يا انا يا الغيار الخامس((الفتيس يعض في النقلة))

**Mamoud salah H** · 08-07-2012 10:37 AM

يا رجالة الفتيس غلبني النهاردة علي دريق اسكندرية صحراوي كل الغيارات شغالة فلة ومزبوطة وناعمة وكلو تمام تيجي بقي علي سرعة 100:115 كدة انقل للخامس راسه والف جزمة مينقلش من اول مرة بيعض معايا وبيزهقني علي ما ينقل ودة ككانش طول الطريق يعني كان شوية و شوية ساعات يبقي سكينة في الحلاوة وساعات كاني بنحت في صخرة ودة في الرجوع عشان وانا رايح كان زي الفل معايا وكان سهل لذديذ يا ري بقي دة من ايه ركبو عفريت وهو راجع ولا ايه كنت ماشي مش عارف اعدي 110 دي عكس مكنت رايح كنت 150 براحتي عاوز مساعدة يا رجالة

**emadyassen** · 08-07-2012 11:18 AM

انا عندي نفس المشكلة ولكن فى الغيار الاول والثاني تقال شوية فيكترا بي 1600 وباقي الغيار زي الفل

**survey** · 08-07-2012 12:11 PM

وحياتك بلاش تتعافى عليه اكتر من اللازم ...لاني من اسبوعين حصل معايا كدة وحاولت بالعافية ادخل الفتيس في الحارة الخامسة لاقيت حاجة طقت وحلف 100 يمين انه مايجيبش غير الثالث والرابع بس
وكنت طبعا بطلع من وضع الوقوف على التالت بصعوبة ومش بعرف اركن العربية غير يدوي يعني اطلع قدام على التالت وبعد كدة انزل من العربية عشان ارجعها لورا وبعدين ادخل العربية عشان اظبطها قدام

والعيب طلع في حشو عصاية الفتيس كان متهالك وواقع

**tananybasha** · 08-07-2012 10:04 PM

البنز بيحشر
او فبره العصاية فيها حاجة

**A7medelfe2y** · 09-07-2012 09:37 AM

بعد كلام طناطي باشا مفيش كلام بس ممكن يكون العصايه عايزه تتعاير والله أعلم

**forget** · 13-07-2012 11:16 AM

المشاركة الأصلية كتبت بواسطة mamoud salah h

يا رجالة الفتيس غلبني النهاردة علي دريق اسكندرية صحراوي كل الغيارات شغالة فلة ومزبوطة وناعمة وكلو تمام تيجي بقي علي سرعة 100:115 كدة انقل للخامس راسه والف جزمة مينقلش

من اول مرة بيعض معايا وبيزهقني علي ما ينقل ودة ككانش طول الطريق يعني كان شوية و شوية ساعات يبقي سكينة في الحلاوة وساعات كاني بنحت في صخرة ودة في الرجوع عشان وانا رايح كان زي الفل معايا وكان سهل لذديذ يا ري بقي دة من ايه ركبو عفريت وهو راجع ولا ايه كنت ماشي مش عارف اعدي 110 دي عكس مكنت رايح كنت 150 براحتي عاوز مساعدة يا رجالة

ياباشا أنا كان عندى نفس المشكلة أنت بتحكى قصتى على اسكندرية الزراعى
غيرت فبرة العقربة بالبنوز لأن البنوز كانت مبوشة مع الفبرة مع شوية رجلاش للفتيس

الموضوع هيكلفك
30 تمن الفبرة+ 10 عدد 2 بنز على المخرطة متجيبهمش جديد+مصنعية 20
= اجمالى 60 ج