الموضوع: 406- الصحوه

المشاركة الأصلية كتبت بواسطة abou-yahia

بص انا حقول اللي اعرفه

:copy of m-s5:

قصه مصاريف التشغيل ديه ممكن نحكي فيها
ذي ما ذكرت سابقا ان اسعار الصيانات الدوريه تقريبا متوسطها تقريبا ذي اي عربيه ياباني او كوري

لاكن ممكن اشاورلك علي كام حاجه كده فيهم الاختلاف

غيار الزيت بتاعها 4.5 لتر مش 3.5 ذي اغلب العربيات

طقم البوجيهات البوش بحوالي 150 جنيه مش 55 ذي العموم

اسعار المصنعيات هيه يمكن اللي فرقه يعني الحاجه اللي ميكانيكي عادي بياخد فيها 20 جنيه بتاع البيجو بياخد 30 جنيه

استهلاك البنزين حضرتك تستغرب مني لو قلتلك ان استهلاكها داخل المدينه متوسطه الفعلي 1 الي 10 بلتكييف بس مش زحمه قوي

وفي السفر اقل بكتير من عربيات ياباني وكوري وده عن تجربه فعليه

بلنسبه للفتيس عايز اقول وانا مطمن ان الناس بترمي سوء الاستخدام بتاعها علي الفتيس نفسه , وحضرتك او خدت لفه بس في عربيه اكثر منها انتشارا ذي الاسكودا وافضل منها سمعه لدي الناس حتذهل من كم الشكاوي من الملاك من الفتيس الاتوماتيك

بلنسبه للموديلات الاقدم بصراحه ماليش سابق خبره فيها

لاكن اقدر اقول ان المانيول فيها حكايه فعلا مره سوقت 405 جميل جدا والتسارع بتاعه هايل مبتحسش انك بتنقل .

بلنسبه للموتور 1600 اكيد اقل من 2000 بس معنديش داتا عنه

لاكن اؤكد لحضرتك وانا مغمض انه افضل كتير من عربيات موديل السنه

وشكرا

كلام مظبوط فعلا مصاريف التشغيل مش فارقة كتير عن بعض العربيات الياباني والكوري ويمكن اقل في بعض الحاجات
الفتيس مشاكلة مش كتير زي الناس ما بتهول مقارنة بعربيات تانية برضه فيها مشاكل في الفتيس الاوتوماتيك وغالبا العربيات ال بيكون فتيسها متطور وفيه تكنولوجي عالي لكن التكنولوجي ده بيفرق كتير في الاداء طبعا وفعلا سوء الاستخدام وزحمة شوارعنا الغير طبيعية بتاثر كتيييير على الفتيس ده لو بتسوق العربية فترة طويلة على طرق مفتوحة ومش بتدخل جوه البلد ان شاء مش هتلاقي اي مشاكل في الفتيس بالاضافة االى ان المشاكل دي قلت كتير في موديلات بعد 2004
بالنسبة لموتور ال 405 ال 1600 ده موتور رهيب و اسال اي حد معاه العربية دي هيقولك ان ماشاء الله احسن بكتير من عربيات كتير 1600 كنت بجيب بيه 130 على التاني

تسلم إيدك على المعلومات القيمة دي

المشاركة الأصلية كتبت بواسطة shadygalal669

طب معلش ممكن نصيحه في ميكانيكي كويس اغير عنده الكوبلن و اربه فتيس و لو حضرتك بتتعامل مع محل قطع غيار برضو ارجو النصيحه لاني سئلت ع مروحة التكيف بتاعتها عند محل قالي استراد ب900 و بعدين اخويا جبهالي ب350 من واحد ميكانيكي انا حاسس ان بتوع قطع الغيار بينصبوا عليا لاني سئلت الكوبلن قالي ب1000 فعايز اعرف حد بتاع قطع غيار و ميكانيكي كويسين و شكرا

المكانيكية الكويسين كتير هتلاقي الاخوة هنا بيقولوا عليهم انا بتعامل غالبا مع المهندس صلاح في السواح راجل محترم واسعاره معقولة
بالنسبة لقطع الغيار غالبا بجيب من شارع دمشق من عمران او غزال بس غزال غالبا بتبقى اسعاره افضل وفي كمان احمد ندا في الحرفيين اسعاره حلوه برضه ده بالنسبة للجديد
المروحة هل عندك مروحة واحدة ولا اتنين المروحة عندي جديدة اصلي بتعمل 850 عند غزال في شارع دمشق واستيراد بتعمل حوالي 400 جنية ولو عايزة تركبها جديدة وتوفر اشتري الموتور لوحده وفك الريشة وركبها على الجديد تمن الموتور لوحده 350 جنيه عند غزال برضه
بالنسبة للكوبلن عايز الاتنين ولا ناحية واحدة سالت على الاتنين بيعملوا 4000 جنية واستيراد 900 لو عايزة ناحية واحدة بتعمل 400 ل 500 وفعلا كل واحد بيبيع بمزاجة لان في واحد قالي على الكوبلن الواحد ب800 وجبته ب 400 من واحد في الوكالةاسمه بيبو العسكري لو عايز رقمه اجيبهولك