إشاعة الصني الصيني

**hossam_elwani** · 02-07-2012 05:09 PM

[quote=د.هشام;3874410710]

المشاركة الأصلية كتبت بواسطة hossam_elwani

طيب وايه رأيكم فى كلام العضو المحترم zezodapoor

العربية 60% منها مصرييييي
القطع الي جاية من الهند دي كانت مخصصة الاول 1000 عربية بس (الشاسية بتاعي رقم 608) و هي مصنعو بالكامل في الهند (حسب المواصفات اليابانية)
الموتور و الفتيس مصنع نيسان يابان (برضة لاول 1000 عربية)، و المواتير الي هتيجي بعد كدا سمعت انها هتيجي من الهند لحد ما يشوفوا امكانية تصنيعها في مصر...
المكونات المصري :
الزجاج - مصنع جريش
- السيور - الفوانيس - العجل الكاوتش (ماركة صيني صنع في مصر بمكونات 84% مصري)
التكييف ؟؟؟؟ - بس التكييف التاتش الي هينزل في الهاي لين هيكون من بره
الكراسي و الفرش و الارضية و السقف (مصنع السلام)
مكن الزجاج و السنتر و البودي و الشاسية مصرييييييييي

حد يأكد على الكلام ده[/quo

اعتقد ان المكونات المصري نسبتها 40% واللي قال 60% اتلخبط وعكس الموضوع
نيجي بقا للكلام المهم, انا مش عارف انت جبت موضوع أول 1000 عربية دا منين!
خد عندك يا باشا الكلام الاكيد: الحاجة الوحيدة اللي بتيجي من اليابان هو الفتيس
كل الباقي بييجي من الهند, والصين ملهاش أي علاقة بالموضوع
أما بالنسبة للموتور ودي معلومة مهمة, هو بيتجمع أو بيتركب بس في الهند, وأجزاؤه بتيجي من اليابان
أما بقية اجزاء العربية مش عارف بتتصنع ولا بتتجمع في الهند, بس كلها بتيجي من الهند.

انا كلمت كذا موزع وبيأكد ان الزجاج والفرش والدهان والشكمان بلكامل من ضمن المكونات المصريه وان كان طبعا مش بخامات مصريه خالصه احنا عارفين الى فيها

والحاجه الصينى الوحيده هيا الكاوتش

اما التعليق والموتور والفتيس وانظم الفرامل واى حاجه فيها تكنولجى يابانى ميه فى الميه

والله اعلم

**Ahmed_selmy** · 02-07-2012 07:57 PM

متابع باهتمام

**bakka2010** · 02-07-2012 11:08 PM

متابع أنا كمان بإهتمام . بس مش أوى . لإنى مش هاتفرق معايا القطع منين . المهم جودة العربيه وأدائها .

**Ultramisho** · 02-07-2012 11:29 PM

[QUOTE=hossam_elwani;3874410739]

المشاركة الأصلية كتبت بواسطة د.هشام

انا كلمت كذا موزع وبيأكد ان الزجاج والفرش والدهان والشكمان بلكامل من ضمن المكونات المصريه وان كان طبعا مش بخامات مصريه خالصه احنا عارفين الى فيها

والحاجه الصينى الوحيده هيا الكاوتش

اما التعليق والموتور والفتيس وانظم الفرامل واى حاجه فيها تكنولجى يابانى ميه فى الميه

والله اعلم

ماهو كده مافيش تعارض بين الكلامين يعني كلام الوكيل تكنولوجي ياباني وده مااعتقدش اختلف عليها احد اما التصنيع شيئ آخر
على فكرة في الصني القديمة الرادياتير والدفيرة مصرين أكيد
هو عموما المؤكد خاصة من تجربة نيسان تيم الشديد انها عربية كويسة
بس يظهر الياباني 100% هيبقى حلم لينا قريب زي التليفزيونات واللاب توب مابقاش بيخيلنا من اليابان مباشرة
بس برضه العربية شكلها من التجربة هتنجح
انا بس اختلف ان الاعتمادية ممكن تتعرف دلوقتي لانها مالهاش علاقة بالتست دريف لكن بعمر أداء قطع غيارها
خالص تحياتي

**tamerzeid** · 03-07-2012 12:02 AM

اغلب الناس بتشكر فيها جداً
مقارنة بسعرها

**mr_sameh** · 03-07-2012 12:16 AM

اعتقد ان الجدل الدائر حول هذه العربيه ستكذبها الايام القادمه من خلال تجربتها في الشوارع المصريه

**GRADER** · 03-07-2012 01:19 AM

يا جماعة احمدوا ربكو
كله بحسابة و محدش بياخد كل حاجة
لو عايز يابانى خالص روح اشترى تويوتا ب 170000 و بلاش تزهقونا من العربية الله يخليكو

**zezodapoor** · 03-07-2012 11:12 AM

المشاركة الأصلية كتبت بواسطة grader

يا جماعة احمدوا ربكو
كله بحسابة و محدش بياخد كل حاجة
لو عايز يابانى خالص روح اشترى تويوتا ب 170000 و بلاش تزهقونا من العربية الله يخليكو

و الله الي انا اعرفه ان الموتور الي في الصني ده هو الي بيركب في التيدا من 5 سنين (الكلام ده من المنتدي) بس موقع نيسان هند و موقع imta مجبش سيره ان الموتور ده بيتصنع هناك...
عموما برضة مصنع نيسان يابان او هند الحاجة مش بتخرج منه نص نص لازم 100/100
يا سيدي اتكل علي الله

**takakan2005** · 03-07-2012 02:29 PM

"" عدس بترابه وكله بحسابه ""

ده المثل بتاع السوق اللى بينطبق على الصنى الجديدة

ياجماعة أنا شايف العربية دى كويسة جدآ بسعرها ومواصفاتها اللى نازلة بيها

أمال لما تنزل السوبر صالون حيتقال أيه " من العوازل "

العربية دى فعلآ نزلت أسعار عربيات كتير فى السوق

خلي العوازل يتفلفلوا كمان وكمان

**SYD** · 03-07-2012 03:19 PM

اولا احب اضيف رأي من خلال بحثي وراء نيسان وصني تحديداً

صني وقف انتاجها في اليابان من 2004
وبدأت تنزل بأسماء اخري في اقطار مختلفة
واسم نيسان بدأت تطلقه الشركات علي عربيات بمسميات اخري نظراً لما تتمتع به صني بالسمعة الطيبة والتاريخ الطويل
والمفروض ان التيدا هي الأمتداد للصني

يعني كل السمعة الطيبة الي عملاها صني دي لعربيات ليست made in japan
وهذا ما أيده الواقع لما نزلت نيسان بداية من 2005 مصري وكان التغيير يشمل الكاسيت والطاسات والفرش وخلافه

ومعظم العربيات علي هذا الحال
ميتسوبيشي - ماليزي
فولكس - في منها برازيلي كتير
فيات - في منها صيني

وعربيات كتير بدون دخول في تفاصيل

المقصود اننا لينا بالواقع وعندنا وكيل نرجعله ومراكز خدمة
انت لما بتشتري انت بتشتري support بجانب شرائك سيارة
يعني ضمان ومركز خدمة ترجعله لو في مشاكل لا قدر الله

صيني او هندي او حتي مصري مش هو دة بيت القصيد
انا بشتري صني
يعني بشتري عربية العمر الطويل - الأداء القوي - قوة الأحتمال

والي لاحظ فرق في الأداء او العمر الأفتراضي بين موديلات 2004 و 2005 ياريت يقولنا لأن هو دة الفيصل بينا
2004 ياباني - 2005 مصري

دة رأيي المتواضع
وتقبلوا مروري

والله المستعان
،
،