الموضوع: أنا زهقت :(

ياعم اديهم تليفون و رقم عبد اللطيف جميل بالداون تاون موجود على النت و اتأكد ان ممكن تحجزها و اتفق مع المندوب على يوم تسافر تقابله وتحجزها بس بلاش الجمعة علشان قافلين
وأنا كنت هناك يوم الاربعاء كان فعلا فى عربية صنى ex صالون سودا بتتقفل لعميل و ما كانتش موجودة قبلها بيومين فاعتقد معنى كده ان عندهم ستوك فى المخزن فحاول تقرر بسرعة لان ممكن يخلص فى لحظة
بس انت فعلا ليه مش عاجبك الصنى حتى هتاخدها موديل السنة الجاية و انا شايف انها عالجت مشاكل القديمة خاصة انها موفرة فى البنزين و كمان اوسع يعنى الجديدة تعد ورا و ادام فيها مرتاح جدا عكس القديمة و فى فرق فى حاجات تعدى زى خامة التابلوه فى الجديدة مس ربر زى القديمة ولا فى اماكن فيه من فوق يعنى حاجات شكلية أما الشكل الخارجى فأذواق انا عن نفسى شكل الجديدة عاجبنى جدا و احدث و خصوصا انه لم العربية و مقطع صاج العربية لأجزاء مش طويلة فتحس انه ثابت اكتر
لكن طبعا القديمة برضه شكلها حلو و كلاسيكى وليه رونقه
وما تنساش ان فى فرق فى التعليق و الفرامل و العفشة لصالح الجديدة
على فكرة انا حجزت الحمد لله الجديدة و بعد لما شوفت القديمة هناك كانت بتلعب فى دماغى بس بصراحة لو كنت هافكر فى القديمة يبقى السوبرصالون و مفيش منها دلوقتى
وربنا يوفقك

المشاركة الأصلية كتبت بواسطة mok3336

شكرا يا جماعة علي المشاركة و المساعده
أنا عايز الشكل القديم لأني حفظت العربية خلاص و بأمانه مفيش عربية عرفت تعمل معايا حاجة في رينج 100- 150 ألف علي الطريق غير الكرولا أى عربية تانية كنت بخيطها
فعشان كده انا متأكد من العربية ومن إمكانيتها و غير أن قطع غيارها متوفرة في السوق
لكن الشكل الجديد حاسس إنه مش قد كده ( حاسس مش متأكد )
و حكاية كسر الزيرو دي أنا مش حاببها عشان الزيرو زيرو برضة حتى لو كانت الكسر زيرو دى ممشتش غير 1000 ك
فإن شاء الله يارب يسهل و يوفقني في ex الشكل القديم
بس مش عارف أجيب لون ايه
عشان ايلي عندنا سوده و بأمانه اللون الأسود عليها ملوش حل فمش عارف أجيبها سوده برضة .؟
وأهو الناس مش هتاخد بلها إننا أشترينا وحده تانية عشان محدش بيسيب حد علي حاله و لا أجيب لون تاني ؟؟؟

ارشحلك الفيرانى بشده. شكله حلو عليها و ما بيبانش فيه التراب زى الاسود

طب ما دام انت مش واثق فى الشكل الجديد استنى شوية على ما الاعضاء اللى استلموا يقولوا رايهم ايه فى العربية .... علشان انت برده حكمت عليها من خلال السمع من ناس لسه برده ما جربوش العربية يمكن تعجبك وتخلف ظنونك.....وكده كده الشكل القديم موجود مش هيبطلوا انتاجه يعنى .....كل اللى انت خسرانه شوية وقت علشان تعرف تحكم صح...واتمنى انك تقبل مرورى