الموضوع: تغيير زيت فتيس ميجان

بالنسبة لسيارات كتيرة المصنع بيقول إن الزيت بعمر الفتيس !!!! وفى نفس الوقت قرأت مواضيع هنا بتقول إن المصنع بيقول الكلام دا بناء على إن العربيات برا عمرها الافتراضى 5 سنين يعنى سلعة استهلاكية ميعرفوش إن عندنا هنا فى مصر العربية عمرها أطول من الإنسان نفسه يعنى أنا مثلا الميجان ماشية 106 ألف كيلو ومتغيرلهاش زيت لحد الوقت دا فعايز أعرف أغيره ولا لأ وهى أوتوماتيك ويقال إن زيت الفتيس الأوتو غير زيت الفتيس المانيوال لأ وكمان قرأت إن ناس غيرت الزيت بهدل الفتيس لأنه ما حطش الزيت الأصلى على حد قوله وإيه نوع الزيت الأصلى اللى جاى فيها ؟ وبتاخد كام لتر وتغييره عادى فى التوكيل ولا برا وأنا بصيت تحت العربية لقيت طبة هل دى بتاع زيت الموتور ولا زيت الفتيس ؟ وسؤال ع الماشى رخم شوية : لو انا ماشى بالعربية 80 مثلا ورحت همور العربية بدل ودست جامد فى عصا الفتيس هل هتاخد ال r ؟ قصدى من السؤال العربية حامية نفسها فى نقطة زى دى لأنها لو أخدت المارشدير على سرعة زى دى أنا متأكد إن العربية كدا ربنا يعوض حتى مع محول العزوم اللى بيسهل حركة التروس برضه أعتقد إن التروس هتتدمر على الأٌقل

المشاركة الأصلية كتبت بواسطة bedooracle

تاكيد لكلام الاخ الفاضل شوقى انا لسه النهادره سال فى مركز الصيانة اللى فى العبور عشان الفتيس قفش معاييا مرة و مترحكش لا لما دوست على زرار اللوك اللى تحت غطا الفتيس قالى عادى و سالته على الزيت قال فعلا هو لايف تايم مبيتغيرش الا فى حالة فى مشكلة فى الفتيس او عمرة فقط

إيه اللوك اللى تحت الغطاء بيعمل إيه أنا أعرف إن اللوك دا لما تجيب الفتيس على ال باركينج متقدرش تحركه تانى غير لما العربية تدور أو تدوس على ستارت 5 ثوانى بدون فرامل هيتحرر هو ودريكسيون تقريبا اللوك متوصل بالفرامل