الموضوع: حكايتى النهاردة مع تيل الفرامل الخلفى .. كورسا 2005

ألسلام عليكم يا اوبلوية وكل سنه وانتو طيبين وربنا يبلغنا رمضان ان شاء اللة

النهاردة انا روحت شارع شانبينيون علشان اجيب تيل فرامل خلفى اصلى زى ما انتو قولتولى

المهم روحت لواحد سالتو انا عايز اصلى قالى مفيش غير المانى واسبانى ... الاصلى هتلاقيه عند اميريكان ستارز اللى جنب ابو طارق بتاع الكشرى

المهم روحت لاميريكان ستارز ده لقيت عندو فعلا تيل الفرامل الخلفى الاصلى (gm)
قولتلو بكام قالى ب 200 جنية
سالتو طب الامامى بكام قالى ب 210 وانا كنت سائل عليه عند الراجل الاولانى قالى ب 200
قولت لا ده كده حرامى شوية فمشيت وقولت اخد لفه وسالت قالولى واحد اسمو سرور برضه بيبيع قطع غير اوبل
روحتلو لقيت الامامى ب 180 الالمانى والاسبانى بس مش عندو الاصلى الخلفى

قولتلو طيب انا لقيتو عند اميريكام ستارز ب 200 اجيبو
كان هيقول لفظ وحش وقالى لا طبعا ده كده غالى اوى ... ده فى التوكيل مش كده

قولتلو شكرا يا عمو وطلعت على مقار اللى عند كوبرى الخشب
تخيلو لقيتو بكام ؟
138 جنية +14 ضرايب يعنى 152 جنية
شوفتو اميريكان اكسبرس حرامى ازاى
واللة انا حمد ربنا انى مشتريتهوش منو والبست :)))

على فكرة سرور طلع رخيص فى الاوبل برضه ... انا بعد كده هروحلو على طول
يارب يكون الموضوع عجبكو
سلام يا ردالة

انا لما جيت اشتري برده لقيت ان الاسباني احسن تيل لو لسه مافتحتوش ممكن تحاول ترجعه و تجيب اسباني انت جبت gm بتاع منصور المصري يعني و اعتقد انه دا اللي بيغبروه في التوكيل
انا حاطط زيت ليكوي مولي اول مره استخدمه بس بعد 7000 كم لسه كويس و نضيف و لزوجته كأني مغيره امبارح. بس في ناس تانيه كانت بتهاجم الشركه دي. خد برده راي بقيه الاعضاء