الموضوع: محتاج نصيحة بخصوص شركات الحج السياحى

حضرتك انا اعرف كذا شركة لكن فى القاهرة, هما ناس ممتازين جدا

لو حضرتك عاوز تفاصيلهم انا تحت امرك فى اى وقت

كنت اتمنى افادتك ولكن من قال لا اعلم فقد افتى , ان شاء الله ربنا ييسرلك وتحج بيت الله الحرام عقبالنا يا رب العالمين ولا تنسانا من دعائك يا اخى, وقفقك الله لما يحب ويرضى.

معاذ باشا ... ممكن تقوللى عليهم؟ أنا طبعاً بأفضل لو شركات من اسكندرية بس لو من القاهرة و مضمونين مفيش مانع طبعاً

انا اعرف اتنين تلاتة كده
هجمع لحضرتك كل كل البيانات علشان تتصل بيهم و ربنا يوفقك ان شاء الله

معاذ باشا ... ألف شكر على الرد .. أنا فى خلال الفترة دى كنت سألت ناس كتير و فعلاً لاكى تورز من الشركات اللى ناس كتير شكرت فيها لكن أسعارها كانت غالية شوية (هى ليها فرع فى سموحة - اسكندرية) ... و استقريت فى الآخر على شركة اسمها باسكو تورز تابعة لجامعة الدول العربية و برامجها ممتازة و أسعارها معقولة جداً و ناس كتير شكروا فيها بشدة ... لو حد حابب يعرف التفاصيل ممكن أكتب تفاصيل البرامج بتاعتهم هنا.

الحمد لله ان حضرتك لقيت حاجة كويسة

حج مبرور و ذنب مغفور مقدما ان شاء الله

يا ريت لو حضرتك تذكر تفاصيل عن العرض ده, و هل لهم فرع فى القاهرة و لا لأ؟

حج مبرور وذنب مغفور مقدما وأحب أن أقولك شىء أنا حسيته زيارة بيت الله الحرام وتأدية مناسك الحج من أحلى وأمتع الأشياء وفرحتها لا تعادل أى فرحة أخرى ( نجاح - جواز - عمل - أولاد - ترقية - شراء سيارة جديدة - شراء شقة جديدة) وحستنى ردك عندما تعود بأذن الله
أنا الحمدلله قمت السنه الماضية برحلة الحج مع أحد شركات السياحة من القاهرة بمنطقة باب اللوق على الرغم من اننى اعيش بالأسكندرية ولكن بالفعل الشركة ممتازة وتم تنفيذ كل ما فى العقد بل وأكثر من ما هو منصوص عليه لدرجة أننى قمت بالتوسط لهذه الشركة لتتولى تنظيم رحلات العمرة للعاملين بالشركة الذى أعمل بها وايضا عدد من أصدقائى (6) قد حجزوا للحج هذا العام مع هذه الشركة 4 برى و2 طيران .