الموضوع: استفسار عن الصنى الجديدة

المشاركة الأصلية كتبت بواسطة dodyam

أنا أولا مليش فى العربيات أوى فعذرا لو كلامى مش واضح.... و أنا ان شاء الله ناوى أشترى عربية يعنى عاوزها عائلية واسعة بشنطة كويسة و موفرة فى البنزين و قطع غيار تعيش و توكيل كويس و سعر اعادة بيع كويس
فاخترت الصنى الجديدة لان فيها كل ده و كمان الشكل جميل
لكن فى كام حاجة كده عاوز رأىكم فيها مقلقانى
1_ لما فتحت كبوت العربية لقيت فيه من تحت اماكن لحام عند الدعامات و اللحام فى العربية اللى شوفتها أى كلام و فى منه كمان مفرقع
2_ و كمان فى خراطيم كهرباء جنب الموتور متربطة فى بعض بشيكرتون أى كلام متهيألى المفروض تكون بافيز جامد علشان السخونية
3_ التابلوه شكله البلاستيك بتاعه مش حلو زى الصنى القديمة و ده كلام صاحبى و هو معاه الصنى القديمة و حتى شكل التابلوه مختلف يعنى القديمة فى أماكن كده فوق منحوتة فيه تقدر تحط عليه حاجة و فى علبة تقريبا فوق الكاسيت و هو قالى ان تابلوه الجديدة مش حلو

طبعا الحاجات دى ممكن تكون مش مهمة أوى بس بتعبر عن مستوى تقفيل العربية و الخامات اللى فيها فبصراحة أنا قلقت ليكون فى حاجة فى التقفيل مش باينة من جوا وخصوصا انه تقفيل مصرى

كمان انا سألت عند كام موزع معتمد عن المكونات المصرية و كلهم اتفقوا على التقفيل و الفرش و الزجاج
لكن اختلفو ان واحد قالى الشكمان و واحد تانى قالى الضفيرة الكهرباء
فموضوع الضفيرة ده خنقنى و قلت ربنا يستر

كمان لسه قارى موضوع فى القسم ان بقية مكونات العربية الـ 60 % دى مش يابانى ولا حاجة دى من مصنع الهند أو الصين حتى الموتور أجزاؤه بتيجى من اليابان و يجمع فى الهند ثم يرسل الى المصنع فى مصر

واللى خلانى مصدق شوية الكلام ده انى قريت فى موضوع ان من 4 شهور كان فى مشكلة فى عربيات
نيسان و مدير نيسان مصر أكد ان العربيات المستوردة اللى فيها العيب بتكون من مصنع اليابان لكن اللى عندنا فى مصر دى من مصنع المكسيك

يعنى مش يابانى فايه اللى يمنع انها تكون من الهند او الصين هل لما اشترى هيكون فى ورق يقول مكوناتها من اى بلد يابانى و لا هندى

أنا آسف على الاطالة و ياريت حد يساعدنى

انا كلمت كذا موزع وبيأكد ان الزجاج والفرش والدهان والشكمان بلكامل من ضمن المكونات المصريه وان كان طبعا مش بخامات مصريه خالصه احنا عارفين الى فيها

والحاجه الصينى الوحيده هيا الكاوتش

اما التعليق والموتور والفتيس وانظم الفرامل واى حاجه فيها تكنولجى يابانى ميه فى الميه

والله اعلم

اما بخصوص معلومة الشكرتون فعلا معاك حق انا علقت على الموضوع ده مع مندوب المبيعات رد عليا وقالى عادى الجوك وهيا تقفيل انجليزى فيها نفس الملحوظه


اما موضوع الضفيره هل هيا مصرى ولا هندى ولا بابانى دى عايز معلومه مؤكده من المصدر مش حنقدر نفتى

وبخصوص اللحامات ازاى شوفت حضرتك ان فيه لحام مفرقع دى تبقى كارثه فهمنى وجهة نظرك يعنى ايه مفرقع؟؟

أولا أشكرك بشدة على ردك الكريم يا سيدى خاصة اننا اسكندرانية زى بعض

بخصوص اللحام المفرقع أنا شوفت ده فى عربية لونها سيلفر عند الموزع اللى قبل سيدى جابر بـ 200 متر اسمه تقريبا مودرن موتورز و مكانه لما تفتح غطاء الموتور و تبص فى الغطاء من تحت فيه زى دعامات حديد كده ملحومة فى الغطاء من تحت و بنط اللحام باينة و فى منها مش مخدوم كويس و فى منها واضح انه كان ملحوم و فصل عن بعضه

لما سألت المندوب قالى لانها عربية عرض طبعا أى كلام و خلاص لانها أكيد هتتباع لزبون و هو وحظه وربنا يستر علينا
وانا شوفت عنده قبلها بيوم فى نفس المكان عربية بلون تانى فواضح انه قبل ما بيسلم العربية للعميل بيحطها تتعرض شوية لغاية لما يجى غيرها و ده عادى و بيحصل عند موزعين تانيين بس ما يشتغلنيش ويقولى عربية عرض

المشاركة الأصلية كتبت بواسطة dodyam

أولا أشكرك بشدة على ردك الكريم يا سيدى خاصة اننا اسكندرانية زى بعض

بخصوص اللحام المفرقع أنا شوفت ده فى عربية لونها سيلفر عند الموزع اللى قبل سيدى جابر بـ 200 متر اسمه تقريبا مودرن موتورز و مكانه لما تفتح غطاء الموتور و تبص فى الغطاء من تحت فيه زى دعامات حديد كده ملحومة فى الغطاء من تحت و بنط اللحام باينة و فى منها مش مخدوم كويس و فى منها واضح انه كان ملحوم و فصل عن بعضه

لما سألت المندوب قالى لانها عربية عرض طبعا أى كلام و خلاص لانها أكيد هتتباع لزبون و هو وحظه وربنا يستر علينا
وانا شوفت عنده قبلها بيوم فى نفس المكان عربية بلون تانى فواضح انه قبل ما بيسلم العربية للعميل بيحطها تتعرض شوية لغاية لما يجى غيرها و ده عادى و بيحصل عند موزعين تانيين بس ما يشتغلنيش ويقولى عربية عرض

انت اكيد قصدك على (السيلكون الحديد) الى بيبقى ماسك الدعامات بــ صاج الكبوت صح؟؟

هو فعلا الفنش بتاعه مش تمام لكن انا لاحظت ده برضه فى النترا 2012!!!!



بس قلى انت نويت ولا لسه

تحياتى ليك

جزئيه الشكرتون زى ما قلت لحضرتك موجوده فى الجوك الى هيا تقفيل انجليزى مش عارف ازاى !!!!!!!!!! ازاى يتفقو على عيب زى ده

والدليل فى الصوره فى الجزئيات الى متعلم عليها دواير بلاخضر

المشاركة الأصلية كتبت بواسطة hossam_elwani

انت اكيد قصدك على (السيلكون الحديد) الى بيبقى ماسك الدعامات بــ صاج الكبوت صح؟؟

هو فعلا الفنش بتاعه مش تمام لكن انا لاحظت ده برضه فى النترا 2012!!!!



بس قلى انت نويت ولا لسه

تحياتى ليك

هو فعلا قصدى على اللحام اللى ماسك الدعامات
وانا خلاص كنت ناوى احجز من يومين بس قلقتنى الحاجات دى وكمان صاحبى نصحتى ابص على السيراتو و الالنترا واللوجان حتى نشوف تقفيلهم عامل ازاى
فبكرة ان شاء الله اعدى على اباظة اشوفهم
بس انت رأيك الصنى و لا الالنترا و لا اللوجان مع العلم ان ما يهمنيش فرق قوة المحرك و التسارع زى ما ذكرت فى اول الموضوع انا بعت اللانوس علشان كانت هتفتج بقها فعاوز عربية تريحنى 5 سنين أدام على الأقل

المشاركة الأصلية كتبت بواسطة dodyam

هو فعلا قصدى على اللحام اللى ماسك الدعامات
وانا خلاص كنت ناوى احجز من يومين بس قلقتنى الحاجات دى وكمان صاحبى نصحتى ابص على السيراتو و الالنترا واللوجان حتى نشوف تقفيلهم عامل ازاى
فبكرة ان شاء الله اعدى على اباظة اشوفهم
بس انت رأيك الصنى و لا الالنترا و لا اللوجان مع العلم ان ما يهمنيش فرق قوة المحرك و التسارع زى ما ذكرت فى اول الموضوع انا بعت اللانوس علشان كانت هتفتج بقها فعاوز عربية تريحنى 5 سنين أدام على الأقل

لو اختيار بين التلاته دول انا فى رأييى طلع الوجان من دماغك خالص

وابعد كمان عن السيراتو خالص كفايه عليها كده وكفاية الاراء السلبيه على عليها

والاختيار بين الالنترا والصنى

الصنى تتفوق فى استهلاك البنزين

رخص قطع الغيار

وسائل امان

سعر اعادة البيع للصنى افضل من الالنترا لان القاعده بتقول كل ما العربيه تغلى كل ما تفقد من قيمتها الماديه عند اعادة البيع (الاستثناء من القاعده دى فى السوق المصرى هيا التويوتا)

لكن الالنترا ماتتركبش اقل من فئة gls وكشكل احلى طبعا دى مفيهاش كلام

لو معاك فلوسها توكل على الله وعلى الالنترا عدل لكن لو حتجيب اول فئه اوتو عشان الشكل بس وطبعا دى مفيهاش اى وسائل امان وكمان شايلين منها حاجات كتير من بره ومن جوه مخلى شكلها مش مبهر زى فئة gls

تحياتى ومتواصل معاك