مبروك لحضرتك..بس أنا مركبه من 13 شهر دلوقتى عن طريق الأستاذ زلبانى والفنى أكرم برضه...وعايز أقول لك بعد تجربة المدة دى انه مالوش لزمة وانى ندمان انى مافيمتش العربية بأقل من سدس المبلغ ده
عرض للطباعة
مبروك لحضرتك..بس أنا مركبه من 13 شهر دلوقتى عن طريق الأستاذ زلبانى والفنى أكرم برضه...وعايز أقول لك بعد تجربة المدة دى انه مالوش لزمة وانى ندمان انى مافيمتش العربية بأقل من سدس المبلغ ده
طبعا رأي حضرتك يحترم بس حضرتك أول واحد يقول كده من ضمن اكتر من خمسين واحد ركبه الفيلم وحسوا بفرق كبير في تحسين اداء التكييف وتخفيف لسعة الشمس وده مش كلام مرسل جهاز قياس ال uv موجود وجهاز قياس ال solar energy موجود ممكن نقيس العربيه عشان حضرتك تشوف الفرق بعينك
مبروك ياباشا وشكراً علي التقرير .. واهم حاجة انك مبسوط وهو ده المهم
الف مبروك مرة تانية
حضرتك بتقول الكلام ده ووقت التركيب الأجهزة دى بتختفى...ويوم ماعملتولى العربية كلمتك ع الأجهزة دى قلت لى نسيت أبعتها مع أكرم وبعد خمس ساعات بعت لى واحد قريبك ياخد الفلوس وما اهتميتش تبعت معاه أى جهاز وبعدها بيومين كلمتك وقلت لك ان مافيش تأثير قلت لى اصبر شوية وكنت يوميها مسافر الساحل اتفقنا بعد ما ارجع أكلمك ونقيس اللى بتقول عليه وبعدها حضرتك اما تليفونك مقفول أو مش بترد
عموما دى تجربتى وبصراحة أنا مش مسامح فى الفلوس اللى دفعتها
أولا انا ما بقولش كلام وخلاص
ثانيا الأجهزه موجوده ولو حضرتك حابب تقيسه في اي وقت تشرفنا
ثالثا موبايلاتي ما بتتقفلش وحضرتك لو كلمتني كنت حددت لحضرتك موعد وجيت قيستها لكن ده ما حصلش
موضوع مسامح أو مش مسامح دي حاجه بتاعة حضرتك لأننا بفضل الله بنقدم منتج أصلي بأرخص سعر في مصر دون أي مغالاه حتى في المكسب
وده مش كلامنا ده كلام أغلب الناس اللي اتعاملوا معانا
وبرده حضرتك تقدر تنورنا في أي وقت تقيس الفيلم عشان تشوف الفرق ده بعينك
على فكره تعود الواحد على العربيه في وجود العازل بينسيه قبل العازل كان احساسه بالحر ولسعة الشمس كانت ازاي في الأول لكن الناس بتبقى متخيله ان العازل هايعزل الحراره 100 % ويركن العربيه في الشمس 5 ساعات وعايز يرجع يلاقي العربية درجة حرارتها 20 الكلام ده مالوش وجود في أي منتج في السوق أصلا
أنا كلمت حضرتك وكلامى فوق بيشرح ويومها قلت لى ان عندك انفلونزا وقلت لى حاتبعت حد ياخد الفلوس قلت لك ابعت معاه الجهاز وانت بعت شاب صغير قريبك ياخد الفلوس وما اهتميتش تبعت الجهاز
بص أنا مش حا حول الموضوع خناقة أنا استعوضت ربنا فى الفلوس من زمان لكن أنا مش عايز غيرى ينخدع زى أنا ما انخدعت لأنى رفضت لو تفتكر أكتب تقرير زى ده يعتبر دعاية ليك بعد ما ركبت (رغم انك طلبت منى) عشان ماشيلش ذنب حد
وموضوع الجهاز أنصح اللى عايز يركب يروح مكان موثوق فيه والأجهزة بتاعته معمول لها معايرة عشان يبقى كل شىء صح.
يعني حضرتك بالفعل كنت عارف اني لما ماجيتش كنت مريض وانا لما طلبت من حضرتك تكتب تقرير ساعتها لم أطلب من سيادتك المدح في المنتج ولكن وقتها قلتلك تقرير عن تجربتك
وحضرتك فوق بتقول انك اتصلت وموبايلي مقفول او انا ما رديتش وده فعلا ما حصلش لكن انا فعلا بعتلك حد ياخد الفلوس لأني كنت تعبان وقتها ويالنسبه لموضوع الجهاز حضرتك برده قلت اني قلتلك تكلمني في اي وقت وتمر عليا وانا اقيسهولك بس ده ما حصلش
أنا مستعد أعمل مع حضرتك إتفاق
نودي عينه لهيئة القياس والمعايرة التابعة لأكاديمية البحث العلمي نقيس الفيلم ولو طلع الفيلم اللي بنبيعه يختلف في المواصفات عن المواصفات المعلنه سأتحمل كامل قيمة الإختبار وسأرد إليك مبلغك بالكامل وإذا كانت النتيجه مطابقة للمواصفات المعلنه تتحمل حضرتك تكاليف الإختبار فقط
وأرى ان هذا سيكون من العدل وسيثبت اننا لم نغش أحد في أي يوم من الأيام