الموضوع: هي ليه الرجاله بتخاف من زوجاتها ؟ سؤال صريح و عايز اجابه صريحه

دلوقتي نتكلم جد شوية بقى

مفيش واحدة ممكن تحترم زوجها لو بيخاف منها ..ده الأساس

طيب نقدر نقول خوف على مشاعرها..على زعلها..على إنه يعكنن على الانسانة اللى بتحاول بكل طريقة إنه تسعده وتحافظ على بيته ومتحملة الحياة معاه لأنها شريكة له..

ده بيتوقف على شخصية الرجل ..ممكن يكون أحن مخلوق وأطيب وأرق انسان عليها وفى الوقت نفسه له شخصية قوية يقنعها بيها ويكون راجل جوة بيته ..لكن مسالة الخوف دي صدقوني ابعد ما يكون
لو فعلا فيه ستات كدة يبقى مش طبيعية وعندها مركب نقص وبتحاول تعوضه فيه..
وكل ده متوقف على شخصية الرجل..ثقته بنفسه.. وإنه مقتنع بإنه غير مقصر فى حق بيته وأولاده

وأهم حاجة لازم تكون صريح وواضح منذ البداية يعنى تفهمها ان ليك وقت تكون فيه مع صحابك ..لكن اللى بيقلب أى ست ويخليها فعلا فى مود زفت هو الكدب عليها


تقبوا تحيتي وكل احترامي

توتااااااااااا

المشاركة الأصلية كتبت بواسطة totaa

أنا شايفة إن الرجالة متحاملين على الستات شوية ..طيب دا الست النكدية أحيانا بيكون ليها فوائد كتير جدا خد عندك :ـ
1ـ تجعل لسانك رطبا دائما بذكر الله (ما انت قاعد طول النهار تقول حسبي الله ونعم الوكيل)
أو تجعل لسانه دائم الشتم لنفسه على الغلطه اللي عملهه وعارف انهه غلطه قبل ما يعملهه ومع ذلك عملهه وغيره كتير هيعملهه
2_ تجعل الزوج يغض البصر ( لأنها هتخليه يكره صنف الحريم كله )
بالعكس الزوج مبيتعلمش من أخطاؤه وهيكدب نفسه واللي حواليه ويتجوز التانيه والتالته على أمل انه يلاقي واحده من غير بوز ويتصدم في الاخر لما يتأكد انه ممكن يتجوز بوز من غير واحده بس عمره ما هيلاقي واحده من غير بوز
3ـ تساعد الزوج على صلة الرحم ( ماهي هتخليه على طول عند مامته )
هههههههههههههه ده على اساس انهه حلوه مع اهله ههههههههههه ده كتر ما بتشتم فيهم وتجيب في سيرتهم بتكرهه في اهله وفي سيرتهم
4_ هتساعده في المحافظة على وزنه ( دايما سادة نفسه عن الأكل)
ومين قال كده انا لما بتضايق بطلع همي في الأكل
5_ تجعل منك رجل مثالي فى عملك ( لأنك قرفان منها فعلى طول فهتقضي أكبر وقت فى شغلك)
على أساس انهه عتقاه في شغله هههههههههههه هات وانت جي فينو ولبن ونستو وبيض ولانشون علشان البت وتفاح وبطيخ وجاتووووووه علشن نفسي فيه ومتنساش فطار بكره وغدا بكره علشان مش هقدر انزل علشان مرهقه شويه ..... ترن ترن ترن جبت اللي قلتلك عليه .... ترن ترن ترن اتاخرت ليه وهكذا وهكذا
ويبقى كدة وراء كل رجل عظيم امرأة نكدية
قصدك وراء كل رجل حزين إمرأة

دا على سبيل المزاح لأني راجعة بعد قليل ونتكلم بجد من وجهة نظر البنت وليس الرجل فقط إذا سمحتم لى طبعا

توتاااااااااا

نصيحه لكل مقبل على الجواز بإيدك هتسستم حياتك ... الست على ما تعودهه وديه حقيقه وخلي بالك الحاجه اللي بتعملهه مره واحده بتتبرمج في عقلهه ومبتنسهاش ابدا وعندهه قدرة تخزين عاليه تقدر بفلاشتين كينجستون

يعني مثلا عملت فيهه الشاب الرومانسي ودخلتلهه في 1/10/2011 ببوكيه ورد وهذيه لطيفه هتبقا وقعت سوده ان مدخلتلهاش في 1/10/2012 بهديه برضه والا هتبقا اتغيرت معايا اهيه اهيه اهيه مبقتش تحبني اهيه اهيه اهيه تكني وكسه على نصيبي اهيه اهيه اهيه وهاتك يا زن زن زن زن

نصيحه اخويه عشان الموضوع ده جميل فعلا وبيزود الخبرات عند اللى لسه متجوزوش واللى اتجوزوا بينقلوا خبراتهم

كل واحد متجوز ياريت يفتح الموضوع ده من على موبايله او الأى فون او اللاب المهم يكون بره البيت وخلاص او بالكتير يكون بعيد عن الحكومه عشان الموضوع ده لو اتقرا من الحكومه يبقى نقول عليه ( كان عضو فعال الله يرحمه ) وربنا يسترها علينا جميعا