أعزائي أحبائي فلذات أكبادي
كارفور شركة محترمة جداً وحجاتوا وعروضوا جميلة وكل حاجة بسسسسسسسسسسس
أمبارح بالليل خدت المدام والعيال ورحنا على كارفور
أتفاجئة بزحمة زحمة غيـر طبيعية
عارفين لمن يكون نهاية الكون وفي كوكب أخر هيضرب الارض وبنناشد المواطنين بألتزام منازلهم ... بسبب الغبار الكوني والتلوث الي هيكون بسبب اصطدام كوكب الزهرة بالارض بالمشتري ... فكل الناس رايحه تاخود المؤن بتاعتها
طبعاً معليش استعرت كم صورة كده من النيت
بعد ما ركنت بطلوع الروح
ولمن خدنا عربية (الترولي ) بتاع التسوق ... وجينا نخش من مدخل السوبر ماركت زات نفسوا أصطدمنا بناس واقفه وناس خارجة ... المهم أننا نعرف نخوش مش قادرين فقلتلهم يالله بينا نروح ... بصيت لقيت كام ترولي كمان كابسين علينا من ورى ... وبقت مدعكة ... فلقيت بنتي (توته حبيبتي ) بتبصلي وبتقولي بابا اانا خايفه هنعمل ايه ؟
قلتلها : ولا يهمك يا حبيبتي وقمت شايلها وحضنها وبايسها وبصيتلها نظرة الوداع ... وقمت شايلها وحطيتها في التورولي وشايل كمان أبني وراميه في التورولي ...
وقلت لمراتي لا تراجع ولا أستسلالالالالالالام
وكانت الخطة اني اقف قدام الترلي اسلك السكة ومراتي ورى الترولي تتحكم بالدفة بتاعت الترولي وييمين شمال يمين شمال وبعد نص ساعه لمن عرفنا نخش أخيـــــراً وبفضل الله ثم مجهودات حثيثة عرفنا نخش ... كانت المشكلة بسبب الزحام الشديد وبسبب بعض ذكاء المواطنين ... عاوزين يطلعوا من باب الدخول قال أيه فاكرين الباب (كاشير أقل من عشر قطع ) ههههه فحصل التكدس ... ده غير الناس الي واقفه على المدخل مستنية ناس من بره لسه هتيجي ...
❤❤❤❤❤❤
طبعاً كان في حبت عروض حلوة وبالذات في البيبسي والكوكاكولا وشوية عروض وهمية كده
السحب كان شديد على كتير من السلع
ولقيت المدام أنجرت لسحـر العروض ، لحد ماقلتلها أستوووب أأقفي عندك ... أنتي كل ماتشوفي حاجة مكتوب عليها عرض تشتريها ... قالت لي : يا راجل دي عليها عرض دي كانت بكزا ... ودلوقتي بقت بكزا ... قلتلها وأحنا مالنا
أنتي بتحبي الامو علي قالت لي لأ
قلتلها حد في العيال بيحب أم علي ولا بياكولها
قالت لي لأ
قلتلها جوزك الي هو انا بيحب أم علي
قالي لي لأ
قلتلها أومال شاريه اربع علب أمو علي ليييييييييييييه
علشان عليها عرررررررررررررررض !!!!!!
أرحميني !!!!!!!!!!!!
❤❤❤❤❤❤
❤❤❤❤
❤❤
❤
المهم ... الي دايقني بجد بجد
وما أدمـى قلبي مش أمو علي ... لكن تصرف الناس ... طول ما انا في كارفور حصل خمس خناقات ... وشتايم من الي قلبك
يحبها ... بالذات في منطقة الكاشـير ... الناس كانت مشدودة وعلى أعصابها ... الامــــن مش قادر يتصرف بسبب الاعداد المهولة الي موجودة ... لأن دول مش محتاجين سكيورتي دول محتاجين أمن مركزي يوقف يزبط الامن ...
قلت أدب في قلت أدب ... ومنهم خناقه شب محترم باين عليه عريس جديد ... كان بيجيب حاجة فلقى اتنين تجار بتوع السوبرماركتات لازق حبتين في مراتوا وهما عند الكاشير فبيقولوا لو سمحت شوية
التاني : بتزوووق ليه
وقامت خناقه بينهم وقلت ادب في قلت ادب ...
❤❤❤❤❤❤
خناقه تانية برضو مع تجار السوبر ماركتات شب محترم مع مراتوا وبنتوا ... معرفتش تفاصيلها بس مهما كانت تفصيلها الي حصل قمة قلة الادب ... أن التاجر شتم الراجل وهو شايل بنتو الصغيرة على كتفوا ... وبصوت عالي وانا من بعيد سمعو بيقول أنتا راجل مرره ... أنتا مش راجل أساساً
طيب يا أخي مهما كان مهما كان مفيش أحترام لأسرة الراجل وان الجدع شايل بنتو على كتفوا وتتخانق معاه هيا دي المرجلة
وشكلهم بيتخانقوا مين يخش الاول لأن التاجر يامشالله شايل كراتين كراتين والتاني وخدلو شوية حجات قليلة .
❤❤❤❤❤❤
وطول ما احنا هناك ... كل شوية نسمع زعيق وشتايم وخناق ... هيا الناس جرالها ايه ... كان نفسي أطلع الموبايل واصور الي حصـــل ... وأوريكم قد أيه أحنا تحولنا من شعب متحضــــر لشعـــــــب (-----------).
بس قلت بلاش اصور لحد يتخانق معايا انا كمان ويقلي بتصور مراتي ليه يا أستااااااااااااذ ههههههههههه وأنضم لخناقات كارفور ... بس بصراحة ياجماعة الهمجية الي شفتها دي مكنش يصح انها تحصل ابداً ... أيه يعني رمضان داخل على الابواب ... هو الاكل هيخلص يعني ... ولا الحجات هتطيـر ولا هو أحنا في نهاية الكون ... ونهاية الزمن ... الله يرحم أيام مكان أول يوم رمضان تلاقي الجيران بتبعت صواني لجيرانها وميبقاش الواحد عارف ياكول ايه ولا ايه ...
هو الناااااااااااس جرالها
أأأأأأأأأأأأأأأأأأأأيـه!!!
مع أحترامي لبلدي ولأهل بلدي ولكل الناس الي كانت في كارفور
أنا مشفتش أمبارح بشـر أنا شفت كلاب مسـعورة بتجري على الاكـــــل ... (ولا أقصد كل الناس ) لكن بعض الناس لأن في ناس محترمة كتيــرررررررررررررر
وقلت لأسـرتي الصغيرة مش هنيجي المكان ده تاني غير بعد العيد إن شاء الله وعليكم خيـــــــــــر ... أو نجيه الصبح أول مايفتحوا ... ولا أعرض أسرتي ولا أبنائي أنهم يسمعوا الشتايم الوسخه الي أتقالت أمبارح ... ناس هتقطع بعض بالشكل المهين ده لأنسانيتهم ... فين الرحمة فين الموده ده أحنا داخلين على شهر الخير شهر الكرم شهر رمضان ... انا شفت فوضـى أمبارح تكاد تشبه فوضـى الي حصلت على ظهر الباخرة في فيلم تايتنك ساعت لمن كانت الباخرة بتغرق هههههههه
وبقيت واقف وبقول في سري حسبي الله ونعم الوكيل
وبضرب كــــف على كــــــف ... وعاجز حتى اني أساهم في فض الخناقات ... لأن قدامي أمم ... أحنا أمبارح مكناش واقفين في كارفور أحنا كنا واقفين في مظاهرة في ميدان التحرير .
وعلشان كده بلوووم على الناس أنها بقت بالفوضى دي علشان شوية أكل أخرتها هتبقى فضلات (وأنتو بكرامة )
وبلوم على كارفور عدم توفير وتشغيل كل طاقم الكاشيرية وزيادة طاقم الامـن ...
وتوفير مكان خاص للتجار بتوع البقالات على جنب ...
وفعلاً في لحظه من اللحظات حسيت ان الامور هتفلت عن مسارها الطبيعي وحسيت ان أمن كارفور فقد السيطـرة خلاص على الوضع ... بالذات الخناقه الي تحولت من شتايم لأشتباك بالايدي عند قسم الاب توبات ...
ومازلت بسئل هو الناس حصلها أيه
؟؟؟؟؟؟؟؟؟؟؟؟؟؟؟؟؟؟؟؟
❤❤❤❤❤❤
وتقبلو تحياتي
وأسف على الاطالة
