إنتبه...حفره على الطريق الدائري ممكن تعمل كارثه.

**me_medoo** · 06-07-2012 08:36 PM

لا حول ولا قوة الا بالله. .... شكراً على التنبيه يافندم وهيا فعلاً الحته دي بقة زباله خالص وكل مادى اسوء من اول .... لا وتلاقي الكوبري مفلق عن الكوبري التاني ولا تقولي مقوالين عرب. ولامقاولين مصريين مبقاش فيه ضمير خلاص انا طول ما انا ماشي بالعربية مبسمعش حاجه غير ديييييييييب. ومرررررره بوووم. واشي طااااخ. واشي ديييييييب من الحفر والبلعات والمطبات والشروخ الي في الارض لا ومعموله بفن. كده انك مهما كنت سويق لازم تتفاجئ بحفرة جديدة او مطب جديد وتلبس فيها لسه حلوة الف سلامة عليك ياغالي

**midoabdeen** · 06-07-2012 08:39 PM

شكرا على التنبيه

**م.محمد علاء** · 07-07-2012 01:35 AM

المشاركة الأصلية كتبت بواسطة mohammedaladel

الحمد لله سليمة طيب الجنط إتعدل بعد ما أتتنى إزاى

هو إستعدل بإنه قعد يدق عليه...طبعا الجنط شكلع معضعض..أنا حرصصه..لو قبل ترصيص كان بها..
لو منفعش حغير واحد و أخلي التاني إستبن.

المشاركة الأصلية كتبت بواسطة khalid_adel

انا كل يوم تقريبا بعدي من الحتي دي واول ما اقرب باخد اقصي اليمين (كاني حنزل اسكندريه الصحراوي) لحد ما امسك وصلة دريم
وربنا يسترها معانا جميعا

الحفره في المنطقه دي..بس في الإتجاه التاني..كأنك رايح المعادي أو الزراعي.
و إن كان الإتجاه اللي قولت عليه..في نفس المشاكل دي بردو

_________________________________________________
والله يسلمكم يا جماعه جميعا ويبعد عنا الأذي كلنا ...

**Youssef.Awad** · 07-07-2012 01:44 AM

حسبى الله ونعم الوكيل
وقفة الطريق دى زبالة خاصة لو باليل اوى كده ومعاك عيلة
اسأل مجرب كذا موقف من دول ..
الحمد لله ربك سترها وكويس انها جت على قد كده

**semi** · 07-07-2012 06:21 AM

انا بكره شئ اسمه الدائري
مع انه طريق تحفة والمفروض انه انجاز
لكن الطريق زبالة وكله حفر ومطبات تموت الناس
طريق غريب جدا وفيه اهمال لا يصدق
انا بستغرب الايام دي بقى في حاجه غريبة
مفيش طريق امشي فيه الا والاقي مطبات موت وتكسير للعربيات
والناس ماشية عادي والطرق مفيش تصليح

**SYD** · 07-07-2012 08:37 AM

الف حمد لله علي السلامة
وقدر الله وماشاء فعل

الطريق الدائري من اول ما تمسكه من اول دريم لحد لما تنزل نفق السلام كله عايز يتفرمت من اول وجديد

هاتلي مسافة 1 كم واحد بس سليم ويتمشي عليه
ان ماكنش ضلمة - يبقي مطبات - فواصل - عربيات نقل - حفر - اي حاجة والسلام

معلش يا باشا

انصحك تودي الجنوط عند بتاع الجنوط في الملك الصالح - فوق نفق الملك الصالح
دة معلم كبير اوي اوي اوي وهيرجعلك الجنوط زي الأول واحسن - وعن تجربة

انا كمان اخويا فمرة من ذات المرات - كل حفرة مشهورة اوي علي الدائري بس بتاع المنيب ( الحفرة الي فوق النيل قبل نزلة المعادي - الي دلوقتي ردموها اسفلت فبقت مطب - علي شمال الطريق)
لما نزل الحفرة - حصل زي عندك
الجنوط حرفها اتعوج - راحت مفرغة الهوا من العجل

وديت الفردتين (ورا وقدام) للراجل دة وعدلهم وطلع ان الجنوط اتلوحت وشرخت وكان فيهم رفة ومفتولين
كانت جنوط اسبور
عدلهم ولحمهم ورشهم وكأن شيئاً لم يكن
وركبتهم قدام وكنت بطير بيهم 140 -150 كم/ ساعة

راجل بصراحة ايده تتلف في حرير - ربنا يباركله

والله المستعان
،
،

**shaddadfalcon1** · 07-07-2012 12:41 PM

المشاركة الأصلية كتبت بواسطة semi

انا بكره شئ اسمه الدائري
مع انه طريق تحفة والمفروض انه انجاز
لكن الطريق زبالة وكله حفر ومطبات تموت الناس
طريق غريب جدا وفيه اهمال لا يصدق
انا بستغرب الايام دي بقى في حاجه غريبة
مفيش طريق امشي فيه الا والاقي مطبات موت وتكسير للعربيات
والناس ماشية عادي والطرق مفيش تصليح

لاياباشا الدولي الساحليه ده قصه تانيه لان ف كل نازله او طالعه لازم تدي انتظار وتمشي بالراحه جدا لان الكوبري زي مايكون متركب فوق مطبات واول مره مشيت عليه الحمد لله كان معايا والدي وكان حافظه ومع ذلك كنت بطير جوه العربيه وكانت راسي بتخبط في السقه وماشي طول الطريق ادعي علي الحمار الل عمله