تسمحولي أشارك فى الموضوع ده وبعيد عن أي تحفز أو تعليق على التعميم اللى حصل
دلوقتي زي مافيه بنات بنفس الوصف اللى وصفتوه ده فيه بنات برضه محترمة ومش بتخالف شرع ربنا فى لبسها وهقول على قدر المستطاع..
لكن بالله عليكم لو اللى فى البيت ده راجل بيراعي الله فى أهل بيته سواء فى لبسهم..فى طريقة كلامهم..في صداقتهم ...أو فيه عليهم رقابة من أى نوع هل كانوا هيعملوا كدة؟؟؟؟
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ , وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْهُمْ ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ ، وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ , أَلا فَكُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ
فلو كل واحد اتقى الله فى الامانة اللى بين ايديه أحوالنا هتتصلح ويكسب ثواب فى بناته اللى بقت مضغة سهلة للقيل والقال
فهل ياترى ظروف الحياة خلت الناس تتخلى عن قيمها؟ وأخلاقها؟ والعيب واللى يصح واللى ما يصح؟
ومين قال إن البنت لما تلبس كدة تبقى فرصتها فى الجواز أكبر؟؟؟؟ متخلفة اللى تفكر فى كدة
جدتي دايما تقول لنا جملة حلوة جدا ربنا يديها الصحة يارب
البنت زي الفاكهة اذا اتسابت مكشوفة اتلم عليه الذباب وقل تمنها والناس قرفت منها وبعدوا عنها .لكن لو متغطية ومحفوظة بتلاقى دايما شكلها نضيف ويجذب له أى انسان...
أنا مش مضايقة من كلامكم اللى فوق لأن للاسف أغلبيته صح ..لكن من فضلكم بلاش تعميم
نيجي بقى لنقطة تانية غير ان الموضوع بدأ غلطه من البيت ..فيكم انتم
لو كل راجل لقى بنت لابسة كدة وبص ليها بصة مش كويسة وحسسها انها ولا حاجة ..اقسم بالله هتلاقوا البنات على طول احترموا نفسهم ولبسهم وباقتناع ..لكن لما هما يشوفوا الراجل بيجري ورا مين؟ ورا البنت اللى لابسة كذا وكذا ..وبيتقدم لمين؟ للى بتتكلم بالشكل ده وبتلبس كذا...
تفتكروا البنات دي تعمل ايه؟ اتفضلوا جابوا انتوا ...على فكرة أنا مش بقول مبرررات لأني من البداية
قلت انهم غلطانين لكن انا بتناقش معاكم ..وإن ليكم دخل فى المشكلة دي برضه...
حاولوا انتم تبعدوا عن اى بنت تلاقوها بالشكل ده وانتوا اكيد هتحسوا الفرق...
وربنا يستر علينا وعلى كل بنات المسلمين يارب ...لكن عيب وغلط لما نقول على بنات بلدكم بقوا ..... و............ مينفعشي تخرج الألفاظ دي منكم انتم ويشوفها كل واحد ...طيب الغريب يقول ايه؟ ياريت نتناقش ونتكلم من غير ما نجرح فى اى حد
بالله عليكم ..كلمة بترفع للجنة وكلمة بتنزل لقاع جهنم
قال صلى الله عليه وسلم : "إنَّ الرَّجُلَ ليتكلمُ بالكلمةِ مِنْ رضوان الله لا يُلقي لها بالاً يرفعه الله بها درجاتٍ ، وإنَّ العبدَ ليتكلم بالكلمة من سَخَطِ الله لا يُلقي لها بالاً يهوي بها في جهنَّم "
وبالنهاية احترامي وتقديري للجميع
توتااااااااااا