ياريت حد يجاوبنا بأمانه وحياديه عن ثبات السياره على السرعات العاليه خاصه فى الملفات ومطبات الهواء ولكم جزيل الشكر .
عرض للطباعة
ياريت حد يجاوبنا بأمانه وحياديه عن ثبات السياره على السرعات العاليه خاصه فى الملفات ومطبات الهواء ولكم جزيل الشكر .
ايوه ,,,,,, اللى انا بسمعه انها بعد ال 100 بتبتدى تحس بعدم الثبات ,,,,,,, اللى حصل قدامى بقى كنت بسابق واحد صاحبى معاه سيراتو فى حته صغيره مش كبيره و اخرها ملف و مطب فانا هديت قبلها و صاحبى كبس بنزين اكتر و اكتشف الملف و المطب فداس فرامل جامد و العربيه عومت جاامد من الضهر و كانت هتتقلب بس الحمد لله وقفت قبل الرصيف علطول
بأمانة وحيادية محدش هيفيدك بيها
لازم تجرب بنفسك وتحكم ومكتكونش عربية ايجار تكون عربية واحد معرفة
محدش هيقول على عربيته وحشة
ومحدش من الاقسام التانية هيشكر ف الكورى عمتن
السيراتو فعلا لا تحقق الثبات على السرعات العالية وعن تجربة
كل عربية وليها حدود
السيراتو عربية سيدان عائلية مش سوبر كار
محدش قال إنها سوبر كار وإننا منتظرين منها أداء عالى لكن أداء متوسط أنا بصراحة شكلها يوحى بالثبات لكن كلام الأعضاء هنا فى المنتدى إنها مش ثابتة وفيه ناس بتقول ثباتها معقول والله أعلم لكن لو ثابتة فعلا كان كله قال على الأقل
كل واحد على حسب ثقته فى العربية وتعوده عليها
وبعدين السيراتو طول ما الطريق حلو عمرك ما بتحس بالسرعة
ولو غيرت الكاوتش لحاجة نظيفة والتماسك بتاعه عالى .. الموضوع بيختلف تماما
وطبعا كل عربية وليها حدودها بس هى الفئة دى حدود كل العربيات تقريبا زى بعض الفرق مش كبير
انا مثلا مصور فيديو تجميع من 160 لـ 200 ماسك الكاميرا فى ايد والدريكسون فى ايد ودا العادى لما بسوقها على اى سرعة ولو بجرى حتى مع حد
يا جماعة السييراتو واللي زيها مينفعش تسال على ثباتها لانها مش عربيات رفاهية الثبات اللي تسال عليه للعربياتت الغالية فيما فوق 200000 من وجهة نظري المتواضعة
انا شخصيا بمشى احيانا 140 وبتكون معقوله جداااااااااااا والحمد لله