-
استفسار عن الجميلة ix 20
سلامو عليكم
انا بجد عجبانى العربيه دى اوى ال ix 20 بس مش منتشرة لسه خالص ومشوفتش على الطبيعه البانوراما منها فياريت الى اشتراها يعملنا تقرير عنها او الى ركبها وجربها يقول مميزاتها وعيوبهااا
عايز اقرر وبصراحه العربيه مش رخيصه ونفسى حد يفهمنى ix دى مدلولها ايه فى هيونداى
وشكرااااا
-
علي حد معلوماتي هي المفروض بديل الماتريكس
بس انا حاسس انها بقت اصغر و اقل علو من الماتريكس
و هي تقريبا مبنيه علي موديل i20
و للأسف معظم الهاتشباك في مصر اسعاره مخليه صعب انه يتباع
-
شكرا ليك جدا بس بجد نفسى حد يكون جربها يقولنا عنها
-
اللى اعرفه عن العربيه دى انها متقفله فى التشيك
وجايه عن طريق ايران
هتقوله عرفت ازاى ايران هقولك كل العربيات اللى داخل مصر فى الورقه البيضاء اللى على الازاز اللى فى الجنب من وراء مكتوب عليه ايران بلد المستورد
-
يعنى خاماتها هتبقى افضل علشان اوروبى يعنى ولا مش هتفرق حاجه ؟
-
العربيه كخامه و مستوي أمان فهي عاليه جدا و كشكل فهي رائعه من الخارج و واسعه جدا من الداخل و كمالياتها كتير و غبور أيده ما طالتهاش و الحمد لله
العربيه تحفه جدا و الصالون روعه و أوسع من الماتريكس
و زي ما ذكر الزميل العربيه تشيكي للسوق الإيراني
و العربيه دي مش هاتنتشر دلوقتي . هاتعمل زي الماتريكس في أولها و ده بسبب سياسه التسويق في غبور هو لو عايز يبدرها في السوق هايبدرها لكن هاتاكل الجو من حاجات تانيه منه مكسبه هايكون فيها أكثر
-
شكرا ليك جدااااااااااااا وياريت لو حد جابها يعملنا تقرير عنهاا بقى
-
عربية ب 6ايرباج و abs و esp وتشيكى باعتمادية هيونداى وب140الف بس بالحجم الكبير دة
مستنى تسأل عن اية !! عربية روعة طببببببببببعا
-
يا جماعة اهم حاجة الثبات بتاعها عامل ايه بجد العربية دى لو ثابتة فى السرعات العالية هتمسح الالنترا الجديدة دى اوسع منها والرابط ده هيوريكوا
Hyundai iX20 review - CarBuyer - YouTube
-
فيديو راضع وعربيه بجد جامده
Content Relevant URLs by
vBSEO 3.6.0 PL2