تجربتى مع صنى الجديدة test drive

**Youssef.Awad** · 24-07-2012 02:03 AM

المشاركة الأصلية كتبت بواسطة dodyam

على فكرة هما فعلا وقفوا الحجز عند كل الموزعين دا من مشاركات الأعضاء و حتى هنا فى اسكندرية
أنا متهيألى ممكن تنزل أى محافظة قريبة منك ممكن تستلم منها فى اسبوعين ولا حاجة
وكل تأخيرة وفيها خيرة

ممممممممم مش فاهم .. يعنى نيسان نفسها اللى وقفت حجز المعارض للصنى الجديدة عشان الانتظار ما يطولش ولا ايه؟

**kareem11** · 02-08-2012 01:25 AM

يا جماعة هو ال test drive ده بيتعمل فين
و ازاى اقدر اشترك فيه
انا عايز اجرب العربية بصراحة قبل ما اشتريها

و كمان سمعت ان فى فئة هتنزل على شهر 10 باذن الله

فايه الفرق بينها و بين الفئة اللى موجودة حاليا و هيبقى سعرها فى حدود كام

و شكرا جزيلا

**dadado** · 02-08-2012 12:27 PM

استاذ كريم انا جربت العربية عند السبع اتوموتيف فى المعادى وتكون المواعيد من 12 ظهرا حتى 5 مساء بس معرفش مواعيد رمضان ايه

**kareem11** · 03-08-2012 03:21 PM

المشاركة الأصلية كتبت بواسطة dadado

استاذ كريم انا جربت العربية عند السبع اتوموتيف فى المعادى وتكون المواعيد من 12 ظهرا حتى 5 مساء بس معرفش مواعيد رمضان ايه

تمام يا فندم
شكرا جزيلا :)

**mohdabdelhaiy** · 07-08-2012 05:13 AM

ممكن استفسر انا عاوز اشترى بعد العيد اجيب تيدا ولا صنى2013

**hytham.abbas** · 14-08-2012 07:23 PM

شكرا على تقريرك بس انا عايز اضيف حاجة بالنسبة لؤشر الحرارة هو فيه بس ديجيتال بتدوس حضرتك على زر فى التابلوه اكثر من مرة لحد ما يظهر لك avg و جنبها 12.6 او رقم تانى مش فاكر المهم هى دى درجة الحرارة ادعى لى ربنا يكرم و تيجى العربية انا حاجز من شهر

**dadado** · 15-08-2012 02:47 PM

استاذ هيثم السلام عليكم
الموضوع اللى حضرتك قولت عليه هو عشان حساب متوسط استهلاك البنزين وهو ما يعرف باسم كومبيوتر رحلات ولكن العربيه فيها لمبة حرارة فقط زى الالانترا القديمه واليارس وان شاء الله تفرح بالعربيه ويباركلك فيها

**shady_hamdy** · 20-09-2012 02:42 PM

المشاركة الأصلية كتبت بواسطة grader

حد يا جماعة لاحظ موضوع التأخير فى النقل دا تانى؟
احنا كده عندنا تأكيدين على الموضوع ده...

و ياترى ياباشا محتار بين الصنى و الاكسنت او الريو زيى ولا خلاص استقريت على الصنى

كل ما اروح المعرض الناس بتوع المبيعات يحاولو يقنعونى بالاكسنت و انا طبعا عارف ان دا كلام مبيعات و همة مصلحة التاجر مش العميل بس برضة العيارالى مايصبش يدوش :) وبعدين هما بيقولو كده فى الوقت الى الحجز على العربية شغال على ودنه لدرجة انها بتغلى تقريبا كل كام يوم للتسليم الفورى... ايه رأيك؟

فعلا الحيرة بين ال 3 عربيات دول صعبة اوى الصنى عملية موفرة جداا للبنزين ضمان محترم الاكسنت صالون احلا شكل خارجى احلا متور اعلا الريوا شكلا ممتاااز صالون شيك متور 1400 استهلاك عالى للبنزين مش عارف المقارنة صعبة ياريت اى حد بيفكر فى نفس المقارنة يفكر معايا بصوت عالى و شكرا

**د.هشام** · 20-09-2012 05:13 PM

المشاركة الأصلية كتبت بواسطة ekrami

فعلا الحيرة بين ال 3 عربيات دول صعبة اوى الصنى عملية موفرة جداا للبنزين ضمان محترم الاكسنت صالون احلا شكل خارجى احلا متور اعلا الريوا شكلا ممتاااز صالون شيك متور 1400 استهلاك عالى للبنزين مش عارف المقارنة صعبة ياريت اى حد بيفكر فى نفس المقارنة يفكر معايا بصوت عالى و شكرا

لو بصيت على الرفيوهات اللي في أمريكا حتلاقي ان أعلى نسبة مبيعات بالنسبة للفئة السعرية دي الاكسنت والصني والاثنين بينافسوا بعض بقوة. طبعا فيه عربيات تانية موجودة كمقارنة زي الريو, بس أعلى مبيعات فعلا للأكسنت والصني, وكل عربية فيهم فيها المميزات والعيوب, مش حتلاقي عربية كاملة. طيب هي العربيات دي هي هي اللي في أمريكا بغض النظر عن ال categories المختلفة وتوزيعة الكماليات المختلفة؟ الاجابة: فيه شوية اختلافات:
-بالنسبة للاكسنت: اللي في مصر مافيهاش وسائل امان (air-bags, ABS, EBD) للفئة اللي نازلة basic
-بالنسبة للصني: اللي في مصر الموتور 1500 (99 hp) ,واللي في امريكا 1600 (109 hp), واللي في مصر بتتقفل في مصر, واللي في أمريكا بتتقفل في المكسيك.
اختار انت بقا, أرجو اني ماكنش حيرتك اكتر