ، انتظار ... وهو أبداً .. رحت موسع له سنة ، وبعدين رجعت زنقت عليه راح راجع ورايا ، ومشيت جنب الرصيف وهو ورايا لحد ما البيه فهم .. وبعد كدة وسعت له ، لقيته جاي جنبي ، وبيقولي أنا متشكر .. الحمد لله جت سليمة ..
مشكلتنا هي ثالوث من الغباء والعند والجهل .
أي شعب عنده هذا الثالوث محكوم عليه بالانهيار
تقبلوا خالص مودتي
شكراً يا analyzer
شكرا يا د/ أحمد
===============================================
انا النهاردة رحت للسمكري و لقيتة اشتعل فيها , و كنت متخيل إني هلاقي منظر الكبوت اللي عامل شكل ^ ,
لكن لقيت السمكري ركب الكبوت الجديد و الإكصدام و استعدل الرفارف و كمان كان فيه خبطة من فترة في الباب لقيه عملها و استعدل الصدر و ظبط المراوح ,
و هو بصراحة بيتهم بكل التفاصيل حتى إنه فك حاجات علشان يبقى يركبها بعد الدهان رغم إني مكنتش هقوله عليها و يمكن مكنتش هآخد بالي منها ,
الحمد لله انا ارتحت لما ملقتش شكل الخبطة و شكلها بدأ يرجع تاني .
دى حاجة تجيب النقطة
بس انت اللى غلطان و60 غلطان
عارف ليه؟
علشان هنا القاهرة = كل شئ معكوس
إزاى يا أفندى تمشى شمال على 90؟
سيادتك مش عارف إن اليمين فى مصر هو اللى تمشى عليه بالسرعات العالية والشمال مخصص للنقل التقيل والحنطور والانتظار؟
عارف لو كنت عملت محضر؟ كنت هتصلح عربيتك وعربيته لأن فيه قانون بيقول لك اللى يخبط التانى من الخلف يبقى هو اللى غلطان!!
آآآآآآآآآآآآآآآآآآآآآآآآآ آآآآآآآآآآآآآآآآآآآآآآه
لا حول ولا قوة الا بالله .. و الله الواحد بيضايق جدا اما يشوف كم المصايب اللي بتحصل للناس المحترمة زي حضرتك من الناس اللي مستوي الذكاء عندها و الذوق اقل من الصفر .. انا نفس الموقف حصلي و كان كمان واحد قافل عليا من اليمين فرملت و عديته بسرعة و اخدت غرزة غبية و مميتة كان قلبي واقع في رجليا و انا باخدها لأني كنت متأكد ان هلبس فيه و مش هلحق اقف قبله .
عموما متزعلش اللي حصل حصل خلاص .. و انا شخصيا بقيت امشي في الحارة اللي في النص لأن كذا مرة الاقي ناس راكنة عالشمال (لسبب ما) و الاقي نفسي هلبس فيهم .. و طبعا عاليمين ميكروباصات الله ينور .. فا في النص زي الفل
ققدر الله و ماشاء فعل ..
كويس ان انك قدرت تاخد الغرزة دي يا محمود (MoToRiZeR) لكن اللي حصل معايا حصل في 3 ثواني ,
الثانية الاولى العربية النقل بتاخد يمين فجأة ,
الثانية الثانية بفكر هي بتاخد يمين فجأة ليه ,
الثانية الثالثة فوجئت بالعربية اللي راكنة شمال و ضربت فرامل و بس .........:( :( :(
شكراً يا محمد هاني ,
بيقولوا اللي ييجي في الريش بقشيش ,
بس مش عارف معنى المثل ده ايه ....
والله يا أستاذ أكرم الحال بقى غريب جدا ، لكن فى كل الأحوال بنحمد ربنا على الابتلاء اللى أكيد بيرفع الدرجات ويكفر الذنوب طالما صبرنا واحتسبنا وربنا يعوض عليك بأفضل مما تتمنى..
بسم الله الرحمن الرحيم
ان شاء الله يا أكرم تتصلح و تبقى تمام و الحمد لله أنك بخير. ربنا يعوض عليك خير.