معا لنقهر الحرارة والسخونة..... استفسارات ومعلومات حرارية بخصوص الفيليشيا

السلام عليكم
الســـــــــــــــــــادة/ فرســـــــــــــــــان الفيليشــــــــيا
معا لنحارب ونقهر الحرارة
بصراحة ناس كتير اتكلمو عن حرارة وسخونة الفيليشيا، وفي نفس الوقت ناس أكتر ربنا كرمهم واتغلبوا على الحرارة.
العبد الفقير كان بيراعي مستوى مياه التبريد، وبيغيرها كل كام شهر وبينفض الردياتير من بره بالهواء والمياه، والحرارة بفضل الله كانت لا تزيد عن 90.... ولكن الردياتير تقدم بيه العمر ولاحظت إن مستوى الحرارة بيزيد عن الحد المسموح، فبفكر أغير الردياتير!!
حد جرب ردياتير 3 ماسورة؟
كويس؟ بكام؟ منين؟ خامته نحاس؟ بيبرد أكتر؟؟
بالنسبة للترموستات، برضه بفكر أركب الأقل لأن عندي 82-75 تقريبا!!
هل يوجد أقل؟؟ حد جربه؟؟
في السفر (100-110كم/س) الحرارة بتزيد، هل الجاني هو كوع الترموستات البلاستيك؟؟ ولا إيه؟؟
ممكن نفتح باب حوار للتجارب والآراء بخصوص حلول الحرارة والسخونة؟؟

اعتقد انك تسيب عربيتك علي فبريكتها
والحلول الي حضرتك كنت بتعملها كويسة مش وحشة
مشكلتك في الردياتير - يبقي تغيره هو بس
سيب الثرموستات علي اصوله
وركب الردياتير الأصلي بتاعها
اعتقد في بتاع قطع غيار سكودا اصلية في شارع المرور امام باب تجارة القاهرة

دة رأيي الشخصي بناء علي تجربتي مع عربيات فولكس

والله المستعان
،
،

اقتباس:

---

المشاركة الأصلية كتبت بواسطة syd

اعتقد انك تسيب عربيتك علي فبريكتها
والحلول الي حضرتك كنت بتعملها كويسة مش وحشة
مشكلتك في الردياتير - يبقي تغيره هو بس
سيب الثرموستات علي اصوله
وركب الردياتير الأصلي بتاعها
اعتقد في بتاع قطع غيار سكودا اصلية في شارع المرور امام باب تجارة القاهرة

دة رأيي الشخصي بناء علي تجربتي مع عربيات فولكس

والله المستعان
،
،

---

شكرا للنصيحة المنطقية وده رأيي، بس بصراحة ممكن يكون حد عنده حلول أفضل ومتجربة

محدش فليشيته بتسخن؟؟

ياصديقى العزيز هنا فى المنتدى موضوع للتغلب على سخونه الفليشا للزميل ايهاب عثمان

ودا موضوع هايل جدا هنا باختصار حقلك انا عملت ايه علشان اتغلب على السخونية

غيرت الريداتير النحاس بآخر المونيوم صينى

اشتريتت عبوة بلوك سيل لسد الثغرات التى يمكن ان تكون موجودة بدائرة التبريد بصراحة من يوميها والحرار الشر بره وبعيد عننا وعن فليشيتى منذ عام تقريبا....

وادى رابط الموضوع:
http://www.nilemotors.net/Nile/226010-a.html

ياخسارة كان متثيت بس طلع فى التطهير اللى عمله الباش مهندس احمد....

ياريت يابش مهندس احمد تثيت الموضواعات التى تمس مشاكل عامة للفليشياويه وبلاها السهم المجنح والسهم المكسور....حضرتك طبعا فاهمنى؟؟؟؟

اقتباس:

---

المشاركة الأصلية كتبت بواسطة benmatar

محدش فليشيته بتسخن؟؟

---

بعد الشر ياخويا بعد الشر انشالله اللى يكرهونا....*

حد جرب ردياتير 3 ماسورة؟
كويس؟ بكام؟ منين؟ خامته نحاس؟ بيبرد أكتر؟؟
انا جربتة بس جبتة استيراد يابانى وعدلتة على قد العربية وركبت ثيرموستات ارجنتينى 68-72 وكان تمام جداً ودة كان فى الفورمان ، اما الفيفوريت الحالية فأنا عملت تعديل كامل من بنات افكارى ونفذتة بنفسى وتكلفتة 90ج اشتريت مروحة استيراد لفيلت اونو خمسة ريشة ب 70ج وركبت الثيرموستات الارجنتينى ال 68-72 بس نقلت المروحة الى نصف الريداتير لتكون فى مواجهة الموتور مباشرة وفة نفس الوقت بعيد عن اسلاك البيجوهات ولا تعوق اى عمل وجربت على كدة لقيت نتيجة غير طبيعية وهى ان مستوى الحرارة اصبح لا يتعدى العلامة الاولى حتى فى وقت الظهيرة وخلال اشارات المروور ، ولا يعيب هذة التجربة الا ان المروحة تعتبر شغالة بصفة مستمرة ودة سببة الثيرموستات القليل دة وطبعاً كدة المروحة تستهلك بسرعة ولكن لو حسبناها نلاقى انت الكسبان ، لأن الوضع دة هيستمر حوالى شهرين فقط لغاية الحر ما يخف وبعد كدة فى الشتا نغير الثيرموستات بواحد اعلى ونخلى التانى للصيف ، ولو فرضنا اننا هنغير مروحة كل سنة ب70 ج يبقى احسن من تغيير جوان وش سلندر كل اسبوع وعطل على الطريق وتكلفة لا تقل عن 200ج فى كل مرة ، وانا ناقشت الموضوع دة على الرابط التالى
http://www.nilemotors.net/Nile/292828-90.html

اقتباس:

---

المشاركة الأصلية كتبت بواسطة ايمن الشربينى

حد جرب ردياتير 3 ماسورة؟
كويس؟ بكام؟ منين؟ خامته نحاس؟ بيبرد أكتر؟؟
انا جربتة بس جبتة استيراد يابانى وعدلتة على قد العربية وركبت ثيرموستات ارجنتينى 68-72 وكان تمام جداً ودة كان فى الفورمان ، اما الفيفوريت الحالية فأنا عملت تعديل كامل من بنات افكارى ونفذتة بنفسى وتكلفتة 90ج اشتريت مروحة استيراد لفيلت اونو خمسة ريشة ب 70ج وركبت الثيرموستات الارجنتينى ال 68-72 بس نقلت المروحة الى نصف الريداتير لتكون فى مواجهة الموتور مباشرة وفة نفس الوقت بعيد عن اسلاك البيجوهات ولا تعوق اى عمل وجربت على كدة لقيت نتيجة غير طبيعية وهى ان مستوى الحرارة اصبح لا يتعدى العلامة الاولى حتى فى وقت الظهيرة وخلال اشارات المروور ، ولا يعيب هذة التجربة الا ان المروحة تعتبر شغالة بصفة مستمرة ودة سببة الثيرموستات القليل دة وطبعاً كدة المروحة تستهلك بسرعة ولكن لو حسبناها نلاقى انت الكسبان ، لأن الوضع دة هيستمر حوالى شهرين فقط لغاية الحر ما يخف وبعد كدة فى الشتا نغير الثيرموستات بواحد اعلى ونخلى التانى للصيف ، ولو فرضنا اننا هنغير مروحة كل سنة ب70 ج يبقى احسن من تغيير جوان وش سلندر كل اسبوع وعطل على الطريق وتكلفة لا تقل عن 200ج فى كل مرة ، وانا ناقشت الموضوع دة على الرابط التالى
http://www.nilemotors.net/nile/292828-90.html

---

ما شاء الله عليك كلام تمام التمام، وشكرا للشرح المستفيض الواضح.

اقتباس:

---

المشاركة الأصلية كتبت بواسطة sakr1964

ياصديقى العزيز هنا فى المنتدى موضوع للتغلب على سخونه الفليشا للزميل ايهاب عثمان

ودا موضوع هايل جدا هنا باختصار حقلك انا عملت ايه علشان اتغلب على السخونية

غيرت الريداتير النحاس بآخر المونيوم صينى

اشتريتت عبوة بلوك سيل لسد الثغرات التى يمكن ان تكون موجودة بدائرة التبريد بصراحة من يوميها والحرار الشر بره وبعيد عننا وعن فليشيتى منذ عام تقريبا....

وادى رابط الموضوع:
http://www.nilemotors.net/nile/226010-a.html

ياخسارة كان متثيت بس طلع فى التطهير اللى عمله الباش مهندس احمد....

ياريت يابش مهندس احمد تثيت الموضواعات التى تمس مشاكل عامة للفليشياويه وبلاها السهم المجنح والسهم المكسور....حضرتك طبعا فاهمنى؟؟؟؟

---

شكرا كل الشكر للإفادة وفعلا من سنة كنت جربت البلوك سيل، احتمال استخدمه تاني

نصيحتي ليك لو هتغير الردياتير خليك يا اما فى واحد استيراد حالته تكون كويسة او الصيني الالمونيوم اما بالنسبة للترموستات هاتها زى بتاعتى 86/68 ودى بتاعة الفيات على ما اعتقد وشغالة معايا الحمد لله وفى السفر على سرعة 130 الحرارة قبل 90 بشرطة

اقتباس:

---

المشاركة الأصلية كتبت بواسطة المنسي

نصيحتي ليك لو هتغير الردياتير خليك يا اما فى واحد استيراد حالته تكون كويسة او الصيني الالمونيوم اما بالنسبة للترموستات هاتها زى بتاعتى 86/68 ودى بتاعة الفيات على ما اعتقد وشغالة معايا الحمد لله وفى السفر على سرعة 130 الحرارة قبل 90 بشرطة

---

كلام زي الفل.. طول عمرك بتجيب من الآخر
الردياتير الصيني الألمنيوم تمام؟؟ أتوكل على الله واشتريه؟؟ منين وبكام؟؟؟

اقتباس:

---

المشاركة الأصلية كتبت بواسطة benmatar

كلام زي الفل.. طول عمرك بتجيب من الآخر
الردياتير الصيني الألمنيوم تمام؟؟ أتوكل على الله واشتريه؟؟ منين وبكام؟؟؟

---

عليك وعلى ابو الحسن فى بين السرايات توكل على الله وهاته انا كنت جايبه بقالى سنة تقريبا ب 140 جنيه من عنده او اوكتر من سنة كمان والترموستات هتلاقيها عند بتوع قطع غيار الفيات وياسلام لو تحط معاه مية خضرا iada اسبانى زى الفل بحط منها فالعربية ونسبة التسريب قليل جدا والحمد لله ربنا يديمها عليا نعمة اعمل الموضوع ده وان شاء الله هتدعيلي ولو احتجتنى فى حاجة كلمنى

اقتباس:

---

المشاركة الأصلية كتبت بواسطة المنسي

عليك وعلى ابو الحسن فى بين السرايات توكل على الله وهاته انا كنت جايبه بقالى سنة تقريبا ب 140 جنيه من عنده او اوكتر من سنة كمان والترموستات هتلاقيها عند بتوع قطع غيار الفيات وياسلام لو تحط معاه مية خضرا iada اسبانى زى الفل بحط منها فالعربية ونسبة التسريب قليل جدا والحمد لله ربنا يديمها عليا نعمة اعمل الموضوع ده وان شاء الله هتدعيلي ولو احتجتنى فى حاجة كلمنى

---

ربنا يباركلك، بإذن الله هروح واشتريه من أبو الحسن في الدقي وممكن أركبه عند الاسطى عادل الميكانيكي والتقرير بعد التجربة علطول

فعلا الريداتير المونيوم الصينى انا مركبه من سنه تقريبا وكنت شاريه ب175 جنيه بس بعدها نسيت الحراره خالص وعلى فكرة انا ركبته بنفسى دى حاجه سهله وبسيطة للغاية....

حد بقى يشترى الريداتير الألمانى الاصلى بتاع العربية ....النحاس الأصفر النقى 8888888

هستخير وناوي على الصيني بإذن الله

يا جماعه والله الموضوع بسيط جدااااااا

انا عامل اكتر من جوان والله

وكانت بتسخن وقرفه امى

وفى الاخر جبت ريداتير صينى المونيم

ومن يومها والحراره عمرها مش زادت عن 90 حتى وانا مشغل التكييف الى اصلا راكب على العربيه مش فبريكا كمان

بختصار . انسف ريداتيرك القديم

ولما أركب الردياتير الألمنيوم الجديد مش هحتاج مروحة أمام الردياتير؟؟
بصراحة كنت بفكر في الحكاية دي لأن كتير عملوها وشكرو فيها

اقتباس:

---

المشاركة الأصلية كتبت بواسطة benmatar

ولما أركب الردياتير الألمنيوم الجديد مش هحتاج مروحة أمام الردياتير؟؟
بصراحة كنت بفكر في الحكاية دي لأن كتير عملوها وشكرو فيها

---

لو العربية مفيهاش تكييف مش محتاج تركب مروحة امام الريدياتير انا بصراحة مقابلتش حد عملها وعلى العموم جرب الاول من غير ماتركب مروحة ادام الريدياتير وشوف النتيجة وان شاء الله خير

اقتباس:

---

المشاركة الأصلية كتبت بواسطة benmatar

ولما أركب الردياتير الألمنيوم الجديد مش هحتاج مروحة أمام الردياتير؟؟
بصراحة كنت بفكر في الحكاية دي لأن كتير عملوها وشكرو فيها

---

انا عندي مشكلة سخونة مع التكيف ومش عارف اركب مروحة امامية هل هيجدي.
انا عندي مروحة اتنين سرعة و من غير التكيف الحرارة اخرها تسعين وبتنزل مع المروحة.
عندي سؤالين. المروحة الامامية مجدية؟ (لما سئلت السنة اللي فاتت واحد قالي هتنزل 5 درجات)
ومع التكيف العربية بتجيب 100 درجة
سؤالي التاني الريداتير اللي عندي المونيوم بس مش عارف الصيني اللي انتوا بتقوله عليه ولا حاجة تانية؟ هو عليه مروحة بشميز بتعته

السلام عليكم
رحت إمبارح لأبو الحسن وسألت على الردياتير الألمنيوم ولقيته عامل 150ج.م
رحت للأسطى عادل الميكانيكي بعد أبو الحسن وكشف وملقيناش أي سبب لزيادة الحرارة في السفر، وبعد الفحص والتمحيص كانت النتيجة إن الردياتير عندي مسدود بالكامل من النص التحتاني، بسبب كتر السفر والاستخدام في الطرق المفتوحة الرمل والزلط ودياولو بيدخل من فتحات الإكصدام وبيخبط في الردياتير وخلاه شبه مسدود، الهواء مش بيخش ويعدي إلا من النص العلوي، ورغم إن مواسير الردياتير سليمة ومفيش تسريب إلا إنه لازم يتغير بسبب عدم مرور الهواء في النص التحتاني، وقال إن الردياتير الألمنيوم الصيني كويس، هركبه بإذن الله.

اقتباس:

---

المشاركة الأصلية كتبت بواسطة benmatar

السلام عليكم
رحت إمبارح لأبو الحسن وسألت على الردياتير الألمنيوم ولقيته عامل 150ج.م
رحت للأسطى عادل الميكانيكي بعد أبو الحسن وكشف وملقيناش أي سبب لزيادة الحرارة في السفر، وبعد الفحص والتمحيص كانت النتيجة إن الردياتير عندي مسدود بالكامل من النص التحتاني، بسبب كتر السفر والاستخدام في الطرق المفتوحة الرمل والزلط ودياولو بيدخل من فتحات الإكصدام وبيخبط في الردياتير وخلاه شبه مسدود، الهواء مش بيخش ويعدي إلا من النص العلوي، ورغم إن مواسير الردياتير سليمة ومفيش تسريب إلا إنه لازم يتغير بسبب عدم مرور الهواء في النص التحتاني، وقال إن الردياتير الألمنيوم الصيني كويس، هركبه بإذن الله.

---

انا كمان محتاج اسلك الردياتير عندى لانه مليان ذرات تراب مابين المواسير والتبريد مبقاش زى الاول وكمان عايز اغسل الموتور بالجاز واظبط تاكيهات

اقتباس:

---

المشاركة الأصلية كتبت بواسطة المنسي

انا كمان محتاج اسلك الردياتير عندى لانه مليان ذرات تراب مابين المواسير والتبريد مبقاش زى الاول وكمان عايز اغسل الموتور بالجاز واظبط تاكيهات

---

ياريت تكون عندك محتاجة تنظيف بس، لأنها عندي اتسدت تماما والاريش المعدن اتنت تماما والهوا مبقاش بيعدي ولازملها تغيير ردياتير، وبفكر لما اشتري واحد جديد بإذن الله، اشتري شبك سلك واسعة الفتحات وارشها أسود وأثبتها خلف الاكصدام من عند الفتحات اللي بين كشافين الشبورة، لأن واضح إن سبب الانسداد الزلط اللي بيضرب زي الطلق في الردياتير

اقتباس:

---

المشاركة الأصلية كتبت بواسطة benmatar

ياريت تكون عندك محتاجة تنظيف بس، لأنها عندي اتسدت تماما والاريش المعدن اتنت تماما والهوا مبقاش بيعدي ولازملها تغيير ردياتير، وبفكر لما اشتري واحد جديد بإذن الله، اشتري شبك سلك واسعة الفتحات وارشها أسود وأثبتها خلف الاكصدام من عند الفتحات اللي بين كشافين الشبورة، لأن واضح إن سبب الانسداد الزلط اللي بيضرب زي الطلق في الردياتير

---

والله انا نفسي اعمل شبكة سلك من فوق لحد تحت وارشها اسود واهى تعدى هوا يبرد الموتور فالحر اللى احنا فيه اليومين دول ربنا معاك ويعينك

اقتباس:

---

المشاركة الأصلية كتبت بواسطة المنسي

والله انا نفسي اعمل شبكة سلك من فوق لحد تحت وارشها اسود واهى تعدى هوا يبرد الموتور فالحر اللى احنا فيه اليومين دول ربنا معاك ويعينك

---

وزيادة على كدة بصراحة بفكر إني أفك الشبكة السودا الرفيعة اللي في نصها علامة سكودا، لأني شايف إن فتحة دخول الهواء في فيليشيا ضيقة جدا ودي عامل من عوامل ارتفاع الحرارة، وكمان فيها شبكة بلاستك تخينة، اعتقد إنها لو اتشالت هتساعد شوية في زيادة دخول الهوا، ومش هتغير حاجة في شكل العربية، ولا إيـــــه؟؟؟

اقتباس:

---

المشاركة الأصلية كتبت بواسطة benmatar

وزيادة على كدة بصراحة بفكر إني أفك الشبكة السودا الرفيعة اللي في نصها علامة سكودا، لأني شايف إن فتحة دخول الهواء في فيليشيا ضيقة جدا ودي عامل من عوامل ارتفاع الحرارة، وكمان فيها شبكة بلاستك تخينة، اعتقد إنها لو اتشالت هتساعد شوية في زيادة دخول الهوا، ومش هتغير حاجة في شكل العربية، ولا إيـــــه؟؟؟

---

أعتقد هتساعد بس مش قوي لأن الفتحة نفسها صغيرة فحت. احنا محتاجين نشيل الشنب كله بس مش عارف تتعمل عند مين

اقتباس:

---

المشاركة الأصلية كتبت بواسطة asaid

أعتقد هتساعد بس مش قوي لأن الفتحة نفسها صغيرة فحت. احنا محتاجين نشيل الشنب كله بس مش عارف تتعمل عند مين

---

بطلوا لعب فى العربيات يجماعة انتم كدا بتشوهو المنظر العام للعربية غيروا الريداتير والله عن تجربه شخصيه هات ريداتنير صينى المونيوم وانسو الحرارة.... ياخبر الجدع اللى اسمه سيد مش حيهدى الا لم يغير وش العربية من اسكودا الى فيات 124....*

معاك إن أغلب الأراء والنصائح أفادت بأن تغيير الردياتير وبالأخص الصيني الألمنيوم أبو 150ج.م هو الحل المثالي، ومشكلة الحرارة تتحل بنسبة كبيرة