تعليقة قى قتيس ميجان 2009

**bedooracle** · 07-07-2012 01:55 PM

من اسبوع بعد مشوار طويل و قفت و بعدها جيت اتحرك من على p الفتيس قفش متحركش قفلت و بطلت و لا نحن هنا فقالولى على الزرار اللى تحت العلبة المدورة بتاعة الفتيس عملته عزيزة اتحركت تمام كنت فى التوكيل امبارح فى الصيانة و قلتلهم قالولى لا مفيش حاجة عصاية الفتيس سليمة المهم الموضوع اتكرر تانى معايا االنهاردة ما رايكم و ايه اللى بيحصل لما بدوس على الزرار دا و هل ممكن تكون ان العلبة لما رجعتا مش متظبطة فضاغطة عليه انا مش عارف مستنى نصيحتكم اعمل ايه و شكرا ميجان 2009

**shawkylotfy** · 07-07-2012 02:53 PM

لما تيجى تركن العربية وانت دايس فرامل والعربية على ال d شد فرامل اليد الاول وبعدين هات ال p وان شاء الله مش هتتكرر تانى ولو اتكررت تانى هتضطر تروح التوكيل وهما يشوفوا موضوع العصاية دية بقى فى الضمان

**MohammedAladel** · 07-07-2012 03:50 PM

لأنك لو جبت على ال P على طول العربية بتبقى محملة على الفتيس على اللوك والأرض مش بتبقى مستوية تماما فلازم تشد فرامل اليد وبعدين تجيب البى وعايز تتأكد إن اللوك شغال كويس متدورش محرك العربية ولكن دوس على ال start خمس ثوانى من غير فرامل الدريكسيون والفتيس هيفكوا معاك دوس على الفرامل وخلى ودنك مع الفتيس أو امسكه بإيدك هتسمع خبطة خفيفة بتاع اللوك فى كل مرة تدوس فيها على الفرامل لو ما سمعتش الخبطة دى يبقى فعلا اللوك مع الفرامل فيه حاجة لو سمعتها يبقى تقريبا اللوك ما فيهوش حاجة إن شاء الله عامة أنا بركن العربية على ال N وبدور عليه برضه أنا شايف أساسا ال P دا معمول عشان الأمان والسرقة وكدا لأن بكل بساطة العربية المانيوال مفيهاش P بتشد فرامل يد وتمور ودا أحسن حاجة