الموضوع: مختفى و راجع بكوارث طبعا :)

السلام عليكم
ازيكو يا رجاله
واحشنى والله جداااااا
واكيد ناس كتير مبسوطه انى مختفى عشان مبقاش فى حد يشتم فى الفيكترا السى و منصور :)
بس والله غصب عنى انا عندى كميه شتايم لا حصر لها
الدنيا ملخبطه معايا
امتحانات و قرف (طبعا عطله الامتحان تتلخص فى الساعه و نص الى بقعدها فى اللجنه)
بس العمليه بطيخ معايا فى الشغل و اخر بوظان
والعربيه مطلعه عين اهلى
الفرامل خربت
كنت مغير ماستر فرامل عمومى عند احمد سعيد بتاع مدينه نصر (وطلع نصاب و محدش يروحله و هبقى اعمله موضوع منفصل لانه يستخق موضوع لوحده يعنى)
رجعت غيرت طنابير و تيل
قامت كوبايه زيت الماستر اتخرمت غيرتها
قومت اكتشفت ان الماستر بايظ
روحت اغيره
لقيت السيرفو بايظ
قومت جايبلها ماستر و سيرفو
قامت بعد يومين
عربيه جامبو دخلت فيا من ورا
جابلى باب شنطه و اكصدام و رفرف و فانوس و الخبطه سمعت فى القايم
قومت موديها المنصوره تتعمل
قام منصور قالك الفانوس ب 1100 فى فرع الهرم فقط قومت جايب حته ديبو ملهاش حل ب 190
وقام منصور قايلى الشريط النيكل الى على الشنطه ب 2012 جنيه ومن غير الكلبسات وانا كنت اصلا عاوز الكلبسات قومت مخلى السمكرى يتشقلب فيها و ركبها الحمد لله
والشنطه و الرفرف و القايم و الاكصدام جبتهم على البارد و الدواخل بتاع الشنطه جبتها ع البارد و الحمد لله السمكرى بيضرب ترامادول بيخليه يعمل ابداعات و طلع العربيه مسطره
والحمد لله على كل شىء رايح استلمها بكره
انا قولت ادخل امسى على الرجاله و اعود الى الاختفاء مره اخرى و لنا لقاء اخر قريب ان شاء الله و هرجع اقرفكو تانى