حد جرب الفلاش لغسيل الموتور

انا طبعا بعتزر لقلة مشاركتى فى المنتدى
اصحابى وحبايبى اعضاء المنتدى
انا كل مره بغير فيها الزيت بتاع الموتور بزعل وانا شايف منظره والسواد الى فيه انا بحط زيت 3000 وبغيره على 2 او 2.5 مش بسيبه اكتر من كده وكل مره بغير الفلتر ومش ماسك فى نوع زيت واحد يعنى كاسترول مره شيل مره وكده
المهم انا بشوف عرض لغسيل الموتور بفلاش بس انا مشوفتش حد عملها علشان اسئل عن الاداء
واخر مره كنت بغير زيت فى البنزينه (شيل) الراجل قالى ابقى هات معاك فلاش المره الى جايه وانا اعملك الموتور
هل فى حد فى المنتدى جرب الفلاش ده ؟؟
هل فى طريقه تانيه فعاله علشان لون الزيت مع العلم ان اللزوجه مش بطاله يعنى اللون بس هوا الى بيختلف ؟؟
ومره اخيره انا بعتزر عن قلة مشاركتى فى المنتدى الجميل ده
وربنا يستر طريقى وطريكم

ازيك يا حاج مصطفي
انت فين يا راجل

نصيحة بلاش من الفلش

الفلش حامي جدا وبيعمل تأكل لأجزاء المحرك الداخلية

اللون الأسود خير ودليل علي عمل الزيت بكفاءة وهو تنظيف اجزاء المحرك الداخلية
لو نزل دهبي يبقي كأنه معملش حاجة

لازم الزيت لونه يغمق وفي الأخر يسود

تحياتي

اقتباس:

---

المشاركة الأصلية كتبت بواسطة syd

ازيك يا حاج مصطفي
انت فين يا راجل

نصيحة بلاش من الفلش

الفلش حامي جدا وبيعمل تأكل لأجزاء المحرك الداخلية

اللون الأسود خير ودليل علي عمل الزيت بكفاءة وهو تنظيف اجزاء المحرك الداخلية
لو نزل دهبي يبقي كأنه معملش حاجة

لازم الزيت لونه يغمق وفي الأخر يسود

تحياتي

---

افادكم الله يا حج محمد وربنا يطمنك بس الى عاوز اقوله ان اللون بيسود بعد ما بغير الزيت بيومين او تلاته بالكتير
والحمد لله مش بينقص خالص يعنى العلامه لما بغير زى ما بغير تانى مره مفيش نقص والحمد لله
وتحياتى برده
وربنا يستر طريقى وطريقكم

بص ياباشا... مفيش حاجة اسمها حامي

انا جربته بدل المرة 2 و 3 والسواد زي ما هو

وده النوع اللي جبته وهو اكتر نوع شائع

http://i904.photobucket.com/albums/a...a/P1050099.jpg

واللي لاحظته كويس قوي انه عبارة عن (نفض) بتاع البوية.... وده اكيد جدا جدا... بس نفض نقى ونضيف

ولا بيقدم ولا بيأخر ومجرد رمي فلوس فالأرض

الا اذا لقيت نوع نضيف بقى موبيل وللا شيل

اقتباس:

---

المشاركة الأصلية كتبت بواسطة exact

بص ياباشا... مفيش حاجة اسمها حامي

انا جربته بدل المرة 2 و 3 والسواد زي ما هو

وده النوع اللي جبته وهو اكتر نوع شائع

http://i904.photobucket.com/albums/a...a/p1050099.jpg

واللي لاحظته كويس قوي انه عبارة عن (نفض) بتاع البوية.... وده اكيد جدا جدا... بس نفض نقى ونضيف

ولا بيقدم ولا بيأخر ومجرد رمي فلوس فالأرض

الا اذا لقيت نوع نضيف بقى موبيل وللا شيل

---

شكرا يا باشا على الرد بس معلش يعنى السواد الى عندى فى الموتور والى عند حضرتك ملوش حل او ملوش تأثير يعنى اسيبه زى ما هوا واكبر دماغى ولا انتا لقيت حل ؟؟؟؟؟؟؟؟؟؟؟
وربنا يستر طريقى وطريقكم

السواد ده دليل علي ان الزيت قائم بدوره بس لو بعد يومين تلاته من تغيير الزيت لازم تعمل فلاش وفي انواع امريكي اخري غير الي تفضل الزميل بعرضه وانا عملته بعد ما ضرب جوان وش السلندر عندي ودخلت المية علي الزيت ونظف المحرك من الداخل تمام ومفيش منه اي مشاكل الا لو استخدم علي فترات متقاربة جداً او لو خالفت خطوات الاستخدام المقيدة عليه

السواد ده ناتج من استعمال زيوت مش كويسة وعادة ما بتكون زيوت معدينه او زيوت تخليقية واتاخرت جدا عليها او استعمال فلاتر زيت رديئة

بييجي نتيجة الضغط والحرارة العالية بيبدأ جزء من الزيت تحصل له عملية بلمرة ويتحول مع الزمن للشحم الاسود اللي انت شايفه ده... مشكلته انه عامل زي ترسب الكوليسترول في الشرايين قد (وحط تحت قد دي مليون خط) يؤدي لانسداد مجري او مسار الزيت... وطبعا النتيجة معروفة وبره بيسموه Sludge