اقتباس المشاركة الأصلية كتبت بواسطة syd مشاهدة المشاركة
ازيك يا ميدو يا حبيبي

انا امبارح كنت في كارفور - داندي مول
زحااااام رهيب
شوفت الزحمة علي شكاير الرز ؟؟؟ ولا علي المكرونة ولا علي السمك ولا علي البلح
يا بوووووي
انا فجأة لقيت نفسي مزنوق ومش عارف اتحرك
وانت وضحتلي نقطة في غاية الأهمية كانت غايبة عن بالي
فعلا كارفور كان مليان امبارح تجار
اتاري لقيت ناس مالية الكارت كراتين زيت
قولت في بالي هما الناس دي هتصوم وتفطر علي الزيت ؟؟؟ بدل البلح وقمر الدين ؟؟

بالنسبة لقلة الأدب مالحقتهاش الصراحة
لأني مشيت بدري (الساعة 10)
وقفت علي الكاشير من 9 - 10

كمان كنت عايز الحق سبينز - مول العرب

بس فرق ومستوي تاني خالص من الزباين الصراحة

كارفور لو مالمش الدور هتلاقيه اتملي بياعين وتجار وهيخلوه سوق الخضار بتاع يوم الجمعة
وتلاقي هناك الكينج والباشا والبلاقسي وشلة سلام يا صاحبي كلها
هههههههههههههه

مش عايز حاجة من اخوك بركوتة ؟؟

سلام يا صاحبي
حبيب قلبي ياسيد باشا ... ماهو ده كارفور الي انا بتكلم عليه
بس انا وصلت ليه بالضبط الساعه 10:30
لو كنت تأخرت شوية
كنت شفت البدع والخنقات الي حصلت ....
@@@@@

اقتباس المشاركة الأصلية كتبت بواسطة elawany13 مشاهدة المشاركة
يانهار أزرق التجار بيشتروا من كارفور !!!!
خلاص بيستستهلوا
وكله على قفا الزيون اللى هيشترى منهم
احمد حبيب قلبي ... كارفور بياخود خصم الكمية على الباضعه الي بينزلها وعلى ده الاساس بيعمل عروض ... لو الموزع جابلك البضاعه لغايت عندك بيدك خصم بسيط لايذكـر
ده غير بضاعه المركونة في مخازن المصنع ومش قادرين يصرفوها يقوموا بعتنها على كارفور وهيبر لأن تاريخها قرب يخلص ... والتخزين بيبوظ الحاجة ... وفي بضاعه معيوبة الصنع زي مثلاً مناديل كلينيكس مش متقطعه كويس وتيجي تسحب منديل تلاقي العلبه كلها طلعت في ايدك ههههههههه دي بيعملوا عليها عرض او علبة ماشرم مش متقطعة كويس فتعتبر معيوبة بينزلوها عرض ... لذلك نص التجار بتوع السوبرماركتات بيروحو ويستفيدو من العرض ... علشان يبعوا البضاعه المعيوبة بسعر الغالي .

اقتباس المشاركة الأصلية كتبت بواسطة karim_monir مشاهدة المشاركة
ربنا يسامحك وقعتني من الضحك علي ام علي
عارف انت بس لو العربي يتعدل شويه :-)
نفسي اعرف مين من الادارة عملك منسق مساعد وانت العربي عندك عايزله حقنتين فيتامين كدة :-)

كارفور مستحيل ادخلة الاوقات دي
يولع الاوفر على العروض على اي حاجة اتبهدل وسط العينة دي
افتكر السنة اللي فاتت وكانقبل رمضان باسبوع كدة ودخلت عملت شوبنج الشهر وجيت اخرج تقريبا كنت هاتبهدل
سيبت الحاجة ومشيت هو انا ناقص
كفاية عليا نايل موتورز :-)
ههههههههههههه
حبيب قلبي يا كريم باشا ... ده انا كل ما أروح كارفور أفتكرك ياباشا ... وأقول للعيال خلي بالكم ... في ناس بتاكول الحاجة وترميها في عربيتنا (الترولي بتعنا ) فتحوا عنيكم ههههه وبقيت كل مره أقعد توته بنتي حبيبتي في الترولي تحرسوا هههههههههههههههه ، وأأأأأأأأأأه ياكريم باشا من مراري من المدام ... أبص الاقيها أشترت نسكافيه مع ان مفيش حد فينا بيشربوا انا بشرب قهوة تركي ... وهيا اشتريتوا قال ايه عليه كوباية هدية ... (كلمة هدية ) في حد ذاتها أو (عرض خاص ) بتجننها والاقيها تجري عليها فانا بقيت أخليها تجيب الي هيا عاوزة واجي عند الكاشير اقولوا بعد أزنك كنسل دي ودي ودي ودي ودي هههههههههه ده حتى الراجل الكشير بيقولي طب ما تكنسل العربية كلها هههههههههه .

ومره تانية لقيتها شارية قزازة شامبو جديدة كده(ضدد القشرة ) وعليها قزازة شمبو كمان صغيرة هدية قامت أشتريتها ... بقولها ايه ده تقلي شمبو مستورد وباين عليه جامد .. قلتها مافي شمبو في البيت قالت لي لا لا ده حلو ومش هيخســــــــر وكلوا علشان العيال .
مفيش يومين بصيت لقيت شعر الولاد والمدام كلووو ضرب قشرررررررة ... هههههههههه قلتلها تستاهلي شفتي ابقي خلي القزازة الصغيرة تنفعك ... ههههههه ... وبعدين ياباشا منسق ايه بس ده انا بفكر أقدم أستقالتي ده مافيش حد حتى فكر يطلعلي شطنة رمضان كده هديه ويقولوا الراجل ده شقيان وغلبان في المنتدى وصاحب عيال ولا حتى قزازة زيت ولا كيلو سكر هههههههه

@@@@@@@

وتحياتي