أنا عندي واحد قديم من أيام أنرويد 1.6 وحطيت عليه فرويو وده آخره في التحديث
عيبه بالنسبة لي إن التاتش بتاعه ريسيستيف .. والجديد كاباستيف فمش هاتواجه المشكلة دي
العيب التاني إنه النظام أيامها ماكانش لسة بيقرا عربي عشان كدة ماكنتش بعرف أدخل بيه على مواقع عربي ومعرفتش أعربه لأن الدعم بتاعه في الدول العربية قليل ... دلوقتي الأندرويد بيقرا عربي رسمي من غير تعريب
السببين دول ما بقوش مشكلة .. وبصراحة أنا فكرت كتير أجيب واحد جديد يكون تاتش كاباستيف وأندرويد أيس كريم .. بس لاقيتها مش مستاهلة لأني مضظر آخد اللابتوب برضه معايا في كل حتة عشان عليه كل شغلي فصرفت نظر
اللى عندي حاليا الأولاد بيلعبوا عليه أنجري بيرد وما الى ذلك فقط .. وكان فيه جي بي إس وكل ما يمكن تخيله وياما اترزع واتخبط واتبهدل ولسة شغال ونزلتله 500 سوفت وير وطلعت عين أهله ولسة شغال .. "بس ده كان جايلي من أميريكا ومعرفش هل في فرق جودة ولا لأ"
حاجة كمان أنا برضه ما أعرفش بطاريته بتقعد قد إيه .. لأن اللى عندي ما بتقعدش أكتر نص ساعة بالكتير بس هو جايلي مستعمل من سنتين وشوية فكدة حلو عليه
الآيباد بطاريته بتقعد استخدام متواصل مع أخويا مش أقل من خمس ساعات بأي حال
المفضلات