الموضوع: ممكن نقول ان 120 عندنا بمقام ال180 فى اى عربية تانية

بسم الله الرحمن الرحيم

السلام عليكم جميعا

انا النهارده عاوز اكتب موضوع نقاش كده

انا سمعت عن مسالة ان السرعات العالية بتسحب بنزين من العربية و غير موفرة بالمرة

و بما ان عربيتنا من اكتر العربيات الموفرة المتواجدة على سط كوكب الارض فقلت عادى جداا امشى على 120 مسافة 30 كم صحراوى و اقرص عادى جدااا

لقيت ان فيه حاجة غلط...الا و هيا ::: ان ال120 حمل على العربية كبير جدااا



الملاحظة هنا :

120 حمل على العربية بتاعتنا بنسبة اكبر من اى عربية تانية يعنى مثلا :
لو انت ماشى على 120 بعربية 1600 سىسى او 1500 او حتى 1300 ...هل ممكن تسحب بنزين زيادة بنسبة مثلا 30 %+

بالنسبة للعربية بتاعتنا فـ 120 العربية علشان تجيبها فبتعمل عدد لفات rpm اكتر مثلا 5500 حوالى كده.... يبقى هتاخد بنزين زيادة بنسبة 50%+ مثلا يعنى و الارقام مش حقيقية .
يعنى كنت بهزر مع واحد معاها هوندا سيفيك الشكل القديم و قلتله انا المية و عشرين عندة بمقام مية و تمانين عندك او ممكن متين( 200 يعنى )

-----------------------------------------------------------------------
على الهامش كده.. جوا العريبة حر جداا يا جدعان..انا بجيب جاز
-----------------------------------------------------------------------


السؤال هنا : هل وجهة نظرى تمام ولا فى الاحلام ؟؟

شوفو الصورة
احنا عندنا ال120 عند الــــــــــ 270 بتاعة العربية دى

المسالة مش مسالة ار بي ام على كام المسألة مسألة الار بي ام دا قد ايه من اجمالي لفات الموتور كله
بمعني ان في عربيات اخر الار بي ام بتاعها 6 و في عربيات اخيرها 8 و في اكتر
طبعا ام 6 دي لو فضلت ماشي علي 5 مثلا دا مجهود عليها (جايب اكتر من 80% من لفات الموتور)
دي مثلا ممكن يكون ماشي 180
و ام 8 ال 5 بالنسبالها كلام فاضي (جايب 60% من لفات الموتور)
و دي مثلا ممكن تكون ماشية 160

لو جيت تحسبها في الاخر حتلاقيها نسبة و تناسب بين الفتيس و لفات الموتور

و فعلا كلامك صح ال 120 عندك كانها 170 مثلا في عربية 1500


بس

المشاركة الأصلية كتبت بواسطة sanhory

المسالة مش مسالة ار بي ام على كام المسألة مسألة الار بي ام دا قد ايه من اجمالي لفات الموتور كله
بمعني ان في عربيات اخر الار بي ام بتاعها 6 و في عربيات اخيرها 8 و في اكتر
طبعا ام 6 دي لو فضلت ماشي علي 5 مثلا دا مجهود عليها (جايب اكتر من 80% من لفات الموتور)
دي مثلا ممكن يكون ماشي 180
و ام 8 ال 5 بالنسبالها كلام فاضي (جايب 60% من لفات الموتور)
و دي مثلا ممكن تكون ماشية 160

لو جيت تحسبها في الاخر حتلاقيها نسبة و تناسب بين الفتيس و لفات الموتور

و فعلا كلامك صح ال 120 عندك كانها 170 مثلا في عربية 1500


بس

شكرا على ردك

يبقى انا كلامى طلع صح .... الحمد لله يا عم

المشاركة الأصلية كتبت بواسطة تامر.محمد

و عربية ايه اللي عدادها اخره 330 اللي هتقارن اي عربية بنركبها بيها ؟:)))

اهو بنقارن بقى هههههههههههههههههههههه ربنا يوعدنا كلنا ان شاء الله

المشاركة الأصلية كتبت بواسطة msa142

هما بس لو كانو عملو غيار خامس كانت هتبقى حلاوة .. اه والله

لا يا عم دا احنا كنا هنجيبلها ماكينة فى فى ايام
\\\ دا حتا شوف ال120 محدوفة يمين اوى فى العداد ازاى ...d:

المشاركة الأصلية كتبت بواسطة axel

وجهة نظرك تمام يا باشا بس مينفش تقارن عربية 800 سي سي بعربية 1600 سي سي مش لازم الاحراج و التسييح اللي احنا فيه ده
و كمان لاحظ ان الماورتي كربراتير مش انجيكشن زي الالتو او عربية اكبر يعني مثلا لو حسبنا استهلاك البنزين ع 120 في ماروتي هنلاقيه اكتر من الالتو ع 120

اه تمام ...ممكن بقى تفهمنى يا عمرو الفكرة بتاعة الانجيكشن و الكربراتير و كده .....يعنى ليه ده بيسحب بنزين اعلى...

المشاركة الأصلية كتبت بواسطة Axel

هقولهالك بشكل مختصر و الا هنكتب صفحات هههههههههه
الانجيشكن وظيفته انه يسحب البنزين من التنك لكن مش سحب زي الكرابرتير لأ بيحدد الكمية اللي طالعة بحيث يقلل نسبة الاستهلاك و تكون ع نظام رش الوقود جوة عكس الكربراتير بتدوس ع حسب الدوسة و الحرق بتسحب و تحرق و عيش :) يعني مفيش تنظيم في السحب و الضخ زي الانجيشكن فده اللي بيخلي الاستهلاك بيزيد طبعا بالاضافة لأنظمة حديثة دلوقتي هتلاقيها في العربيات الكبييرة بتؤدي لقلة استهلاك البنزين اكتر مع الانجيشكن
يعني تلاقي عربيتين 1600 سي سي و الاتنين نفس الهورس باور و الوزن و كل حاجة لكن ديه مزودة بنظام حديث لتقليل استهلاك الوقود فتلاقي الغير مزودة بتستهلك مثلا في 100 ك 6 و تلاقي المزودة بالنظام الحديث بتستهلك 4-5 لت ده مجرد مثل

الله ينور يا عمرو ..ههههههههههههههههه