ايهما تفضل..السيارات السيدان ام السيارات الدفع رباعي؟؟

السلام عليكم اخواني واخواتي اعضاء المنتدي الكرام. انا حبيت اطرح الموضوع دة بيننا عشان نعرف اي نوع من السيارات يكون افضل بالنسبة للشخص وبالنسبة للمكان الذي توجد فية السيارة
يعني انا لاحظت ان الناس الخليجيين بيفضلوا السيارات الدفع الرباعي نظرا للبيئة والمكان الذي يعشون فية من مرتفعات وجبال وصحراء ودة يتطلب سيارات عالية لتتحمل هذة الاجواء بس لاحظت انهم في نفس الوقت بيحبوا من ان لاخر يركبوا السيارات السيدان طبعا عشان ما يحسوش بالملل وكمان الرفاهية.
بالنسبة لنا احنا في مصر لاحظت الناس بنسبة كبيرة جدا بتركب السيارات السيدان ودة لان احنا ما عندناش جبال ولا صحراء نعيش فيها بس انا من راي الشخصي في ظل البنية التحتية (الشوارع والطرق والحارات والازقة والمناطق العشوائية بل والمناطق الراقية) اللي حالها لا يسر عدو ولا حبيب، محتاجلها سيارة عالية عشان المطبات والبهدلة دة غير السواقة الجنونية بتاعة سواقين الميكروباص والشاحنات.

انتم اية رايكم في الموضوع دة؟؟

الموضوع فى اختصار شديد:

الجيب اتعمل عشان الجبل

ايه معنى انى اجيب عربية 4500 سى سى بدفع رباعى و ارتفاعها متر عن الارض و فيها عزم يجر عمارة و فى الاخر استعمل كل الامكانيات دى عشان اطلع المطب الصناعى اللى على مدخل كارفور؟؟؟؟؟؟؟؟؟؟؟؟؟؟؟؟؟

MMamdouh

زى ما قال الأستاذ ممدوح,
انا متفق معاه تماما, سيارات الدفع الرباعى معمولة عشان الطرق غير المعبدة, و لكنها طبعا تفتقد للثبات و الاداء الرشيق, السيدان أكثر رشاقة و أسرع و كثيرا ما تكون أكثر راحة, ميزة سيارات الدفع الرباعى فقط فى المدينة هى المتانة, و التى تسمح لك "بفرض سيطرتك" على الغلابة أصحاب السيارات الصغيرة و سيارات السيدان, و الذين سوف يفسحون لك الطريق خوفا و هلعا!

والله في عربيات قدرت تجمع الي حد ما بين السيارات الرباعية الدفع والسيدان...
يعني مثلا التريوس....عربية عالية وفي منها دفع رباعي (يعني علي قدها) وفي نفس الوقت مش ضخمة قوي من الخارج ...رغم وسعها الداخلي.....ومناسبة جدااا لظروف الطرق في مصر....واهم شيء انها 1500 Cc يعني مش 4100 ولا حتي 3600

طيب و دى لما تطلع الجبل؟؟؟

التيريوس و الحاجات دى مش عربيات جيب... دى بتحك نفسها فى العربيات الجيب

MMamdouh

أنا هحكيلك على تجربتي في سواقة الدفع الرباعي
أنا سوقت باجيرو 2008 و شيروكي 2003
طبعا ليها مميزات و ليها عيوب
--المميزات--
تحس إنك مش على الأرض أصلا و إنك بعيد عن الناس
الناس كلها أول ما هتشوفك في المرايا هتخاف منك و توسعلك
أنا شايف إنها أريح نفسيا
إحساس بالقوة لا يوصف ... وحش على الطريق و أوعى وشك من العزم
إدخل أي مكان ولا يهمك التكسير و المطباط و الحفر .. دا إحتمال إنك أنت اللي تبوظ الشارع



--العيوب--
كنت بعمل شألبظات علشان اركن (لازم يكون المكان واسع و تكون متمكن علشان تركنها)
صعوبة إنك تاخد غرزه غير على الوااااسع أوي
محرقة بنزين
لو كنت طول حياتك بتسوق سيدان هتتعب كتيير أوي على ماتسوق دفع رباعي



ملحوظة : فيه دفع رباعي سيدان

اقتباس:

---

المشاركة الأصلية كتبت بواسطة hero

والله في عربيات قدرت تجمع الي حد ما بين السيارات الرباعية الدفع والسيدان...

---

والسوبارو امبريزا سياره سيدان بس دفع رباعى و ده بيدى ثبات عالى و بالذات فى الملفات بس فيها عيب ان عزمها قليل

اقتباس:

---

المشاركة الأصلية كتبت بواسطة khattab_89

ملحوظة : فيه دفع رباعي سيدان

---

تبقى سيدان

احنا المشكلة اننا بنسمى الجيب دفع رباعى مع ان مش كل دفع رباعى جيب

MMamdouh

اقتباس:

---

المشاركة الأصلية كتبت بواسطة Eng.Ahmed

والسوبارو امبريزا سياره سيدان بس دفع رباعى و ده بيدى ثبات عالى و بالذات فى الملفات بس فيها عيب ان عزمها قليل

---

السوبارو امبريزا سيارة دفع رباعى مستمر, الجيب مختلفة, فيها فتيس غرز, لكن فى الوضع الطبيعى هى دفع خلفى.
و الدفع الرباعى مفترض انو بيزود الثبات فى المنحنيات, لكن فيه أراء أخرى بتقول عكس ذلك, لاسيما انو فيرارى مثلا و هى قمة السيارات الرياضية كل سياراتها دفع خلفى.
الفكرة انو الدفع الرباعى بيزود وزن السيارة, و فى الحالة دى السيارة بتتعرض لعزم دوران أكبر و ضغط جانبى أكبر على الاطارات, و فى حالة الانزلاق, تتشابك قوى الاطارات مع بعضها و يعمل وزنها الذى غالبا ما يكون ثقيلا على انتاج عزم دوران كبير, مما يؤدى الى انزلاقها و التفافها حول نفسها, لذا فسيارات الدفع الرباعى يصعب السيطرة عليها عكس سيارات الدفع الخلفى و الدفع الامامى.
عموما الدفع الخلفى مع المحرك فى المنتصف هو الأفضل دائما و يكفينا ان نعرف أن فيرارى تعتمد هذا النظام فى جميع سياراتها تقريبا.

الميزة فى الدفع الرباعى المستمر هو انك فى حال انزلاق السيارة حول نفسها كل المطلوب منك انك توجة الدكسيون صح و تكبس بنزين و العربية حتعدل نفسها... عشان كدة سيارات الرالى بتبقى دفع رباعى و عندها قدرة مناورة عالية جدا فى الطرق اللى فيها منحنيات ديقة كتير و متتالية و مبيكنش فيها مستوى الخطورة العالى بتاع العربيات الدفع الخلفى لما تضغط عليها جامد فى ملف

MMamdouh

اقتباس:

---

المشاركة الأصلية كتبت بواسطة hero

والله في عربيات قدرت تجمع الي حد ما بين السيارات الرباعية الدفع والسيدان...
يعني مثلا التريوس....عربية عالية وفي منها دفع رباعي (يعني علي قدها) وفي نفس الوقت مش ضخمة قوي من الخارج ...رغم وسعها الداخلي.....ومناسبة جدااا لظروف الطرق في مصر....واهم شيء انها 1500 Cc يعني مش 4100 ولا حتي 3600

---

انا غير متفق معاك علي الراي دة. بصراحة انا بحس ان التريوس دي عاملة زي كلب البحر لا هي سيارة هاتشباك ولا هي سيارة 4ء4 يعني زي اللي رقص علي السلم. انا واحد صاحبي لسة شاري واحدة قريب قلتلة روح ارميها في الزبالة احسنلك

اقتباس:

---

المشاركة الأصلية كتبت بواسطة khattab_89

أنا هحكيلك على تجربتي في سواقة الدفع الرباعي
أنا سوقت باجيرو 2008 و شيروكي 2003
طبعا ليها مميزات و ليها عيوب
--المميزات--
تحس إنك مش على الأرض أصلا و إنك بعيد عن الناس
الناس كلها أول ما هتشوفك في المرايا هتخاف منك و توسعلك
أنا شايف إنها أريح نفسيا
إحساس بالقوة لا يوصف ... وحش على الطريق و أوعى وشك من العزم
إدخل أي مكان ولا يهمك التكسير و المطباط و الحفر .. دا إحتمال إنك أنت اللي تبوظ الشارع



--العيوب--
كنت بعمل شألبظات علشان اركن (لازم يكون المكان واسع و تكون متمكن علشان تركنها)
صعوبة إنك تاخد غرزه غير على الوااااسع أوي
محرقة بنزين
لو كنت طول حياتك بتسوق سيدان هتتعب كتيير أوي على ماتسوق دفع رباعي



ملحوظة : فيه دفع رباعي سيدان

---

بالنسبة للشألبظات او التطعيص دة مش من اختصاص الباجيرو ولا الشيروكي لان دي سيارات علي ادها ولو ان الشيروكي جامدة وقوية وممكن تعمل بلاوي سودة بس اللي انا عاوزة اقولة ان التطعيص من اختصاص النيسان باترول والتويوتا لاند لكروزر. تعالي هنا في الخليج افرجك علي التحفيص علي حق ربنا والسيارات ثابتة واحلي شو تشوفة مش كدة وبس دة كمان السيارات دي شيك وانيقة جدا لدرجة انها موجودة في كل بيت سواء غني او فقير

اقتباس:

---

المشاركة الأصلية كتبت بواسطة فادى

زى ما قال الأستاذ ممدوح,
انا متفق معاه تماما, سيارات الدفع الرباعى معمولة عشان الطرق غير المعبدة, و لكنها طبعا تفتقد للثبات و الاداء الرشيق, السيدان أكثر رشاقة و أسرع و كثيرا ما تكون أكثر راحة, ميزة سيارات الدفع الرباعى فقط فى المدينة هى المتانة, و التى تسمح لك "بفرض سيطرتك" على الغلابة أصحاب السيارات الصغيرة و سيارات السيدان, و الذين سوف يفسحون لك الطريق خوفا و هلعا!

---

لية تفقتقد للثبات والاداء الرشيق؟ طب انا عندي تيدا 2007 لما بكون ماشي بيها علي سرعة 100 بحس ان ممكن شوية هواء يطيروني من علي الارض.

بالنسبة لميزة السيارات الدفع الرباعي من حيث المتانة وفرض سيطرتك علي الناس الغلابة اصحاب السيارات الصغير. انا رايي ان طبيعة السواقة عندنا في مصر تفرض علينا ان الواحد فينا يكون معاة سيارة قوية وكبيرة لان انت ادري مني بالسواقة في مصر والدهس بتاع سواقين الميكروباص وقمة الاستهتار اللي الناس بتمارسها كل ثانية

اقتباس:

---

المشاركة الأصلية كتبت بواسطة Mido80

لية تفقتقد للثبات والاداء الرشيق؟ طب انا عندي تيدا 2007 لما بكون ماشي بيها علي سرعة 100 بحس ان ممكن شوية هواء يطيروني من علي الارض.

بالنسبة لميزة السيارات الدفع الرباعي من حيث المتانة وفرض سيطرتك علي الناس الغلابة اصحاب السيارات الصغير. انا رايي ان طبيعة السواقة عندنا في مصر تفرض علينا ان الواحد فينا يكون معاة سيارة قوية وكبيرة لان انت ادري مني بالسواقة في مصر والدهس بتاع سواقين الميكروباص وقمة الاستهتار اللي الناس بتمارسها كل ثانية

---

التيدا ده طبيعى فى أى سيارة صغيرة لأن وزنها غالبا ما يكون صغيرا, و عشان كده لما بتمشى بسرعة الخلخلة فى الهواء بترفع السيارة بسهولة, بالاضافة انو التيدا مرتفعة عن الأرض قليلا, لكن ده ملوش دعوة بالدفع الرباعى, أنا بتكلم فى المنحنيات فقط, الدفع الرباعى يوفر أفضل سلامة نشطة, لكنه صعب القيادة, و الوزن الثقيل أفضل فى الطرق السريعة "المستقيمة" لكنه فى بعض الحالات قد يكون أسوأ فى المنحنيات.
التيدا على ما أعتقد (و لو اننى لا اعرف الكثير عنها), هى سيارة يابانية, و السيارات الأسيوية عادة ما تزود بنظام تعليق شديد النعومة عكس الأوروبيات و خاصة السيارات الايطالية, و نظم التعليق الناعمة مريحة لكنها تتسبب فى تبدل كبير فى الأوزان و انزلاقات غير محببة فى المنحنيات.
و لاحظ أيضا أن التيدا دفع أمامى, و هو نظام سىء من ناحية الثبات.

على فكرة الباجيرو عربية محترمة جدا في التطعيس ما شي ويا ريت ما حدش يجيب سيرة حاجة هو ما حربهاش وانا ما بقلش حاجة على الباترول ةلا الاندج بس انا عندي الباجيرو افضل من الاند في طلوع الجبال الرملية وبسهولة اكبر ومع اقل شي من العزم اما الاند فانت محتاج عزم كبير علشان العربية ما تقفش منك في نص الطريق وطبعا الجيب افضل بكتيييييييييييييييييييييي ر من السيدان فا من ناحية الرفاهية كل حاجة بقت متوفرة الجيب اثبت من السيدان وطبعا في الملفات صعبة علشان الارتفاع اقصدي الملفات الشديدة اللي السيدان تاخده على 160 الجيب يا خدها على 120-130 ماشي صحيحة العربية موش ناعمة بس افض من الحك في المطبات وتغير مساعدين وتربيط عفشة

انا اسمع من ناس كتيرر وخصوصا اللى بينزلوا من الخليج فى الصيف بعربياتهم ان ال4x4 اريح فى السفر من السيدان وعلى فكره من كلام الناس فى الخليج ان الباجيرو اثبت عربيه فى اليابانى يعنى اثبت من اللاندكروزر والباترول وطبعا الكايين اثبت عربيه فى الاوروبى اما الامريكى من ناحيه الثبات مش عارف اى معلومه عنه انما اعرف ان فورد هى التى تنتج اكبر سيارات امريكيه 4x4 مثل navigator & suburban & expidation

اقتباس:

---

المشاركة الأصلية كتبت بواسطة cobraa2008

على فكرة الباجيرو عربية محترمة جدا في التطعيس ما شي ويا ريت ما حدش يجيب سيرة حاجة هو ما حربهاش وانا ما بقلش حاجة على الباترول ةلا الاندج بس انا عندي الباجيرو افضل من الاند في طلوع الجبال الرملية وبسهولة اكبر ومع اقل شي من العزم اما الاند فانت محتاج عزم كبير علشان العربية ما تقفش منك في نص الطريق وطبعا الجيب افضل بكتيييييييييييييييييييييي ر من السيدان فا من ناحية الرفاهية كل حاجة بقت متوفرة الجيب اثبت من السيدان وطبعا في الملفات صعبة علشان الارتفاع اقصدي الملفات الشديدة اللي السيدان تاخده على 160 الجيب يا خدها على 120-130 ماشي صحيحة العربية موش ناعمة بس افض من الحك في المطبات وتغير مساعدين وتربيط عفشة

---

صباح الفل اولاً. انت دخلت فيا شمال كدة لية يا استاذ كوبرا، احنا بنتكلم في موضوع عام. وبعدين يا سيدي انا جربت الباجيرو بس لاحظت ان عزمها مش جامد اوي (انا بتكلم علي 3000 سي سي) دة ما كانش راي انا بس لا دة كان راي متخصصين في السيارات وهاقولك الموقف جة ازاي..
انا كنت بتفرج علي سيارة باجيرو موديل 2005 (موتور 6 سلندر 3000 سي سي) عشان كنت ناوي انزل بيها مصر بري المهم انا طلعت بالعربية عشان اجربها حسيت انها تقيلة شوية في السحب (يعني قوتها غير متماشية مع شكلها وحجمها من حيث انها سيارة دفع رباعي). وبعدين خدتها ورحت افحصها عند متخصصي سيارات عالية. الراجل وهو سايقها ما كانش مبسوط منها اد كدة دة غير ان صاحبها كان طالب فيها سعر عالي جدا ودي الحاجات اللي خلتني اتراجع عن شرئها والحمد لله اشتريت تويوتا برادو مودل 2004 وحاسس بفرق شاسع بين السيارتين. بصراحة البرادو افضل منها 100 مرة.

لا هي عيب الباجيرو في العزم فقط عومه طبعا موش زي التويوتا وده بيرجع لطبيعة الميكنه الاول صح هي موش زي الاند في السرعة ولا القوة لاكن هل جربت انك تخش بيها سفاري مع لاند ما اعتقدتش جرب وها تحس بقوة العربية وبعدين الباجيرو قوتها في الرمل افضل من الاسفلت بكتيررررررررررررررر اما الاند فلا في السفلت افضل بكتيييييير من الرمل ولاكن جرت العادة على شراءها مع ان الباجيرو افضل من الاند من حيث بلد الصنع فهي يايانية 100*100 بخلاف الاند فهيا يا اما اندونيسي يا جنوب افريقي

وعلى فكرة الباجيرو افضل بكتيييير من البرادو تلاقي الراجل عامل بيها حاجة وعايز يخلص منها
على العموم انا شديت مع برادو اقبل كده وكانت هي جير عادي وانا اتوماتيك لقيت البرادوا ورايا يعدو مسافات وعلى فكرة الباجيرو في السفر حلوة بس ما تشدش عليها ياعني 120 محترمة جدا وهتلاقي في فرق في استهلاك الوقود وغير كده الباجيرو فيها حطه ممكن ما تعجبش الناس اللي بحبوا يسافروا انك لو محمل على سقف العربية العربية هي اللي بتتحك في السرعة حط لو انت بترقص على العربية موش هاتزيد عن تلك السرع اللي الكمبيوتر اللي فيها بحسبها وذلك لضصمان عدم وقوع حوادث واحنا عرفنا ذلك لما كنا ججيين بيها مصر بابا بيسوق وبيدوس بنزين والار بي ام عالي وصوت المكنه عالي والسرعة ثابته لما بابا زهق كلم التوكيل اقله انت محمل على العربية وزن زيادة والعربية وارتفاع زيادة فا العربية واخده حد اما علشان ما يحصلش لاقدر الله اي حاجة وده حاجة عجباني بخلاف التويوتا والنيسان

مع ان الباجيرو افضل من الاند من حيث بلد الصنع فهي يايانية 100*100 بخلاف الاند فهيا يا اما اندونيسي يا جنوب افريقي

انا الحمد لله سيارتي ياباني 100*100 وبعدين انا رحت التوكيل سألت عنها لاقيت انها كلها ياباني لكن ممكن الاندونيسي او الجنوب افريقي بتنزل دول غير دول الخليج بدليل انهم ما فيش هنا كرولا جنوب افريقي.

وعلى فكرة الباجيرو افضل بكتيييير من البرادو تلاقي الراجل عامل بيها حاجة وعايز يخلص منها

سيارتي انا اشتريتها من توكيل تويوتا واللي جابهالي مهندس صحبي مدير مبيعات شغال في الشركة وهو اللي فحصهالي بنفسة وقالي خدها وانت مغمض. والحمد لله السيارة كانها وكالة لسة وماشية 70 الف كيلو بس

اقتباس:

---

المشاركة الأصلية كتبت بواسطة MMamdouh

الموضوع فى اختصار شديد:

الجيب اتعمل عشان الجبل

ايه معنى انى اجيب عربية 4500 سى سى بدفع رباعى و ارتفاعها متر عن الارض و فيها عزم يجر عمارة و فى الاخر استعمل كل الامكانيات دى عشان اطلع المطب الصناعى اللى على مدخل كارفور؟؟؟؟؟؟؟؟؟؟؟؟؟؟؟؟؟

MMamdouh

---

mall rated :biggrin24:.