الموضوع: عايز ميجان او كليو اتوماتيك فى اسكندرية

مع كامل احترامى بس ما هو كل اللي بيشترى مش بيقدر سعر النضيف منها و بيكون عايز يشتري بسعر السوق اللي هو سعر المشارح ،، و مش معقول واحد يشتري عربيه و يصونها فى التوكيل و يصرف دم قلبه و في الاخر حيبيع بسعر السوق و مايعرفش يركب حاجه بعدها بنفس المستوي والجوده
الميجان النضيفه 2006 فعلا لا يمكن صاحبها يفكر يبيعها اقل من 80 الف ده لو قدر فعلا يفارقها . و لو كانت تاني يد اتاكد تماما انها مش نضيفه من غير ما تفحصها لان اللي اشتراها بيشتري عربيه ممتازه بسعر و لا فى الخيال لكن فى الواقع هو مش فاهمها و لا يقدر يصونها في التوكيل و العربيه دى بالذات لو اتضرب فيها مفك مش حقولك عند ميكانيكي لا ده او حتى فى مركز خدمه معتمد يبقى عليه العوض فيها .
من الاخر العربيه دى روحها فى التوكيل حتى لو اغلي شويه بس بتشتري العربيه جديده زى ماهى و بتشتري راحتك كمان.
نصيحه اخيره اوعي تاخدها من تاجر و لو مصر ضحي ب 400 جنيه و افحصها في التوكيل و ممكن تسال في ااتوكيل علي واحده للبيع ساعات بيبقي فيه ناس مبلغاهم عايزين يبيعوا عربياتهم و بتبقى مضمونه.
ربنا معاك