الموضوع: غاوز اجيب سماعات وصب وجي ام للايفو

المشاركة الأصلية كتبت بواسطة Ahmod

هو طبعا صعب انك تغير كاسيت العربية !! لكن محلولة ماتقلقش

تقدر تحل المشكلة دي من خلال انك تشتري جي ام نضييف

البايونير دلوقتي منزلة كذا جي ام فيه تحكمات HPF / LPF بتتحكم فيها من الجي ام نفسه

هو طبعا لما بتكون في الكاسيت بيكون افضل بكتيير لانك بتتحكم بحرية اكتر غير الجي ام اللى غالبا مابيتظبط مرة واحدة وبتسيبه على كدة

وتاني حاجة انك لما مستقبلا تجيب صب ركب معاه سماعات محترمة عشان حتى ولو معرفتش تفصل البيز منها بشكل نهائي تبقى السماعات محترمة وماتعملش Noise على الدرجات العالية للصوت

بص لو قصدك في عدد الEQ Band هيه عدد الColumns الي بتحكم فيها في ال custom EQ
فهما تقريبا على ما اتذكر 7

HPF / LPF واضح انهم هيبقوا للصب اكنتر وانا مش ناوي اجيب صب علشان الشنطة للاسف زي عندك كده

فابالنسبه للجي ام البايونير الي نازل فيه الاوبشن دي هيفيدني لو هركب صب بس علشان فيه HPF / LPF
ولا ليه تحكمات تانيه او هيفرق في حاجة تانيه علشان ما ادفعش فيه فلوس مادام مش هجيب صب؟

بس بجد معلومات كويسه انا ماكنتش عارفها خصوصا HPF / LPF انا كنت فاكر الموضوع في الصب ابسط من كده

المشاركة الأصلية كتبت بواسطة Ahmod

هو انا ماقصدش الانظمة بتاعة ال EQ اللى بتبقى نازلة Default اللى هي (Gravity - space - vocal - ... etc _)

انا اقصد لما بتدخل على ال Custom EQ بتقدر تتحكم في كام Band !! ؟؟

بالنسبة للجي ام فانا نصيحتي ليك انك لما تحب تجيب صب لازم تجبله جي ام لوحده ياخد طاقته كلها !! ده في حالة لو هتركب صب محترم

اما انك تركب سماعات وصب على نفس الجي ام يبقى لازم صب متوسط الاداء عشان هيبقى حرام انك تجيب صب شديد ويتركب على جي ام ضعيف ماتعرفش تستفيد من طاقة الصب كلها او مش ضعيف بالمعنى المقصود لكن انت كدة اكنك بتقسم قوة الجي ام على حاجتين (صب - سماعات)

يعني انا الصب اللى ركبته عندي ركبتله جي ام بايونير 820 وات للصب فقط

ولما كنت موطي الجي ام وبعد كدة عليته واديت للصب طاقة الجي ام كلها !! قوة البيز فرقت جاامد جدا

وصدقني طالما دخلت في قصة سماعات وجي ام هتجيب صب عاجلا ام اجلا !! اصله ادمان بعيد عنك !! ؟ وهتقول طب مادفع بقى زيادة حبة واخد بيز محترم !! ؟ وطالما دماغك دخلت في كدة يبقى مش هتخلص وبعد ماهتجيب الصب هتجيب صب اعلى واعلى وهكذا لحد ماتعتزل المجال كله

يعني انا مثلا قلت هجيب صب وجي ام للصب وهسيب السماعات زي ماهي حلوة ورضا على كدة !!

بعد ماجبت الصب قلت لا مانا اغير بقى السماعات عشان اسمع صوت نقي والعدة تبقى كملت

ومتاكد بعد ماهجيب السماعات هقول طب ماجبلها بقى جي ام عشان اخد صوت اعلى وهكذا

لا لا يا باشا انا عارف الDefault دي عندي الي هيه Rock & Jazz .....etc

فيه بقى واحدة Custom بيتعدل فيها 7 حاجات بعلي واوطي كل حاجة فيها فوق الخط وتحت الخط
(الي هيا تقريبا اخر واحده في الشمال مخصصة للبيز) وكل واحدة بيبقى مكتوب عليها MHz تقريبا زي 1000 MHz كده


----

انا عارف انه ادمان .... انت عارف لو مش محتاج الشنطة كنت جيبته وش بس انا هبتدي بدول كده الاول وممكن ... ممكن يعني اجيب الصب واشيلة في السفر علشان الشنط بس اشتري الاول السماعات والجي ام واشوف الحوار هيخش دماغي اد ايه

---

قولي ايه رأيك برضه في السيناريوهات الي انا كاتبها

المشاركة الأصلية كتبت بواسطة Ahmod

لو انت بتسافر كتيير يبقى فعلا الصب هيعملك مشكلة !! اما لو انت زي اغلبية الناس مثلا اللى هو يسافر في الصيف مرة ولا مرتين سعتها مش مشكلة ممكن تشيل الصب من الشنطة

اما بالنسبة للسيناريوهات فانا رايي ان حضرتك تشوف الفرق في السعر مابين الجي ام ال 2 شانيل واخوه ال 4 شانيل

لو الفرق في السعر بسيط يبقى تيجيب ال 4 شانيل وانت مش خسران حاجة !! اصلا ممكن تركبه على السماعات اللى ورا بس وبعدها تركبه على كلو وتقعد تجرب لحد ماتوصل للصوت اللى انت عايزه

اما لو الفرق في السعر كبيير - ولو اني اعتقد ان الفرق مش هيبقى اكتر من 150 جنيه -

سعتها شوف انت عايز صوت شديد هتضطر تجيب ال 4 شانيل عشان تحط السماعات كلها عليه

غير كدة ال 2شانيل وتحط السماعات اللى ورا عليه وتسيب اللى في الابواب وممكن توطيها بحيث يكون معظم الصوت طالع من اللى ورا

والابواب مجرد بتديلك بس Surrounding للصوت لان اللى اتعود يسمع صوت من سماعات ابواب وسماعات خلفية

لما هتيجي تفصل سماعات الابواب وتركب الخلفية فقط هتحس ان الصوت جاي من ورا بس وهتضايق !!

الفرق 250 جنية في كلاريون
و40 جنية كمان للوصلات

---
وبما انك ابتديت تلعب شوية في دماغي لأني بسافر مرتين تلاتة زي كل الناس


فأنا ممكن اجيب ال4 تشانل دلوقتي حتى لو من غير صب وبعد كده اركب صب عليه لما افكر فية

ولا الاحسن يبقى الصب ليه جي ام لوحده


وفي سؤال للجي ام ال4 تشانل

لو انا هجيب جي ام 350 ال2 تشانل علشان اقوم سماعات كين وود دبل بيز 400

هل لو هجيب ال4 تشانل لو 350 وات برضه هيقوم 4 سماعات لو فرضنا انهم كلهم 400 وات برضه ولا ليها حسبة تانية !!!!!!!!!