شكله حالته كويسه بس المهم الي تحت الفايبر ايه جير ,, ماتور شاسيه كهربا ايه نظامه وفكك من العداد
يعني فليه ,, حالل ولا لا اخبار الدينمو والريكتيفير والبوبينه ايه ,, الشاسيه تمام ؟ نقلاته تمام
عموما هو كله بيبان لما البايك بيسخن ويتمشي بيه نص ساعه كامله وقف ودور تاني بيدور على طول ولا لا؟
وطبعا مش حوصيك تحرق الغيار على اخره وانت بتنقل عشان تشوف حالته ايه وشوف بعد الحرق فيه اي تسريب زيت
وطبعا الماتور مهم تسمع صوته يكون متناغم مفيش صوت تك تك او حاجه بتخبط في بعضها
وشوف الفردتين قدام وورا والفايبر في لحامات او تصليح ولا لا ,, الفرامل ,, وشوف البطاريه ,, وشوف المساعدين بيجيبوا زيت ولا لا
كل ده مهم عشان تعرف حالته ايه وتعرف تنزل بالسعر عشان لو حصل حاجه متبقاش دافع عليه كتير
وطبعا لما تشتري قوله ميسواش الا 14 الف هههههههههههههههههههههههه عشان تعرف تنزل معاه بالسعر
بس اياك صاحبه ميكنش معانا هنا وشايف كله
بس مش 19 الف كتير شويه على 400 .؟؟ اظن ممكن تجيب هوندا 600 اف 2 بالسعر ده
عموما حاول تنزل في سعره لو وصل ل 16 - 17 يبقى ممتاز وعموما الحاله هيا الي تحكم
وبلاش كلمة مصلحه ديه ههههههههههههههههه احنا هنا تحت امرك ياباشا انت تامر بس مش عايزين الا دعوه حلوه
المفضلات