اقتباس المشاركة الأصلية كتبت بواسطة BESO516 مشاهدة المشاركة
ليا قريبى كان مقدم فى سوسيتيه جنرال وهو اللى حكالى عن تجربته دى وانا ناقلهالك للأمانه من تجربته هو :

طبعا لازم تكون رايح فورمال اخر حاجه بدله كامله اخر شياكه
ثقه عاليه بالنفس ( مش لدرجه الغرور )
هدوء وتركيز عالى جدا
هيسألك اكيد فى الأول عرف نفسك وشايف نفسك ازاى ممكن تخدم البنك وخبراتك واشتغلت ايه قبل كده والأسئله الأوليه دى ( وطبعا كله بالأنجليزى )
بعد كده هيسألك فى مجال الشغل اللى هتشتغله يعنى اكونتنج ولا ايه بالظبط على حسب وبعد كده هيكمل معاك بالعربى فى مجال الحسابات والضريبه والحاجات بتاعه البنوك دى



وبالتوفيق وابقى طمنا لما تنجح بأذن الله
تمام جداً..
أهتم طبعاً بمظهرك جداً لأنه من العوامل المهمة في أختيار موظفي البنوك..
و و أنت قاعد رجليك الأتنين يكونوا على الأرض و أيديك على ركبيتيك..
متلعبش كتير بأيديك أو تمسك حاجة عشان ده هيبين أنك متوتر..
خليك هادي جداً و واثق من نفسك.
ركز جداً في كل كلمة بتتقالك. و فكر في كل كلمة قبل ما تطلع من بقك.
و خلي بالك في ناس أسلوبها بيكون أستفزاز اللي قدامها عن عمد عشان يشوفوا تصرفهم.. و في ناس مش هتديك أي أنطباع و في ناس هتحسسك أنها قرفانة منك..
ولا يهمك كل الكلام ده ميخلكش تفقد تركيزك..
حاول تكون بشوش و مرح في كلامك في نطاق الأدب بطريقة تعكس أنك واثق من نفسك و مش خايف..
الأسئلة بتكون غالباً بالانجليزي.. أنك تعرف نفسك و تتكلم عن نفسك شوية و طموحاتك و شايف نفسك فين بعد كام سنة مثلاً.
و بتتسأل في شوية مواقف معينة.. يعني تحكي مثلاً موقف كنت بتلعب فيه دور القائد.. و هكذا..
ممكن يطلب منك مثلاً أنك تحاول تقنعه يشتري منك سلعة ما..
في الغالب الأسئلة الـtechnical بتكون في أضيق الحدود و ممكن متتسألش فيها كمان.. إلا لو أنت مقدم على وظيفة تتطلب شوية technicality عالية زي الـTreasury مثلاً..
و بالتوفيق ان شاء الله...