ههههههههه اتنك براحتك ياباشا احنا نطول
ربنا معاك
عرض للطباعة
انا كنت زيك تقريبا خلصت كلية والدنيا وردى
وبعدين ملقتش شغل واستنيت الجيش فى الفترة دى
وقفت على فرش فى الشارع بليل وفى سايبر الصبح وبعد كدة
مساعد كهربائى فى توكيل (اخدت تأجيل بعدها ب 9شهور )
وبعدين امين المخازن مشى حطونى مكانة مساعد وبعد 5 سنين شغل بقيت انا
مسؤول مخازن الشركة المرتب اة مش قد كدة لكن مرتاح نسبيا الحمد الله
الى قصدى اقولهولك انك معاك صنعة كويسة الحمد الله حافظ عليها ودور على شغل بشهادتك بس لازم تكون عارف انا الراتب هيكون قليل فى البداية
وشوف الدنيا اية نظامها ارتاحت وشفت مستقبل فى مجال الدراسة كمل واستقر فية
مكنش ومرتحتش يبقى طريقك انت عرفتة
دة رئى
وربنا يوفقك
ياراجل انا بكالوريوس تجارة وشغال فى مجال التدريب انت تخصصك مرطرط ومطلوب مفيش شركه بتبتدى من غير مايكون فيها محاسبين ومفيش شقة بتتعمل من غير نقاش :)) انا شايف انك تكمل شغل فى مجال النقاشه لمدة سنة او اتنين وفى نفس الوقت تاخد كورسات لو حابب تشتغل فى مجالك لأنك مش هتعرف تشتغل بالشهادة وحدها يبقى اديك بتشتغل فى النقاشة ومنها بتأهل نفسك لفرصة عمل ومجال أفضل وبالتوفيق
نصيحة الاستاذ micromoud ممتازة
موضوع صعب فعلا وانت اكتر واحد تقدر تحكم
يعني لو عايش في منطقه شعبيه والناس مش بتهتم قوي بموضوع الشهاده ده او بغض النظر عن المكان لو انت مش فارقه معاك يبقي اهم حاجه القرش طبعا والشهاده مش هتعملك حاجه
مشكلتها الوحيده لما تيجي تتجوز هتلاقي الناس تقولك نقاش؟ والعروسه تقولك لا والكلام الفارغ ده بس لو طبعا راايح لناس محترمه مش هيهم كده وجايز ربنا يكرمك وقدام تحوله لمكتب ديكور مثلا او حاجه كبيره وساعتها تبقي مسكت الأتنين
الشهادة مش هتطير يعني معاك علطول ووقت ما تحب تشتغل بيها مفتوحه فى اي سن
عكس الصنعه محتاجه شباب وصحة ومع تقدمك السن هتحس انك مش قادر تشتغل زي الاول وبتتعب بسرعه
رأيي الشخصي أشتغل بصنعتك اربع او خمس سنين كمان تعمل فيهم شوية فلوس وبعد ما تكون كونت نفسك ابقى دور على شغل بشهادتك
وبكده تكون مسكت العصايا من النص واستفدت من صنعتك ومن شهادتك كل حاجه منهم فى وقتها
بص يا صاحبى لو انت ناوى تشتغل نقاش كدة وتكمل فى الصنعة يبقى لا متضيعش وقتك وروح دور على شغلانة فى مكتب محاسبة ولو ببلاش اتعلم وطور نفسك بكام كورس كده وربنا هيفتح عليك بشغلانة ومركز كويس لان الصنعة محتاجة صحة والصحة بيد الله والواحد مش عارف بكره فيه ايه وكذلك متزعلش منى الشكل الاجتماعى بيكون مطلوب احيانا وخصوصا فى الزواج وخلافة -- لكن لو ناوى تطور المهنة يعنى انا النهاردة نقاش بكرة ناوى ابقى مقاول نقاشة يعنى اجيب شباب اشغلهم واتابعهم واجتهد اعمل زبون وبكرة اعمل مكتب تشطيبات عقارية يعنى اديك الشقة حيطان تسلمهالى على المفتاح وبعد كدة تضيف نشاط السمسرة والاراضى ومجال بيفتح مجال تانى يبقى خليك فى صنعتك احسن الف مرة من الوظيفة فكر انت عايز انى واحدة من دول وعليها خد قرارك وتوكل على الله
شكرا جدا لحضرتك
اولا موضوع المظهر دا مش فارق معايا اوى لان الحمد لله انا رباينى كلهم ناس محترمة جدا المستشار والدكتور والمهندس والمحاسب ووووو
وبشوف نظرتهم ليا عاملة ازاى ودا اللى كان بيخلينى اكمل
اما بقى لو روحت اتقدمت لواحدة وقالت نقاش لا يبقى ماتلزمنيش اصلا لانها ساعتها هتبقى واحدة مرفهه زيادة عن اللزوم ومش عارفة القرش بيجى ازاى
ماهو الفترة اللى هاضيعها دلوقتى فى النقاشة لو قضيتها فى شغل بشهادتى بعد الفترة دى المفروض انى اكون احسن من الاول بدل ما ابدا الطريق من اولة وانا عندى 30 سنة ولا حاجة
شكرا جدا لحضرتك