مبروك مقدما, تستلمها على خير ان شاء الله
جميل موضوع الصيانات بصراحة, على الاقل علشان يشجعوا الناس انها تلتزم بالصيانات عندها, أصل انا بالكتير بلتزم بالصيانات سنة وبعدين أكمل برة التوكيل, بس لو الموضوع كدة فعلا ممكن الواحد يلتزم معاهم
عرض للطباعة
مبروك عليك حضرتك روحت الساعه كام اصل انا كنت هناك الساعه 4 تقريبا؟؟
واخترت لون العربيه ولون الصالون ايه؟؟
وحتستلم امتى؟؟
الغريبه ان معلومة الكاوتش الى قالها المندوب هناك وهو اسمه اسلام قالى انه كورى مش صينى بس ماعرفتش اجادل لان مكنش فيه ولا عربيه عشان اثبتله ده
هل ممكن يكون فيه دفعات بكاوتش كورى ودفعات بكاوتش صينى ؟؟
تحياتى وبلتوفيق وياريت تكون متواصل للافاده والاستفاده من كل ماهو جديد
أنا كنت هناك الساعة 5 بعد الشغل و اخترت اللون البرونزى طبعا و الفرش بيج و اللون التانى دهبى وهأستلم بعد شهر ان شاء الله
و الكاوتش المندوب التانى قالى نفس الكلام و قالى انه هيستحمل معاك و انه كويس فى السرعة و الزحلقة
و اتفقت معاه لما يبقى عنده لون برونزى أو دهبى يكلمنى
و لقيت عنده الصنى القديمة ex لونها اسود بس تحفة هى التابلوه بتاعها طبعا خامته ربر جميلة و فى اماكن فى التابلوه من فوق علشان لو حطيت حاجة عليه ماتقعش بس كنبتها ضيقة فى القعدة و ده يفرق معايا
وواضح اننا ممكن نستلم مع بعض فى نفس اليوم
وعلى فكرة كان لسه واصلهم عروض تقسيط جديدة على الميل بس بيبقى فى حظر بيع هابقى اشوفها و احطها فى المنتدى لما يبعتهالى المندوب
بس كنت عاوز أسألك على اجراءات بنك ناصر لو دفعت 60% من العربية و هل فى حظر بيع و لا لأ و هل لازم أحول المرتب عليهم
لانى استسهلت البنك الأهلى علشان عندى حساب هناك و هو تقريبا فايدته 8.5% بعد ما تحسب المصاريف الادارية
على فكرة بكرة هيجيلهم العربية بس تقريبا اسود انا هاروح لو اللون برونزى او دهبى و هابقى اتابع معاك
يعنى احنا الاتنين بصره فى اللون هههه بس انا صالونى اسود
وفعلا كان فيه نيسان سودا العمال كانو بينظفوها عشان تتسلم بس خلاص الشكل القديم راحت عليه وبقى كلاسيكى اوى
اما بلنسبه لبنك ناصر انا حتعاقد معاه بنظام ضمان الوديعه يعنى لازم يكون موجود وديعه بنسبه 40% من المديونيه بعد حساب الفائده وانا دافع مقدم 65% من تمن العربيه
يعنى القاعده بنظام الوديعه انك تدفع مقدم لايقل عن 15% + 40% وديعه من قيمة المديونيه الاجماليه
وتدفع قسطك كل شهر عادى وبتاخد العائد على الوديعه بعد سنه من تاريخ الايداع والعائد اعلى من نسبه الفائده على المديونيه من المتبقى من تمن العربيه
اما نظام ضمان المرتب لازم يكون مرتبك ضامن للقسط مضروب *2 يعنى لو قسطك 1000 جنيه لازم يكون مرتبك 2000 والكلام ده من خدمة عملاء البنك وياريت تتأكد منه
بس الاكيد انك مابتحولش المرتب بتاعك على البنك .... الى بيحصل انك بتجيب خطاب من الشغل عندك يتعهد بيه بتحويل مرتبك الى البنك فى حين طلب البنك التحويل وده طبعا مش حيحصل الا لما تقصر فى دفع الاقساط
والاحلى ان مفيش اى تأمين الزامى على العربيه يعنى حنترحم من 20000 الف رايحين على الارض وده من وجهة نظرى لان فيه ناس بتفضل التأمين تحت اى ظروف
بس اعتقد ان البنك الاهلى بيشترط التأمين صح ولا لا ؟؟
تحياتى
انت ماشوفتش البرونزى على الطبيعه؟؟
انا شوفته تحفه + انه فى الاعلان الرسمى جميل جدا .....
بس تعرف لما بصيت لجنط اليفينا الــ 15 حسيته حيبقى روعه لو على الصنى لانه تحفه فى حد ذاته وخصوصا انه اربعه مسمار
بس يترى ممكن يكون موجود استعمال فى الحرفيين فى القاهره او عند بتوع الاستيراد او فى بور سعيد ؟؟
انا شوفت طبعا الدهبى و البرونزى على الطبيعة الاتنين تحفة بس البرونزى عليه الطلب أكتر انا كنت هأحجز زيك الفرش اسود علشان الأولاد طبعا لكن لما شوفت البيج مع العربية البرونزى لقيته تحفة كانت واقفة عند مودرن سيدى جابر بس كنت عاوز أتأكد من الالوان تانى علشان ترتيب الأولوية مش أكتر لانى نفسى كنت اجيبها لون فاتح دهبى يعنى و كان نفسى فى السيلفر بس ما عجبنيش لما شوفته فرشه لازم اسود و النواكل و الشبكة الامامية مش باينين فيه
بالنسبة للبنك الأهلى أنا هاظبط قرض شخصى مع تحويل المرتب فبالتالى مفيش لا تأمين و لا حظر بيع وارخص 3 سنين براحتى فايدة 7.95 % و مصاريف ادارية 2% تخصم مقدما و فايدة أول شهر تخصم مقدما برضه يعنهى تحسبها تلاقى تقريبا 8.5 % كله على بعضه
على العموم انا كنت شايف بنك ناصر على الموقع بتاعه حاطط شرح هابص عليه بكرة و اشوف ايه القصة
آه افتكرت حاجة المدير بتاعى النهاردة كان بيرخص عربيته فى المرور كان اتصل بالنمرة بتاعتهم بتاعت الترخيص عن طريق التليفون من قبل كده و قالولوه يجى النهاردة علشان الفحص الفنى قالى كان طابور عند الفحص بس استقبله تقريبا واحد و خده لشباك مخصوص للخدمة الجديدة فاضى انا ما ركزتش معاه أوى ومش عارف هتنفع مع العربيات الجديدة و لا ايه الكلام هأشوف بكرة و أقولك بس عامة والله كويس ان عندنا فى مصر حاجة زى كده
موضوع شيق وفيه كلام كتير مفيد . متابع .
بص يا باشا
المرور بتاعنا فى مصر بيعمل خدمات جديدة بركات الثورة بقى
قبل الثورة انا فاكر اخدت يومين لنقل ملكية العربية
ولما روحت بعد الثورة ظبطت مع واحد ودخلنى لمكتب فى المرور مكتوب عليه للمميزين و كبار السن
أنا ما فهمتش ايه المميزين هل بالفلوس و لا حاجة مش عارف المهم ساعتها خلصت فى ساعة و نص تقريبا التجديد للأسف بالفلوس لانى كنت مضطر وبابيع العربية لواحد هيسافر بيها يومها
نيجى بقى للخدمة الجديدة اللى قالى عليها مديرى و دى خدمة تجديد الرخصة عن طريق التليفون و رقمها فى مرور أبيس اسكندرية 4260222
مديرى عربيته مرور محرم بك أساسا بس ما تفهمش إزاى الرخصة طلعتله من أبيس كاالتالى
اتصل بالتليفون و اداهم رقم العربية الموظف راجعه على الكمبيوتر و قاله يومين و يجى مرور ابيس
هو اتأخر عليه كام يوم وراح بالعربية ابيس دخل المكتب الخاص بالخدمة جنب الفحص الفنى لقى الموظف مجهز شهادة المخالفات و ماكنش عليه حاجة بس لاحظ واحد تانى الموظف اداله ايصال بدفع المخالفات و باقى الفلوس فواضح انه كمان بياخد منك فلوس المخالفات و يدفعها هو و انت قاعد فى المكتب
المهم الموظف قاله ترخيص 3 سنين 800 جنيه و شوية و العربية 1300 سى سى على فكرة و دفعهم قام الموظف اتصل بموظف شركة التأمين و جابوه المكتب ظبط معاه بعد كده الموظف ساب مديرى فى المكتب و راح دفع الضريبة و رجع بالايصالات و بعد كده خدوا العربية و راحو الفحص و كان فى طابور طويل هناك دخلوا من جنبيه لشباك تانى كده طلعلهم المهندس مخصوص بص على العربية فى كلمة و بعدين البصمة وعسكرى الطفاية قاله دى مرور محرم بك قاله الموظف ما احنا هنا بنخلص محرم بك كمان وخلصت الطفاية و خلاص رجعو المكتب بعدها الموظف اختفى شوية لقاه راجع بالرخصة معاه مرور محرم بك
القصة دى كلها أخدت 50 دقيقة تقريبا و مديرى طبعا مندهش و هو بيحكيلى عن اللى بيحصل
أنا بصراحة حسيت اننا مش فى مصر
بس فى حاجة لاحظتها ان الموظف ده بيقوم بكل حاجة بنفسه فايه الأخبار لما يحصل ضغط على الخدمة دى مش عارف بس عامة ايشى خيال يا ناس