سؤال بالنسبة لتنضيف عدسة الكاسيت

**mohmdomar** · 22-06-2008 03:02 PM

السلام عليكم
دي اول مشاركة ليا هنا ويشرفني اكون معاكوا

انا عندي كاسيت mp3 نوعه بايونير 3750 وكان شغال كويس في الاول لحد ما ابتدي يقطع في الصوت وفي الاخر رفض يقرأ السيدي تماما

وديته عند واحد قالي غالبا محتاج تنضيف عدسة لكن حتسيبه معايا يوم

طبعا انا مش عايز اسيب الكاسيت عند حد لأن احتمال يلعب فيه وياخد حاجة من مكوناته

فسؤالي هو ينفع انا بنفسي افتح الكاسيت وانضفه طيب ازاي و هحتاج ايه؟

سؤال تاني معلش عايز اركب سماعات مدورة في ابواب العربية فأيه احسن نوع وهل ال13 سنتي يركب عليها .. وعربيتي نوعها شاهين

اسف علي الاطالة ومتشكر جدا

**maikel_nan** · 22-06-2008 09:40 PM

على ما اعتقد انى سمعت ان فيه ناس بتنضفه بسيديهات التنضيف العاديه بتاعه الكمبيوتر

**mohmdomar** · 23-06-2008 01:59 PM

مااعتقدش ان سيديهات التنضيف حتنفع معاه لأنه مش بينطق خالص فياريت لو حد عارف اذا كان ممكن افتحه بنفسي وانضفه او حتي يقلي علي مكان كويس ممكن اصلحه فيه

**farahat** · 23-06-2008 02:17 PM

سيديهات التنضيف مش بيفرق معاها بينطق ولا لأ ، هي كدة كدة بتدخل تلف و تنضف العدسة .
نصيحة تانية يا ريت متحاولش تنضف عدسة أي Cd بإيدك لأنها بتتجرح بسهولة جداً و ساعتها مش هينفع ليها حل ، أحسن حاجة السيديهات الخاصة بالتنضيف

**mohmdomar** · 23-06-2008 02:38 PM

الف شكر علي نصيحتك الغالية ان شاء الله هشتري السيدي دا واجرب وهبقي اقول ايه النتيجة

**farahat** · 23-06-2008 02:55 PM

مفيش داعي للشكر أخي العزيز ، بس يا ريت تبقى تطمنا حصل إيه

**mrghost** · 23-06-2008 06:03 PM

ممكنت تحاول تنظفه بالبلور ولو ماشتغلش وديه لاى حد تانى بس ماتسيبوش عند حد لانه ممكن يلعب فيه او يبوظ حاجه او يبدل العدسه

**top_top_100_100** · 03-07-2008 03:25 AM

السلام عليكم بمناسة السوال الى انت بتالو عن تنظيف العدسة انا سمعت من ناس شغالة فى توكيل بايونير الى فى وسط البلد ان ال سى دى الى بينظف دة ملوش لزمة وتبعان و مش بينظف كويس لو عايز تنظف العدسة بتجيب سلكة ودان الى هيا فيها قطن وتمسح العدسة براحة جدا وبس و لو عايز حد كويس قولى اوانا ابعتك لية وعلى ضمنتى