فداك مليون عربية يا خلود وحمدا لله على سلامتك
نورت قسم الاوبل يا باشا
المشكلة اني كل ما افكر في الفيكترا سي المانوال تقوم انت داخل بموضوع يخليني ارجع افكر تاني
عرض للطباعة
فداك مليون عربية يا خلود وحمدا لله على سلامتك
نورت قسم الاوبل يا باشا
المشكلة اني كل ما افكر في الفيكترا سي المانوال تقوم انت داخل بموضوع يخليني ارجع افكر تاني
ده الواد خالد ده بجد لازم يشتغل مخرج سينمائي او زعيم عصابه ينصب على الناس ...... يا ابنى ارحم نفسك كل ده كلام عادي وبعدين ما انا فهمتك العيب فى جارك مش العربيه بطل اشتغالات ده فى واحد جاري لسه شاري واحده اليجانس وقلب البلد عشان يلاقى حد عايز يبيع بأى سعر وانت بتدلع نجبلك زبون تعمل مش واخد بالك وبعدين متشوف الجيتا اللى عندك وضعها ايه وانت تقوم تصلى رقعتين شكر لله
لا المانيوال فيها عيب والايزي ترونيك ولمعلوماتك اوبل وفيات الشركتين الوحيدين اللى نجحو فى النظام ده وكل اللى بعدهم زي تيوتا وفولكس ضاعو وعملين يجربو على حساب الناس وعلى فكره مش هتلاقى حد بيبيع وان لاقيت هتلاقى اسعار عاليه جداً لأن الناس فهمت وبدورو عليها حالياً ومش فاهم الافندى خالد عامل ١٤٠ تقريبا بعربيته هو مطلوب انو ميغيرش حاجه دي لو بى ام كان زمانو باع بيتهم فى ال١٤٠ الف كيلو دول وملحوظه كل اللى غيرو ملوش دعوه بالفتيس ففين بس مشكلة الفتيس؟؟؟؟
انا مبقتش فاهم للفيكترا سى ..
ناس تقول وحشه وناس تقول حلوه.. وناس تقول الايزى ترونيك جامد وناس تقول كاكا
انا عايز البهاريز ف العربيه دى من سحب و قطع غيار واستهلاك بنزين وصيانات ف التوكيل عامله كام ..عشان احيانا تروادنى نفسى ف انى اشترى فيكترا سى.. من ضمن مليون عربيه بفكر فيهم برضه:36_1_34[1]:
حمد الله على سلامتك يا باشا فينك من زمان كنت مستنى حد يشتم فى الايزى ترونك معايا :) بس بأمانة العربية ممتازة و لو الواحد اتعود على الايزى ترونك ( و معتقدش انى هتعود) هتبقى احسن عربية بالسعر ده.
طب بما انك يا باشا شارى فيكترا سى من قريب؟؟ ما تدينا تقرير كده ؟؟
الخامات .. التقفيل.. العزل.. التكييف.. سحب العربيه.. الثبات ..الفتيس نظامه ايه؟ وحلو ولا وحش ؟
امكانيات العربيه ايه؟ كمبيوترها بيعرض ايه بالظبط ؟ صوت الكاسيت ..
وياريت من كبارات الفكترا سى يقولو بقا ايه اخبار قطع الغيار واسعارها عامله ايه بره التوكيل وفالتوكيل وصيانات التوكيل عامله كام ؟
الخامات .. ممتازة
التقفيل.. ممتاز مقارنتا بعربيتى السابقة (بروتن بيرسونا 2010)
العزل.. جيد و لكن انا مسافر بيها الجمعة الجاية لما ارجع افيدك اكتر
التكييف.. ممتاز
سحب العربيه ضعيف فى السرعات الاولى (الا لو حرقت) و فى السرعات العالية مالهاش حل قمة الجمال و الثبات.
.. الثبات ممتاز الى اقصى درجة خصوصا فى الملفات على سرعة
..الفتيس نظامه ايه؟ نظامه منيل بستين نيلة (من وجهة نظرى) حاسس انى راكب حنطور
وحلو ولا وحش ؟ زبالة لكن فى حدود معلوماتى معمر جدا
امكانيات العربيه ايه؟ مالتى فانكشن، سى دى، مخرج تكييف خلفى مع مخرج كهرباء خلفى، حامل اكواب مختفى تحت الكنبة، باب بين الصالون و الشنطة (اول مرة اشوفه) و طبعا كل الكماليات التانية تكييف و باور و زجاج و كده.
كمبيوترها بيعرض ايه بالظبط ؟ بيعرض كل حاجة و اى حاجة و ده بقى فى كل الجديد حتى البروتون اللى معايا كان فيها كده.
صوت الكاسيت .. معقول و لكن البروتون كان اداء الكاسيت بتاعها اجمد من وجهة نظرى
اجمالا هى عربية ممتازة و لكن انا اللى مجننى الفتيس.
و ياريت يا جماعة لو حد يعرف ازاى اظبت المفتاح مع السنتر عشان يقفل لوحده بعد ما اتحرك بالعربية يقولى
و اى سؤال ياباشا تحد امرك
الله يكرمك يا باشا..
من ناحيه الفتيس بس.. وحش لانه وحش.. ولا وحش لانك لسه مش متعود عليه ؟؟
وعربيه حالتها نضيفه موديل 2007 -2008 تعمل كام كده ؟
انا ياما نصحتك ياخالد بس انا بقولك نصيحة اهو انتا تجبلك عربية دبابة نص نقل و تقفلها من ورة او تجبلك عربية دبل كبينة بص هتمشى تتشقلب على الاسفلت او لو مش عجباك الفكرة دى هات دودج رام هتدوس بيها على الناس عادى و خش بيها فى الحيطة مفيش مشكلة