طيب ماتحكي تجربتك ياباشا عشان تفيدك اخوك اللي بيسال طالما نفس التجربه
عرض للطباعة
نصيحة من اخوك الكبير
ركز في صنعتك .... هتبقى مقاول كبير عن قريب و تعمل شغل كويس ...
معايا مقاولين نقاشة و كهرباء و سباكة بيشتغلو معايا اعمارهم 28-35 و اقل واحد فيهم راكب لانسر و ساكن في التجمع ... و في اللي معاهم باسات و ساكن في فيللا بتاعته..
بعد فترة الشغل بيمشي نفسه و انت هتبقى مدير صغير
المهم تعرف تسوق - تبيع - نفسك في المكان الصح و عند مهندسين بياخدوا شغل متميز و عالي ...
ده رأيي
بص لنفسك بعد ١٥ سنة مثلا عايز تبقي آيه
و ضحي و تنازل للي شايف إنه مفيد ليك أكثر مستقبلا متبصش تحت رجليك
و لما تقيس قيس علي المسار المتوسط
يعني متبصش لنقاش ربنا كرمه من وسع و لا تبص لمحاسب بالمثل
بص علي العادي بتاع ده و ده
و طبعا الأهم أنتا بتحب آيه أكثر و الإستخارة
اولا احيي فيك روح المثابرة والأصرار
انا شخصياً مقتنع بأن الحرفية احسن من الأستاذية
للأسف بلدنا هنا عملت من الحرفي انه المستوي الثاني من المجتمع
لكن تعال شوف بلاد برة قد ايه بيقدروا الحرفي والمهني
وانسي بقي الأستاذ راح الأستاذ جه
الشهادة سلاح في ايدك
بس انت النهاردة عايز تكون مستقبلك وتعمل اسرة
المحاسبة مش هتأكلك عيش علي رأي ميدو
ولو مكسوف من لقب نقاش
ماتزعلش مني
انت الي قولته وهتخلي الناس تقولهولك
في واحد بيجبر الناس تقوله يا بشمهندس وواحد تاني بيخلي الناس تقوله يا اسطي
حب ماتعمل - كي تسمع ما تحب
انت بأيدك بشوية الابندة تخلي الناس تقولك يا بشمهندس
وبردو بأيدك تخلي الناس تقولك يا اسطي
اعمل كارت
افتح مكتب تشطيبات في احد المدن الجديدة
اقبل شغلانة من الزبون الي تحس انه لارج
شوية بشوية هتلاقي نفسك بقيت شغال مع الزباين اللارج فقط
ولو حتي في البداية تنزل تبع مكتب - لحد لما انت تفتح مكتبك بنفسك
وربنا يوفقك يا رب ويرزقك من الحلال ويبعد عنك الحرام
والله المستعان
،
،