كرسي السواق بيزيق على خفيف .. حصلت لحد؟

**ahmed_m_ashraf** · 05-07-2012 06:24 PM

أخوكم من النوع التقيل هههههه وأول لما بركب العربية وأمشي لو أرض مش مستويه ومدحدره شوية بسمع صوت تزييق خفيف في سوست الكرسي (أكيد فى الكرسي مش العافشة تعني) لاكن لو فضلت سايق مده تقريبا سوست الكرسي بتلين وتبطل تعمل الصوت ده.

أنا رايح التوكيل الإسبوع القادم, هل حد كان عنده شكوي مشابهه وحلوهالو, ولا أقول للسروجي عليها وأنا بعمل الفرش, ولا ملهاش حل والصوت ده ممكن يروح لما العربية تقدم شوية, ولا هيزيد؟!!!!!

العربية عامله ١٠٥٠ كم تقريبا.

**abo_pasem** · 06-07-2012 01:37 AM

كتر خير لوجي
عربيه تانيه كانت حلفت بالله ماهي مركباك هههههههه

**amr.elsayed** · 06-07-2012 02:23 AM

استاذ احمد اشرف اول حاجة تعملها لو شوفت ابو باسم فى الطريق ثبته واتصل بيا هههههههههه وهو حاطط صورته يعنى مش حنغلب فيه
.........................
بالنسبة للكرسى اعتقد خليهم يشوفوا الموضوع دة فى الصيانة بس ممكن يكون الكرسى فيه مسمار مهوى شوية عايز يتربط كويس ودى اى سروجى يشوفها

**ahmed_m_ashraf** · 06-07-2012 04:22 AM

المشاركة الأصلية كتبت بواسطة abo_pasem

كتر خير لوجي
عربيه تانيه كانت حلفت بالله ماهي مركباك هههههههه

هي دي أخريتها؟ هههههههههه

المشاركة الأصلية كتبت بواسطة amr.elsayed

استاذ احمد اشرف اول حاجة تعملها لو شوفت ابو باسم فى الطريق ثبته واتصل بيا هههههههههه وهو حاطط صورته يعنى مش حنغلب فيه
.........................
بالنسبة للكرسى اعتقد خليهم يشوفوا الموضوع دة فى الصيانة بس ممكن يكون الكرسى فيه مسمار مهوى شوية عايز يتربط كويس ودى اى سروجى يشوفها

خلاص تمام كده, ولو إنت شفته مستني منك رنه هههههه
الله المستعان, أنا رايح التوكيل الإثنين والسروجي الثلاثاء إن شاء الله.

**Mostafa.Ismail** · 06-07-2012 04:44 AM

Wd40 فى مجرى الكرسى.

**ahmed_m_ashraf** · 06-07-2012 05:33 AM

المشاركة الأصلية كتبت بواسطة mostafa.ismail

wd40 فى مجرى الكرسى.

شكرا لمرورك, بس أعتقد الصوت من السوست مش المجرى. هحاول أحدد مكان الصوت عند السروجي وربنا يسهل, ده لو التوكيل منفعش يظبطها.

**Ahmed A Rahman** · 06-07-2012 08:00 AM

حصلت يا باشا انا زميل برضه ومعدي ال 100 كيلو بمراحل

فعلا من شهرين كده عملت نفس التزييق وكنت ببقى محرج اوي لما بركب حد معايا ويقعد الكرسي يزيق على المطبات

هي ربع علبة wd40 بتفك البلاستيكة اللي على يمين الكرسي وتدخل العصايا الحمرا بتاعة wd40 على اي حاجه حديد في الكرسي من تحت وخصوصا جوا الخرم بتاع لف ظهر الكرسي

وانسى

**Ahmed A Rahman** · 06-07-2012 09:11 AM

اي خدمة يا باشا

وبقولك هي دي العربية اللي تشيل الاوزان بتاعتنا ما شاء الله عليها

-

الموضوع: كرسي السواق بيزيق على خفيف .. حصلت لحد؟

LinkBack

أدوات الموضوع

عرض

-

-

-

-

-

المواضيع المتشابهه

الدركسيون بيزيق

تزبيط لعربيتى خفيف خفيف

سقف الأفيو بيزيق

هل كرسي السواق فيه جيب ورا؟؟

الدركسيون بيزيق ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة