تجربتي لتغيير حساس الأيدل و المساعدين الأمامي و فلتر البنزين لشيري a11

**ahmed2801** · 02-07-2012 10:21 PM

المشاركة الأصلية كتبت بواسطة novo

هو أنا كنت نضفت الحساس و اشتغل كويس بس خفت يهيس تاني و أنا مسافر فجبت الجديد من صقر و العربية اضبطت و رجعت و الحمد لله طبيعية

لا متخافش منه مفيش احسن من الاصلى انا نضفته اكتر من 6 مرات وبيشتغل زى الفل وده مسئول عن ضبط لفات السلانسيه فقط - واللفات تزيد اول ما تدور العربية الصبح وترجع على 800 بعد ما تسخن ومسؤل عن رفع اللفات فى حالة تشغيل التكييف .. عموما مادمت مبسوط من الجديد ما يضرش بس ما ترميش الاصلى وما تفرطش فيه ح تعوزه بعدين ( شوية اليكتريك كلينر) وح يشتغل زى الفل ما ترميش اى حاجة تشيلها من العربية الاصلى.
وبالمناسبة انا محتاج مراية شمال جبت واحدة من التوكيل بـ 250 جنية وطلعت زباله(انا أسف فى اللفظ) بس ده اقل ما يقال عنها .. واتكسرت !!! دخل فى العربية ميكروباص وهى واقفة شالها من جدورها نزلت لقيتها معلقة على السلك

**novo** · 03-07-2012 10:49 AM

المشاركة الأصلية كتبت بواسطة douha_wise

الف مبروك يا احمد و لكن عايز اعرف رايك ايه فى المساعدين الساكس عشان انا اشتريتهم قبل كده و حاسس انهم ناشفين فهل انت عندك نفس الإحساس

الله يبارك فيك
المساعدين الساكس مش نشقين و معقولين جدا و أنا جبتهم من فتح الباب و عموما عفشة العربية دي ناشفة

**ahmed2801** · 03-07-2012 04:01 PM

المشاركة الأصلية كتبت بواسطة novo

الله يبارك فيك
المساعدين الساكس مش نشقين و معقولين جدا و أنا جبتهم من فتح الباب و عموما عفشة العربية دي ناشفة

السلام عليكم
بعد إذنك يا استاذ احمد انت غيرت المساعدين ليه.
يعنى ايه ظواهر وعلامات تلفهم
وشكرا

**novo** · 04-07-2012 10:19 AM

المشاركة الأصلية كتبت بواسطة ahmed2801

السلام عليكم
بعد إذنك يا استاذ احمد انت غيرت المساعدين ليه.
يعنى ايه ظواهر وعلامات تلفهم
وشكرا

و عليكم السلام
هيه العربية من ساعت ما جبتها من الزيرو و العفشة ناشفة بس الفترة الأخيرة لاحظت ان درجة التمايل فى الملفات زادت و الاستابيلتي قلت و بعد تغيير المساعدين الحمد لله العربية اتظبطت
على فكره المساعدين طالعين سلام بمعنى ان محدش فيهم ضارب زيت و أعتقد ان ده ممتاز نظرا لأنهم بقالهم 90ألف كم

**ahmed2801** · 04-07-2012 03:03 PM

المشاركة الأصلية كتبت بواسطة novo

و عليكم السلام
هيه العربية من ساعت ما جبتها من الزيرو و العفشة ناشفة بس الفترة الأخيرة لاحظت ان درجة التمايل فى الملفات زادت و الاستابيلتي قلت و بعد تغيير المساعدين الحمد لله العربية اتظبطت
على فكره المساعدين طالعين سلام بمعنى ان محدش فيهم ضارب زيت و أعتقد ان ده ممتاز نظرا لأنهم بقالهم 90ألف كم

شكرا لرد حضرتك.
نصيحه لوجه الله تعالى ما ترميش اى حاجة تفكها من العربية لانك مش ح تلاقى زيها أبد أبدا والمساعدين بتوعها بعد إذنك هواء مش زيت.
جبت امبارح مراية شمال كهرباء بـ 170 جنية.. مش أد كده.. وكرتيرة رفرف يمين بـ 70 جنية من عند صقر جسر السويس والله المستعان.