السلام عليكم
انا معاية عربية هيونداى فيرما موديل 2010 كنت راجع من السفر من كام يوم و اخدت مطب عبارة حفرة على الطريق على سرعة 140 سمعت بعدها صوت طقطقة وانا ماشى طوالى و بعدين الصوت اختفى فى الطوالى و ظهر اما اجى اكسر الدريكسيون شمال
روحت للميكانيكى كشف عليها و قالى المساعد ضرب زيت و الكبالن سليمه مفيهاش حاجة جبت طقم مساعدين جداد و ركبتهم و الصوت لسة مستمر و بعدين روحت عند واحد بتاع جكمانات قالى ان علبة الجاكمان عايزة تتغير قولتة طيب الصوت دة من الجكمان قالى لا المشكلة مش منها رجعت تانى للميكانيكى رفع العربية و قالى اكسر شمال و يمين و بعدين قالى المشكلة فى الكرونة و ان احسن لى انى اغير الجيربوكس كلة لان حتكون التكلفة قريبة من تصليح او تغيير الكرونة
فهل الكرونة حتعمل صوت تكتكة كدة ؟
و خايف اجيب جيربوكس و بعدين الصوت ميروحش و خايف من اداء العربية اما اغيرو كمان ممكن حد يساعدنى و يقولى اعمل اية او يكون عندة حل تانى ؟؟؟؟؟