عرض للطباعة
ما شاء الله جميلة اوي
تسلم ايدك يا باشا ..
تحيــاتــي
-شكرا يا باشا علي الرد
-وقريبا ان شاء اللّه هشتريها انا مستني تنزل بس مصر
-وهعمل لها مراجعه شامله وكامله
يا راجل انا افتكرتها عربية جديدة , ما هي المشكلة مش في اللون :d
-واللّه العربيه انا شايفها جميله ومريحه وقويه ومفيهاش عيوب بالنسبه ليا يعني الفتيس معروف الدنيا معروفه الموتور قوي
-مش زي عربيات كتير في فئاتها مليئه عيوب وقطع غيار غاليه علي الفاضي
طب دة بيدرج تحت انهى اسم من الالوان
حرام لما عربية زى دى تبقى ب155 الف و180 الف ج فى مصر !!!!!!!!!!!! ومافيهاش اى كماليات تذكر عليها القيمة
دا نبيتى متهيقلى المهم العربية دى على قدها مقارنة بسعرها الخيالى هى والسيفيك كفاية عايز شكل كويس إبعد عن تويوتا دى قاعدة أنا حاططها فى دماغى يعنى الكورولا الشكل دا تقريبا أحسن شكل لعربيات تويوتا فى مصر بل الياريس مع إنها أصغر حجما واضيق ولكن تصميمها فى الفئة دى كويس وكمان نازلين تصوير فيها ههههههههه أمال لو غيروا شكلها هيعملوا إيه ؟
الشارك دلوقتى عليها خصم بقت بتبدأ من 124900 خصم 15000 أنا بعتبره دا سعرها الحقيقى وليس خصم بس الضربة دى هتبقى جامدة لإلنترا وكورولا وسيفيك كمان
افشل عربيه ركبتها في حياتي بيقولوا عليها ياباني هي الشارك 1600كمان ولا تقارن مع الكورولا نهائي
إيه العيوب ؟؟
وحضرتك مش شايف إن الكورولا سعرها مش مناسب لشكلها وكمالياتها وموتورها ؟؟؟ إنت بتدفعلك على الأقل 40 ألف عشان شعبية العربية دى
التويوتا عربيه مضمونه
انت تعرف ايه الكماليات اللي نازله 2013
-تكيف تاتش
-مثبت سرعه
-طاره مالتي
-نازله بشاشه وكاميرا
اانا هعوز ايه تاني
لسة هتنزل بمثبت سرعة !!!!!!!!!!! حضرتك كل اللى بتقول عليه موجود أكتر منه فى الميجان 2005 هاى لاين وموجود فى الفلوانس والفوكاس والإمبريزا وبسعر منافس وطبعا كل العربيات اللى ذكرتهم ظلم ليهم إنى أقارنهم بالكورولا اللى لسة هتنزل بمثبت سرعة ويمكن يقولك ببتدأ من 190 ألف عشان اللون الجديد والمثبت دا فيها مثبت سرعة بحاله هههههههههههههه مقولتليش حضرتك إيه عيوب الشارك ؟ شكلها أحسن منا الكورولا موتورها حديث وجيد ثباتها كويس جدا على كلام كل الناس إيه بقى العيوب ؟
أكيد بس تقريبا كل الماركات مضمونة اليومين دول بس إحنا عامة بنتكلم فى إمكانيات مقابل السعر وللعلم فيه عضو هنا رفع قضية على تويوتا بسبب الفتيس وكسبها وخد متهيقلى والله أعلم مبلغ 100 ألف جنيه تعويض بحكم من المحكمة دا مش هيخلينى أقول إن تويوتا معيوبة ولا هقول إنها كانت بتسحب عربيات كتير ليها من السوق لكن الخطأ وارد إحنا بشر
فعلا لولا اختلاف الازواق
اكيد كل انسان معجب بعربية
الكورولا ممتازة جدا
ولكن الشارك بردوا عربية ترفع لها القبعة
مجرد راي فقط ..
الشارك. اتفرج عليها من برة تعاله اركبها من جوه هيا هيا البومة والماتريل بتاعها مش قاد كده زي الكورولا وبعدين كل واحد ليه مدرسة بمعنى مينفعش تقنع واحد بتاع مستوبيشي بالتويوتا ولا ينفعش تقنع تويوتاوي بالمستوبيشي انا ممكن اركب مستوبيشي كبديل لتويوتا بس عمرك ماهتلاقي واحد يغير تويوتا علشان يركب مستوبيشي
الي يبيع التويوتا ويركب اي ماركة تانية يتعب جداً ماعدا المرسيدس والبي ام والنقطة التانية : بالنسبة لسعرها مش كتير عليها بالنسبة لاحتفاظها بمتنها واناقتها ومسكنها نفسها في السوق بعكس العربيات التانية وغير كده والاهم انها تويوتا
والحمدالله تويوتا مبتوزعش موترها لحد زي مستوبيشي كل عربية صيني بقه فيها متور مستوبيشي. ده حتى الهونداي. اول مابدئت راحت لشركة مستوبيشي وقعدو يترجوهم والنبي والنبي. ادونا متور من عندكم هههههههه
بالنسبة للون يا محمد باشا هو حلو وشيك بسم الله مشاء الله ونقدر نقول عليه لون الحرباية كده وهتبقى مميز اذا اشتريتها بس فكر فيما بعد الشراء بمعنى لو ركنتها في الشمس شوية فكر هل هيبان عليها الدواير والخرابيش فكر مثلاً هل لو حبيت ترش اي جزء من اجزاء العربية لا قدر الله. هل هتعرف تجيب نفس الدرجة ولا هتبان انا عن نفسي بفضل لونين الابيض زي الحمامة البيضة كده حمامت السلام او اللون الفضي زي لون قطعة الالمونيوم الجديدة بس الاهم والاهم مدام عاجبك توكل على الله وعلى بركت الله والمثل بيقولك هات واركب العربية الي تعجبك وألبس الي يعجب الناس هههههههههه
وبالتوفيق انشاء الله
الكورولا ما تتفرجش عليها من برا ومن جوا جيدة عن نفسى لو قدامى الاتنين بنفس السعر هختار كورولا ولكن بفرق السعر الرهيب هختار شارك طبعا وهى عربية فوق الممتازة خصوصا بعد الخصم وماسكة سعرة كعادة الميتسوبيشى اللى يبيع التويوتا ويركب فوكس أو ميجان أو إمبريزا أو برافو متهيقلى هيحس بطفرة حضارية فى عالم السيارات ومفيش حاجة إسمها اللى ركب تويوتا عمره ما يقتنع بميتسوبيشى هو فعلا عمرى ما هبقى راكب كورولا وأغير لانسر لكن ممكن أغير لفيات برافو مثلا أو فورد مونديو أو فورد فوكاس يا راجل دا الكورولا الشكل القديم العربيات الصينى شكها أحلى منها وتقولى أناقتها والمتانة مش قليلة فى اللانسر كله بيلعب فى رينج واحد خصوصا وقت الحوادث لو مرسيدس بتدمر عندنا فى مصر العربيات بتعدى فوق بعض فى الحوادث او ممكن يلتحموا ويبقوا بدل 2 عربية عربية واحدة سوقها بقى اللى بتتكلم عنه عشان شعبيتها وبالتالى سعرها غلى عشان شعبيتها وليست إمكانياتها هى واللانسر كمان وبعدين مفيش حاجة إسمها الأهم إنها تويوتا أسوأ أذواق لأشكال العربيات شفتها فى حياتى كانت تويوتا
بس الشهادة لله , مهما كان الشارك تتفوق عالكورولا برضه , على الاقل عفشة مالتي لينك واوبشن كتير وثبات عالي وكراسي مريحة وشكل خارجي يضرب الكورولا بالجزمة , عيبها بس قطع الغيار الغالية والعزل مش كويس واستهلاك البنزين مش كويس والخامات مش كويسة ( بلاستيك كتير ) , بس برضه احسن من الكورولا بكتير
kholio
علي فكره العربيه الشارك مع ابن عمتي بيقولي انا نفسي اتخلص منها
انت شايف ده تابلوه فين الاناقه ابشنطه ديقه الاكصدامات اقل تريحه تلاقيها تفتح وبيبقي شكلها مستفز
الكورولا حاجه والشارك لا تقارن معها
طب وريني كده الاناقة في تابلوه الكورولا
http://www.usedcorolla.com/images/2009_Toyota.jpg
ده تابلوه الشارك
http://4.bp.blogspot.com/-H4Fe5GgrCn...-Photos-3.jpeg
مش ممتاز اه بس الكورولا مش احسن منه برضه
-جايب صوره كورولا اقل فئه اتوماتيك وبتقارن باعلي فئه في الشارك طب ازاي
http://m2.auto.itc.cn/car/800/13/43/Img1314313_800.jpg
http://www8.0zz0.com/2012/07/05/18/765512953.jpg
http://www3.0zz0.com/2012/07/05/18/281267199.jpg
-بزمتك وضميرك دي شكلها وحش
http://www.zerotohundred.com/wp-cont...ch-600x398.jpg
http://www.zerotohundred.com/wp-cont...66-600x398.jpg
http://www.zerotohundred.com/wp-cont...62-600x398.jpg
http://www.zerotohundred.com/wp-cont...Exterior-2.jpg
http://www.zerotohundred.com/wp-cont...64-600x398.jpg
http://www.zerotohundred.com/wp-cont...14-600x398.jpg
http://www.zerotohundred.com/wp-cont...58-600x398.jpg
هههههههههههههههه
طيب أولاً أحب أوضح تويوتا مبتصنعش مواتير لحد المره الوحيدة هيا شاركة مع شركة مستوبيشي لتطوير بعض المواتير(مش فاكر بالضبط ) فقط لا غير .
أما لمصنع ديهاتسو أو أسهم سوباروا فهيا بتمتلكهم
@@@@@@@@@@@
ولكزيس هيا التويوتا الفارهة لعشاق الرفاهية ... ثانياً الي مينفعش تتكلم على عبشة تويوتا ... أو تكيف تويوتا ... وحتى الاسكودا او المرسيدس تكيفهم يباني ... ووخدني التكنلوجيا اليابانيه في التكيف بعد ان أثبت فشلهم فيه.
@@@@@@@@@@@
ثالثاً : عندك مقياس جمبينا (دول الخليج ) يعني 50 درجة في الظل ورطوبة وزحمة وقرف ... ليه كلهم بيعشقوا التويوتا هل لأنها رخيصة لا طبعاً أنتا تعرف ان اسعار الياباني توازي اسعار الامريكي الجديد ... وتعاله بيع العربية الامريكي متجبلكش حاجة وتعاله بيع العربية الياباني التويوتا تجبلك سعـر واعتقد في ناس كتير في المنتدى عايشين في الخليج يقدروا يردو على كلامي ...
@@@@@@@
رابعا : عفشت التويوتا ونظام تعليقها سيء حضربتك اركب التويوتا ولو حسيت بعين القطة في الطريق يبقى بحق .
@@@@@@@@@@@@
خامساً : الانســـــر ... انا ملقيتش عليها اقبال غير في مصـر وسوريا .. غير كده هيا عاربية عادية جداً ... انتو مش دايماً تسمعوا عن عربية خليجي لانسر ... او لانسـر اردني ... أو لانسر مش عارف أيه ... مسئلتش نفسك ليه العربية موديلها خلص أزاي في منها الكميات دي كلها .... كلها أستوك ياباشا معلهاش طلب وملهاش سوق في الدول الي جمبنا ... فيقوموا سحبنها من هناك ... ويجو يبعوها هنا ... بس عمرك ماتسمع عن كورولا خليجي غير كل فين وفين بتلاقي واحد مصري شغال في الخليج واسخسر يبعها فيقوم ينزلها ويجمركها لأنوا حتى مش هاين عليه يفرررررررررررط فيها . او يبعها .
مع احترامي للنسر وملاكها طبعاً .
@@@@@@@
اما بقى اخي الفاضل الي هيشلني بتقولي فايييييييييييييت فايييييييييييييت يالهووووي ألطم ولا أصوووت ... بتقارن لي تويوتا بفاااااااااااااايت ... (ربنا يسامحك ) .
بص انا بقه شكلي عامل ازاي لمن سمعت كلمة فاييييت
http://farm5.staticflickr.com/4141/4...c5c93540_z.jpg
دي حتى لو كانت موديل 2012
واغلى عربية في السوق ... تصور تبقى قاعد وسط زميلك ... ويخش واحد عليكم في الكافيه ويقول يا جماعه بتاعت مين العربية الفايت الي بره هههههههههه هيبقى شكلك عامل ازاي ...
وفي الختام أحب أقول لحبيبي وعزيزي تويوتا فو عرب
كنسل ياباشا الكرولا ييييييييع دي وحشة
وهاتلك عربية تيجا فور باي فور هههههههههه
عاليه على الارض وجيييب .
هي حضرتك الكورولا بتنزل هنا بنافيجيشن ؟ انا جايبلك صور العربية اللي بتنزل هنا على فكرة
والله يا باشا انا معايا العربية وكان معايا قبلها بي ام دبليو 328 دبانة وبقولك الشارك دي عربية ممتازة ووقت ما اجي اقارنها بعربية يباني هقارنها بالسيفيك بس لاكن اللكورولا دي عربية بتاعت واحد عنده 60 او 70 سنة وشكلها مش شبابي ولا رياضي بالمرة
وبالنسبة للشارك شوف الريفيوهات بتاعتها برا وفي توب جير وشوف كلامهم عليها ايه ويكفي انها من اكتر العربيات الممتعة في السواقة في فئتها
وبالنسبة للخبطات والترييحات وكدة انا مجربها وعربية ممتازة ويعتمد عليها وساجها مش خفيف في الخبطات خالص واكصدامتها مش ضعيفة وبتستحمل جدا
على فكرة العربية نعايا من اول 2008 وعربيتي من اوائل العربيات الشارك في الزقازيق والحمد لله كل يوم اعجابي بيها بيزيد اكتر وعمري ما هفكر ابيعها لانها عربية تقتنيها ومتتبعش واللي يركبها ميعرفش يركب عربية غيرها
الكورولا النقاش منتهى فى إنها عربية مش رياضية وعمرها فى يوم من الأيام كانت عربية شبابية والصور دى بتاع كورولا اللى بتنزل برا مش مصر حتى الهاى لاين فى مصر مش كدا لأنى شفتها بالنسبة للأخ me_medoo وجهة نظرك مبنية على أسس خاطئة حضرتك مش مهندس فى شركة تويوتا يعنى عشان تقول مواتيرها مش عارف إيه ومش بتدى حد مواتير والكلام دا ملهوش علاقة بموضوعنا نهائى احنا بنقارن عربية تحت علامة تويوتا وعربية تحت علامة ميتسوبيشى والفيات اللى حضرتك بتتكلم عليها فيه شراكة بينها وبين فيرارى إنت بجد ضحكتنى هاتلى عربية فى فيات زيرو وقارنها بمثيلتها فى كورولا أو أى عربية كورى أو ميتسوبيشى نفسها وهتلاقى فيات تتفوق بمراحل علامة فيات تسوى كتير يا باشا دى إيطالى الفيات برافو تسوى 100 كورولا
أنا أتشليت خلاص ... لسه بتقولي فايت ... احنا لمن بنقارن عملاقين يابانيين في عالم السيارات زي ميستوبيشي ولا تويوتا ولا هوندا مينفعش ندخل طرف تالت بينهم أيطالي ولا صيني ولا فرنساوي ... وحتى لو عربيات الايطالي حلوة والي كانوا واقفين على تصنيعهم وحده أسمها أنجليكا وكرستين وجي جي بس دي فايت ياباشاااااا فايت ... الايطالين صحيح مشهورين بتصمميتهم ... وصناعتهم وأبداعهم على عينا ورسنا ... لكن بالنسبة للسيارات هل سلعة السيارات عندهم معمره وهارد وورك ... ولا كل شوية ادي لزوبة زززززقه ... هاتلي اي عربية تويوتا سنة 1980 وهاتلي عربية فايت نفس الموديل وشوف مين الي ماسكة نفسها ومين الي كل شوية رايحة جية ... جيه رايحة على المكانيكي ... حبيب قلبي لو عاوز تطلع رحلة حول العالم خود عربية تويوتا معاك واتمشى بيها براحتك ... بس تعاله خود عربية فايت يادوبك مش هتوصل تونس وتلاقي العربية فايصة معاك ...
وهنروح بعيد ليه بص كده على الصورة بتاعت أسطول عربيات الامم المتحدة شوف كده الصورة دي في عربية فايت واقفه كده ولا كده بالغلط حتى ولا عربية مستوبيشي بايجور حتى واقفه يمين ولا شمال .
ليه برايك الامم المتحدة متمسكة بتويوتا برأيك
ليييييييييييه ؟!! (بسم الله مشاء الله ) .
ههههههههههههههههههه
@@@@@@@@@@@@@@
حبيب قلبي وتحياتي
(أختلاف البط لا يفسد لووز صنية )
ومودي حبيبي كده يامودي انا زعلان منك
كده بدل ما توقف في صفنا وتدافع عن تويوتا بروحك وقلبك ودمك ... تهاجم تويوتا كده يامودي كده .
ههههههههههههههههه حبيب قلبي يا مودي
@@@@@@@@@@
وبالنسبة لخونا الفاضل الي بيقول ان الكورولا مش شبابيه وبتاعت واحد عندو 70 ستيين سنة ...
http://www.zerotohundred.com/wp-cont...Exterior-2.jpg
أحب أقول له هو في عربية في الدنيا ... أسمها عاوجيزي ولا شبابي ... ولا بناتي ولا ولادي ... هههههههه طب انا عاوز عربية مقاس 45 أسود بانس ههههههههههه
`~~~~~~~~~~~~~~~~`
وبعدين لو كلام حضرتك مزبوط ... فليه الناس الكبار في السن بيقتنوا عربية زي كده ... ومع العلم ان الناس دي الخبرة كلها والزبدة كلها عندهم ... ببيقتنوها لأنهم بيجيبو من الاخــــــــــر ومش ناقصين وجع راس عندك الميكانكية والكهربائية ... وجيبنها تعلشان يستمتعوا بيها في أخر أيامهم ربنا يديهم طولة العمر والصحة ياررررب .
دول هما باركتناااااا ... وحسهم بالدنيا كلها واللهي
الناس الي زي كده (الكبار في السن ) جربوا كل العربيات وأكتشفوا انها بووومبــــة ... وأستقر رجاحة تفكيرهم ان تويوتا وبس والباقي كلو خـــــــــس
العربية الكورولا دي بسم الله مشاء الله عليها جوهرة ... ومش محتاجة سواق لالالالالالالالالالا دي محتاجة واحد جوهرجي يركبها ويتمتع بســــحر جمالها وشياكتها واناقتها ... ومن الاخـر كده الجماعه التجار بيسموه أتوووموبيل مش عـربية
@@@@@@@@@@
وتحياتي
حبيبي يا ميدو , بس ظبط لغتك شوية ابوس ايدك انا اتعميت وانا بحاول افك الشفرات اللي انت كاتبها هههههههههههههههه
بس فعلا الكورولا عربية مش رياضية مفيش كلام في كده خالص , لا شكل ولا سواقة ولا حتى اوبشن , هي للناس الكبار او الناس اللي واخدين العربية كوسيلة مواصلات بس توديهم وتجيبهم وبس مش واخدين السواقة هواية ( زينا يعني ) ومش عاوزين وجع دماغ يدوبك حط بنزين واعمل صيانة وخلاص وده اللي تتفوق فيه تويوتا
غير كده تويوتا بصراحة معتمدة على سمعتها القديمة وبطلت تشتغل وتبدع واتاخرت ورا الشركات التانية , شوف موديلات تويوتا الجديدة وقارنها بموديلات فولكس او فورد او هيونداي مثلا
يا باشا قصة ان تيوتا رقم واحد واعلى اعتمادية والكلام ده بطلت خلاص والكورولا دلوقتي تعتبر اقل العربيات الياباني تكنولوجي واقلهم في جمال التصميم والديزاين
والمشكلة انها بتتباع بتمن ميمدش لتصميمها ولا كمالياتها بصلة وتسعير الكورولا عموما في كمية استهبال غير طبيعية
التيوتا ماشية على سمعة زمان لكن دلوقتي خلاص راحت عليها ومبقاش في الكورولا حاجة تشد الناس انها تشتريها
-شباب
-انا عايز افهم حاجه انتم بتكلموا في ايه وعلي ايه
-زي ما قولت قبل كده كورولا مش محتاجه كلام مننا او من حد تاني كورولا بايعه في مصر يوه لو تعرف تعد انا معاك للصبح
-2012بايعه لغايه دلوقت اكتر من الشارك علي الاقل ثم الشارك فيها اوبشن ايه غير في اعلي فئه فقط وتابلوه فبر لكن الكورولا جلد وفبر
-اركب الكورولا تلاقي نفسك قاعد مزاج وراحه وهدوء وعفشه في الهدوء متناهيه لكن الشارك عفشتها انشف بكتير
-الكورولا ماتورها انشط من الشارك 1600بكتير وتحس ان تجميعه عالي وصوته هادي لكن الشارك صوت عالي واداء بعد 100متواضع
-واخيرا الكورولا مره تانيه مش محتاجه كلام حد فينا في مجانين بيرموا فلوسهم في الارض ومش بيفهموا حاجه بيشتروها زي معلش بقي محدش بيدفع للتاني وكل واحد يجيب الي نفسه فيه محدش وصي علي حد