ملحوظة على تركيب تكييف بيجو 504 و شكر للصنايعي

كتبت تجربة تركيب تكييف لعربيتي الـ 504 هنا
http://www.nilemotors.net/Nile/3873461231-post32.html

الكلام ده من سنة و شهرين تقريباً و حالته ممتازة بشهادة كل اللي ركب معايا.

دلوقتي أحب أشكر الصنايعي اللي ركبه كويس جداً و عايز ألفت نظركم لحاجة شايفها كويسة. و هي فكرة تركيب السربنتينة بعيد عن الرادياتير و ليس أمام الرادياتير كالمعتاد و أنا شايف ميزتين كبار للموضوع ده:
1- تبريد أفضل للموتور خاصة في المدينة (على السرعات البطيئة)
لأن الصهد اللي هيطلع من السربنتينة مش هيروح للرادياتير. هو الرادياتير ناقص في الصيف :)
كمان هيديك فرصة تحط مروحة أكبر للسربنتينة لأنك مش هتبقى مقيد بمكان السربنتينة في الحتة المزنوقة قدام الردياتير
2- الحفاظ على دورة التكييف عند الحاجة لرفع موتور العربية.
لأنه ساعة رفع الموتور لازم تفضي المنطقة قدامه، يعني الرادياتير لازم يتشال. و لو السربنتينة قدام الرادياتير لازم تتشال، و هنا الكلام بقى هل الخراطيم هتديك مجال تحرك السربنتينة و توسع مكان للموتور من غير ما تفك خراطيم التكييف و ترجع تشحن الفريون تاني لما تخلص؟ و هل تضمن إن كتر الشيل و الحط في السربنتينة مش هيعمل فيها خرم صغير ينفس الفريون؟

شفت كذا عربية 504 بتكييف و كلهم السربنتينة قدام الرادياتير، عارف إن الفابريكة بتاعتها كده، لكن شايف أن الوضع التاني اللي عندي أحسن. كفاية إن العربية مش بتسخن و لما احتجت أرفع الموتور مافيش أي تأثير حصل على دورة التكييف و من هذا المنبر باشكر المراكبي اللي ركب التكييف :hlopaet_prv:

دي صور عربيتي و عربية كانت عند الميكانيكي تبين الفرق اللي أقصده


http://img191.imageshack.us/img191/8...0705165712.jpg


http://img18.imageshack.us/img18/299...0705165746.jpg


http://img705.imageshack.us/img705/238/photo1464.jpg

==========================================
==========================================

العربية التانية


http://img152.imageshack.us/img152/8...aasssasaa2.jpg



http://img40.imageshack.us/img40/654...0705164821.jpg





http://img853.imageshack.us/img853/8...0705164903.jpg

مبروك عليك .... اخبار البروده معاك ايه وهل الكابينه محكمه من الابواب وخلافه ولا لا ؟؟

وايه الهويات الى فى الصالون دى جايبها لوحدها ومركبها ؟؟ وليه مشغلت الهويات الى فى الطابلوه وكلفك كام ؟؟

البرودة 100% و الكابينة متقفلة كويس من حيث فتحات التهوية و كاوتش الأبواب كنت مغيره كله.
التبريد حلو جداً حتى في عز الحر في الزحمة و العربية محملة شغال كويس و حرارة الموتور كويسة، و دايماً قافل الإزاز ;) و اللي بيقعد على الكنبة ورا بيبقى متكيف عالآخر هو كمان و بينام ماتقلقش. و أنا مركب ستاير كبس للبابين الخلفيين و الزجاج الخلفي بتخف الشمس اكتر و ده بيساعد التكييف.
الهوايات اللي في الصالون، لو قصدك على البتاع الرصاصي ده بيسموه الكويل و ده بيركب على أي عربية و فيه منه أشكال و ألوان. ده تايلاندي و بيبقى فيه المروحة و الكويل (الثلاجة) و فتحات التوزيع و الثرموستات و زرار التحكم في سرعة المروحة و زرار التحكم في درجة التبريد (امتى الكومبريسور يفصل)
و ماستخدمتش الهوايات بتاعة العربية لأنها هتحتاج موال كبير جداً و حاجات استيراد و مسطرة و خراطيم ده غير إن المروحة اللي في كانت في العربية ضعيفة مش هتساعد. و كده كده المروحة القديمة بتتخلع و تترمي، هابقى أصورهالك و لو حد عايزها هي لسه عندي. و اتكلف بكل حاجة 3000 جنيه عند المراكبي في جسر السويس.

فيه حاجة حلوة كمان لو ركبت قميص للمروحة بتاعة الرادياتير عندك التبريد حيبقي فوق ال10/10 من غير ما يضايق السيور الراكبة طبعا

ازيك ابو حسنى ياريت تبعتلى موبايلك على الخاص عشان عايز اكلمك
واستفسار تانى انا العربيه كانت بتسخن عندى جامد ونضفت الريداتير ومفرقتش فى حاجه والريداتير بقاله سنه والحراره بعد التنضيف زى مهيا بتوصل اخر الاسود ولو زحمه تدخل اول الاحمر وبتضطر اركن على جنب لحد متهدى شويه واخر حاجه عملتها غيرت المروحه وركبت السوده وغيرت زيت وطقم كهربا وشلت القميص الصاج بتاع المروحه لانهم قالولى بيسخن العربيه وبعد ده كله بتبقى المؤشر بعد النص الاسود ولو زحمه جامده بيوصل اواخر الاسود لكن موصلش معايا للاحمر يعنى اتحسنت شويه وفى ناس قالتلى ان الوش كان متغير من كام سنه والطبه اللى ورا الطرمبه المياه مقفوله عشان الموتور كان خفيف وانا معمر الموتور من 7 شهور وبالفعل فكيت الطرمبه اثناء تغير المروحه والمفاجاه ان الطبه مفكوكه وقفلت تانى عادى وبعد مقفلت وانا بشترى طقم الكهربا كان فى واحد مكانيكى فيات عنده فسمعنى وانا بسال على الطبه قالى المفروض كنت تركبها لانها بتظبط دوره المياه فانا مركبتهاش بصراحه لانى كنت قفلت خلاص فانا مش عارف كده الحراره طبيعى ولا ايه النظام وتفتكر ايه تانى ممكن يكون السبب فى الحراره غير اللى عملته لدرجه انى فكرت اركب مروحه على الريداتير كهربا بس مش عارف ايه النوع اللى يركب وهل هتفيد ولا لا بحيث انى اشغلها بمفتاح من جوه وكمان انا معنديش ترموستات هى مفكوكه من زمان جدا منتظر ردك بالتفصيل

السلام عليكم و رحمة الله و بركاته

ألف شكر عالFollow up ده و ان شاء الله, أما أنوى أركب تكييف فى ال505 بتاعتنا, هبقى أروح للمراكبى اللى أنت بتقول عليه, بس لازم أعمر المكنة الأول طبعا, أنا و الله بفكر أجيبلها طقم عمرة من هنا, بس الله أعلم, هلاقيلها حاجة و لا لأ !!!!!!!!!, أنا فعلا, كنت بشوف اليافطة بتاعته فى جسر السويس, بس أنا للأسف, الرادياتير عندى طوييييييييييييييييل و واخد كوووووووووووول المسافة بين الفانوسين و بالتالى لازم أركب السربنتينة أودامه و لا وراه.

متابع معاك ان شاء الله.

اقتباس:

---

المشاركة الأصلية كتبت بواسطة MASERATI

السلام عليكم و رحمة الله و بركاته

ألف شكر عالFollow up ده و ان شاء الله, أما أنوى أركب تكييف فى ال505 بتاعتنا, هبقى أروح للمراكبى اللى أنت بتقول عليه, بس لازم أعمر المكنة الأول طبعا, أنا و الله بفكر أجيبلها طقم عمرة من هنا, بس الله أعلم, هلاقيلها حاجة و لا لأ !!!!!!!!!, أنا فعلا, كنت بشوف اليافطة بتاعته فى جسر السويس, بس أنا للأسف, الرادياتير عندى طوييييييييييييييييل و واخد كوووووووووووول المسافة بين الفانوسين و بالتالى لازم أركب السربنتينة أودامه و لا وراه.

متابع معاك ان شاء الله.

---

اودامه طبعا يا باشا علشان الثرمودينامكس:Copy of m-s5:

اقتباس:

---

المشاركة الأصلية كتبت بواسطة abo_hosni

كتبت تجربة تركيب تكييف لعربيتي الـ 504 هنا
http://www.nilemotors.net/Nile/3873461231-post32.html

الكلام ده من سنة و شهرين تقريباً و حالته ممتازة بشهادة كل اللي ركب معايا.

دلوقتي أحب أشكر الصنايعي اللي ركبه كويس جداً و عايز ألفت نظركم لحاجة شايفها كويسة. و هي فكرة تركيب السربنتينة بعيد عن الرادياتير و ليس أمام الرادياتير كالمعتاد و أنا شايف ميزتين كبار للموضوع ده:
1- تبريد أفضل للموتور خاصة في المدينة (على السرعات البطيئة)
لأن الصهد اللي هيطلع من السربنتينة مش هيروح للرادياتير. هو الرادياتير ناقص في الصيف :)
كمان هيديك فرصة تحط مروحة أكبر للسربنتينة لأنك مش هتبقى مقيد بمكان السربنتينة في الحتة المزنوقة قدام الردياتير
2- الحفاظ على دورة التكييف عند الحاجة لرفع موتور العربية.
لأنه ساعة رفع الموتور لازم تفضي المنطقة قدامه، يعني الرادياتير لازم يتشال. و لو السربنتينة قدام الرادياتير لازم تتشال، و هنا الكلام بقى هل الخراطيم هتديك مجال تحرك السربنتينة و توسع مكان للموتور من غير ما تفك خراطيم التكييف و ترجع تشحن الفريون تاني لما تخلص؟ و هل تضمن إن كتر الشيل و الحط في السربنتينة مش هيعمل فيها خرم صغير ينفس الفريون؟

شفت كذا عربية 504 بتكييف و كلهم السربنتينة قدام الرادياتير، عارف إن الفابريكة بتاعتها كده، لكن شايف أن الوضع التاني اللي عندي أحسن. كفاية إن العربية مش بتسخن و لما احتجت أرفع الموتور مافيش أي تأثير حصل على دورة التكييف و من هذا المنبر باشكر المراكبي اللي ركب التكييف :hlopaet_prv:

---

أستاذ أبو حسني
بعد اذنك أنا هعلق بس على كام نقطة كده.
أولا بالنسبة للتبريد, فجايز الحل بتاع حضرتك فيه فكرة, انما لو ال cooling system بتاعك سليم يبقى مش هتحتاج الكلام ده. مشكلة ال 504 رغم جبروتها هو فتي الصنايعية فيها و التعديل عليها زي الثرموستات اللي بيشيلوه و المروحة اللي شغالة على طول ... كوارث
آدي أهو صفحة من الكتالوج مكتوب فيها إن لما المروحة تعطل, مش عارف 3 مسامير إيه بيتربطوا عشان تشتغل على طول لغاية ما تتصلح, يعني الناس بتعتبر ده عطل مش ميزة. زائد انه كمان شيء ضد ال common sense, بمعني إنك واقف في الزحمة و محتاج التبريد بشدة, تلاقي المروحة بتتمختر على السلانسيه, اجري بقى و خلي هوا ربنا يدخل و خلاص تبقى مش محتاج المروحة, تلاقيها بتجعر.
http://i664.photobucket.com/albums/v...974-Page43.jpg

لو عايز تعمل تعديلات مجدية على نظام التبريد فـ الخطوات كالتالي:
ترمي الرادياتير بتاعها في الزبالة و تشتري واحد cross flow, اللي المية بتمشي فيه بالعرض مش زي ده من فوق لتحت (التاني هتبقى العلب بتاعته في الجنب)

http://i664.photobucket.com/albums/v...s/IMG_5063.jpg

و ترمي دي كمان في الزبالة

http://i664.photobucket.com/albums/v...diatorside.jpg

بعد كده تركب مروحة محترمة تغطي أكبر مساحة ممكنة من الرادياتير, المروحة اللي في الصور من الرينو توينجو ماركتها Behr (الماني) و فيها سرعتين

http://i664.photobucket.com/albums/v...s/IMG_5056.jpg

http://i664.photobucket.com/albums/v...s/IMG_5058.jpg

و هيبقى ال clearance عامل كده
http://i664.photobucket.com/albums/v...s/IMG_5060.jpg

و ساعتها بقى عايز تفتري في التكييف, تركب سربنتينة عريضة توصل للفتحة التانية اللي في الصاج و تفضل على ال setup الفبريكة اللي هو مروحة التكييف قدام. خد بالك إن مروحة التكيف معمولة مش بس عشان تخلي الهوا يعدي جامد من سربنتينة التكيف انما ليها دور تاني مهم و هو مساعدة المروحة الأساسية في التبريد نظرا لزيادة الحمل على الموتور, و أنت كده لغيت الجزئية الثانية.
الصورة دي هتفهمك اللي أنا عايز أقوله

http://i664.photobucket.com/albums/v...ectricfan1.jpg

كده أنت هيكون عندك حاجتين بيحكمولك حرارة العربية, الباشا ده
http://i664.photobucket.com/albums/v...s/IMG_4139.jpg

ده بيفضل قافل دورة المية لحد ما توصل ل 75 درجة (82 في الموديلات من أول 1980) و بعد كده يبدأ يفتح. و هيبقى عندك الثرموستات الكهربا و ده هيبقى متوصل بالمروحة و ده بيبقى 82-68 و 88-79 للموديلات من بعد 1980 و 92-87-88-83 للموديلات اللي فيها مروحة التكيف الأمامية سرعتين
http://88.191.108.165/images/JPG021/819770.JPG

مروحة التكيف الأمامية ليها موديلين واحد منهم مشترك مع المرسيدس التمساحة, اللي هي دي
http://88.191.108.165/images/JPG999/0506.4413.JPG

و طبعا أي مروحة كهربا لازم يكون ليها كتاوت و فيوز
http://i664.photobucket.com/albums/v.../Photo0726.jpg

حاجة اخيرة كمان, الموتور لما بيطلع بره, سربنتينة التكيف مش بتتلمس, بتفضل مكانها. الرادياتير هو اللي بيطلع و طبعا الكباس بيطلع عشان بيكون راكب على كارتيرة الزيت.

waelfarid
مش عارف القميص هيفرق كتير مع المروحة الأصلية ولا لأ. هي بتبقى بطيئة طبعاً على السلانسيه في الزحمة يعني. متهيألي مش هتفرق قوي

darsh_darsh
شوف مشاركة Unendlich بالنسبة للتبريد. بعدين ممكن العداد نفسه عندك بيقرأ أعلى شوية أو صباع (حساس) الحرارة.

MASERATI
موضوع العمرة ده قديم قوي :grinder: و الرادياتير الكبير اللي عندك ده بتاعها ولا بتاع إيه؟

Unendlich
كلامك صح، الصنايعية هنا عندهم قدرة على الفتي مالهاش مثيل، و متهيألي مافيش عربية سلمت منهم
فكرة المروحة الكهرباء للرادياتير ممتازة و في دماغي من زمان بس مكسل، باقول أهي ماشية كده و خلاص. و مشاركتك هتفيد ناس كتير
بس أنا شايف أن بعد السربنيتة عن الرادياتير أفضل. و أنا ماقريتش في الموضوع ده بالذات فمش متأكد. و احنا بنتكلم براحتنا عشان ال 504 كلها مخابئ و حوضها واسع :). و لما احتاج يرفع الموتور فك الكومبرسيور من القاعدة و حطه على جنب. و كويس أنه عندك ماحدش بيلمس السربنتينة و لازم تقف فوق راسهم و هما شغالين طبعاً. أنا فاكر في مرة من زمان رفعوا الموتور من غير ونش :grinder: قدرات خارقة طبعاً بس كسروا الطنبورة. الصنايعية هنا عايزين رقابة و حد يوجه دماغهم شوية

السلام عليكم و رحمة الله و بركاته

أصل أنا مش فى مصر اليومين دول و عشان كده ماعملتش العمرة, بالنسبة للرادياتير اللى فيها, أنا مغيره من سنتين, لأن العربية كانت بتسخن جامد أوى فى الصيف و غلبت معاها و آخر مازهقت, قمت مغيره و جبت واحد 3 ماسورة.

اشكرك ابو حسنى على الرد وكمان عايز اعرف هو غطاء الريداتير ممكن يسخن العربيه لو فيه مشكله وهو الغطاء الاصلى رقمه كام لانى لاقيت كذا نوع وبتختلف فى الرقم المكتوب عليه بتاع الضغط
وانت عندك المروحه سير السوده الاصلى وكمان هل ينفع اركب مروحه زى بتاعه التكيف قدام الريداتير اشغلها بمفتاح داخلى فى الزحمه وهى بكام ونوعها ايه

هل افضل توصيل التكييف علي فتحات التكييف الاصليه التي فى التابلوة وهل الصنايعي بتكون سهله معاه ولا بيستسهل ويركب الجزء الخارجي ده وخلاص لاني مش عاوز اغير فى منظر العربية من جوه
وحضرتك ركبت تكييف انهي نوع وجديد ولا استيراد

متهيألي موضوع تركيب التكييف على نفس الفتحات في الموديل بتاع ال 504 ده هيبقى مش حلو. الفتحتين اللي في الجنب ما تعرفش تتحكم في توجيههم و مافيش فتحات تاني غير اللي في نص التابلوه فوق. غير كده المروحة الأصلية ضعيفة. و اللي اتشال عندي المروحة بالجزء اللي بيتحكم في فتحات التهوية و معاه الولاعة و الطفاية. و كنت لاغي من زمان الخراطيم بتاعة التدفئة اللي رايحة للكراسي الخلفية. بالنسبة للولاعة نقلت مكانها، و الطفاية مش عايزها.
ماعرفش الوضع إيه بالنسبة لـ 131 بس اسأل على النواقص اللي في التابلوه لو موجودة استيراد أو جديد.
و الأجزاء اللي راكبة عندي كلها جديدة. الكومبريسور ساندن ياباني و هتلاقي تفاصيل في اللينك اللي في أول الموضوع

هى ايه الخراطيم بتاعه التدفئه للكراسى الخلفيه ومكانها فين

وكمان فى سؤال صغير دلوقتى فى ورا طرمبه المياه فى الوش بيركب طبه ولا لا عشان فى ناس قالتلى ركبها عشان هو ده سبب السخونه الجامده ديه وناس قالت شيلها لو راكبه وفعلا شيلت الطرمبه وبصيت ملقتش الطبه اساسا فانا مش عارف حل وكمان انا كنت جى من مشوار زحمه والامبير وصل معايا اخر الاسود ولما ركنت فتحت الكبوت وبجسيت الريداتير بايدى من فوق وكان سخن جدااااااااااا لكن الجز اللى تحتيه اللى عامل زى الشبكه بارد جدا ففى واحد قالى كده الريداتير هو السبب فى السخونه لانه سخن من فوق وبارد تحت انت رايك ايه فى الكلام ده

100 / 100

شغل عالي الله ينور يا رجالة

هو ينفع نركب كباس لانوس او فيرنا مثللا على البيجو ولا لا هما اسعارهم ارخص بكتير من كباسات البيجو

موضوع ممتاز .... انا كمان عندى تكييف راكب فى البيجو لكن السربنتينه قدام الريداتير
و مقدرشى احكم على الاداء لأنى واخد البيجو من فتره قليله و الجو حلو و مش محتاج تكييف
لكن بصراحه الريداتير مش مريحنى و كل يوم بزوده ميه حاجه بتاعت ربع لتر - هل المعدل ده زياده و لا طبيعي
انا بفترض انه طبيعي علشان دوره التبريد مفتوحه و مافيش قربه ياخد منها

موضوع راااااااااااااائع

ياجماعة حد عندو رقم ابو حسنى ارجووووووووووووكم ساعدوووووووني

هل التكييف له تاثير على الموتور
العربيه بيجو 504

التأثير كأنك محمل شخصين زيادة مثلا. ومافيش مشاكل حتى الآن