أهم 50 صفة للرجال تعشقها النساء!

**Ghosts** · 14-07-2012 12:05 AM

المشاركة الأصلية كتبت بواسطة screenplays

ال 50 صفه متوافرين فيا الحمد لله : )

حمد اللة على السلامة يا صاحبى ....

**Screenplays** · 14-07-2012 12:08 AM

الله يسلمك و شكرا علي الموضوع اللي عملته في قسم الاستفسارات

**Ghosts** · 14-07-2012 12:13 AM

المشاركة الأصلية كتبت بواسطة screenplays

الله يسلمك و شكرا علي الموضوع اللي عملته في قسم الاستفسارات

العفو يا حبيب قلبى ....
دى أقل حاجة أعملها و خصوصآ لما ألاقى أن الكلام اللى قلتة مكانش يستدعى أنك تتوقف ....

بس أنا أكتشفت حاجة يا أحمد يا خويا ....
أكتشفت أن فى ناس بيحبونا حب ....
يا نهار أحوس ....

**Screenplays** · 14-07-2012 12:16 AM

انت هتقولي

عموما سيبهم يتسلوا

ليهم يوم يا معلم

**Ghosts** · 14-07-2012 12:23 AM

المشاركة الأصلية كتبت بواسطة screenplays

انت هتقولي

عموما سيبهم يتسلوا

ليهم يوم يا معلم

ولا بيحصلهم حاجة يا أخى مهما يقولوا ....
جتنا نيلة فى حظنا الهباب ....

**Screenplays** · 14-07-2012 12:28 AM

لا هباب و لا حاجه

يكفي اننا محترمين و كل الناس عارفه كده

و الناس ليها عقل تفكر و تحكم مين الصح و مين الغلط

**totaa** · 14-07-2012 12:42 AM

المشاركة الأصلية كتبت بواسطة me_medoo

@@@@@@@@

بس طبعاً لكل قاعدة شواذ ... في ستات لا يهمها كلمة حلوة ولا حنية ولا بتنجان ازرق ... كل الي يهمها معاك كام ...
بس انا بتكلم عن الاغلبية محتاجين كلمة حلوة كده وطب طب عليها وتواسيها وتمدحها وتتغزل فيها ... بس متكترش غزل ... لأنك لو كترت وجيت قللت مقدار الغزل هتقلك انتا مبقتش تحبني زي زمان وتبتدي المشاكل .

@@@@@@@

وتحياتي

سلام الله عليكم ورحمته وبركاته

يعني مع إحترامي لكل اللى اتقال إسمحلي بس هعلق على الجزأية دي فقط:ـ
ممكن زي ما بتقول إن الكلمة الحنينة والرقيقة منك بتخليك تملك قلب البنت وبتخليها تتغاضى عن حاجات كتير ممكن تكون مهمة ..لكن خد بالك البنت الذكية بتعرف تفرق كويس جدا بين الكلمة اللى خارجة من القلب وكلها حب ومابين الكلمة اللى بتتقال عشان ترضيها وتخليك تقرب منها..
وبالتالي فبمرور الوقت هتكتشف إن ده كدب أو صدق ..لو صدق يبقى عديت يا بطل
ولو كدب يبقى لو غنيت كل أغاني كاظم وتامر مش هتصدقه ويبقى يا ويلك يا ظلام ليلك ههههههه

أما بالنسبة لمحل الحلويات اللى حضرتك إتكلمت عنه واللى كان بيبيع مرة ملبن ومرة كريم كرامل ومرة قشطة ومدري شو كمان أيوة وعسل ...كوووووووووووول ده فااااااااااااااااااااني وزايل ومش هيدوم بتقدم سن اي زوجة وقتها بقى هتعمل ايه؟ هتطلقها؟ هتدور على غيرها؟
عشان كدة الناس بتدور على الروح وخفة الدم حتى لو مع جمال متوسط تبقى ضمنت جمال حقيقي
صعب يزول ...ومش معني كلامي إن الجمال مش مطلوب أبدا لكن مش هو المعيار

تحيتي واحترامي

توتاااااااا

**TARAXAN** · 14-07-2012 12:47 AM

المشاركة الأصلية كتبت بواسطة totaa

سلام الله عليكم ورحمته وبركاته

يعني مع إحترامي لكل اللى اتقال إسمحلي بس هعلق على الجزأية دي فقط:ـ
ممكن زي ما بتقول إن الكلمة الحنينة والرقيقة منك بتخليك تملك قلب البنت وبتخليها تتغاضى عن حاجات كتير ممكن تكون مهمة ..لكن خد بالك [bor=#ff0000]البنت الذكية[/bor] بتعرف تفرق كويس جدا بين الكلمة اللى خارجة من القلب وكلها حب ومابين الكلمة اللى بتتقال عشان ترضيها وتخليك تقرب منها..
وبالتالي فبمرور الوقت هتكتشف إن ده كدب أو صدق ..لو صدق يبقى عديت يا بطل
ولو كدب يبقى لو غنيت كل أغاني كاظم وتامر مش هتصدقه ويبقى يا ويلك يا ظلام ليلك ههههههه

أما بالنسبة لمحل الحلويات اللى حضرتك إتكلمت عنه واللى كان بيبيع مرة ملبن ومرة كريم كرامل ومرة قشطة ومدري شو كمان أيوة وعسل ...كوووووووووووول ده فااااااااااااااااااااني وزايل ومش هيدوم بتقدم سن اي زوجة وقتها بقى هتعمل ايه؟ هتطلقها؟ هتدور على غيرها؟
عشان كدة الناس بتدور على الروح وخفة الدم حتى لو مع جمال متوسط تبقى ضمنت جمال حقيقي
صعب يزول ...ومش معني كلامي إن الجمال مش مطلوب أبدا لكن مش هو المعيار

تحيتي واحترامي

توتاااااااا

**Screenplays** · 14-07-2012 01:10 AM

واضح وذو نظرة مريحة

واضح بس نظرتي مش مريحه في بعض الاحيان ... في ناس بتقول ان عينيا مفيهاش تعبير ... مش فاهم

مقبل على الحياة وواثق من نفسه

واثق بس مش مقبل علي الحياه اليومين دول

طول القامة

180 سنتي و الحمد لله

قوة البنية والعضلات المفتولة

احم ... هي دي اللي انا ضايع فيها ... مبستحملش اكمل في اي جيم ... مكان خنيق

خفة الدم والمرح

الحمد لله موجود بس بحساب

الذكاء و البراعة

موجود و الحمد لله بس لما يكون الواحد مزاجه رايق

الخبرة

خبره في انهي مجال بالظبط ؟

الغني

كنا كذلك و سوف نعود بعون الله قريبا

التواصل الجسدي

استغفر الله العظيم

الشجاعة

الواحد اظهر شجاعه متناهيه ايام الانفلات الامني

الإبتسامة الجذابة

موجود و الحمد لله بس لما يكون الواحد مزاجه رايق

التركيز في العمل

كنا كذلك

العزف على آلة موسيقية

اوبس ... مليش فيه بس صوتي حلو في الحمام

الأناقة

عندي شويه بدل تصميم دولتشي اند جابانا ... حكايه

الصوت العميق

بعمل عن تعميقه قدر الامكان

رائحة العرق

ايه القرف ده ؟

القيادي والمسيطر

موجود و الحمد لله

الرجل الذي يحب الأطفال أكثر جاذبية

مبحبهمش علي الاطلاق ... مجرد شياطين صغيره ... بس بعمل نفسي بحبهم و بعمل اسبك الدور صح

الرجل الذي يظهر اهتمامه

موجود بس بزياده و ساعات بيبقي مفيش خالص ... مفيش حل وسط

الرجل المنفتح إلى حدود المعقول

الحمد لله موجود و لا داعي لتربسه الدماغ

الإيجابية

بكافح عشان ابقي ايجابي

الكرم

الحمد لله ... مسرف

الأظافر

ما نحط مونيكير بالمره ؟ هما يتقصوا و هيبقوا زي الفل

طول الشعر

عامله زي توم كروز

الشعر الشائب

عندي كام شعره بيضه

الأسنان

بغسلهم بسيجنال تو

صاحب البشرة السمراء

تمام ... مش زنجي

الرجل الرومانسي

موجود بس يا رب يتمر

العاطفي

مش موجود للاسف بس بحاول اتحسن

البراءة

في ناس بتعتبرها عبط ... متنفعش البراءه

الاستقامة

الحمد لله ماشي علي الصراط المستقيم

الرزانة

تقيل بس ساعات ببقي ماسخ

الغيرة

موجود و الحمد لله

ان يحبها لذاتها

بعمل كده و الحمد لله

الوفاء

موجوده و الحمد لله

الشخصية القوية

الحمد لله بس ساعات ببقي غتت

المؤمن

كلنا مؤمنين

الشهامة

موجود بس الجري نص الجدعنه برضه

الصراحة

الحمد لله بس ساعات بتقلب بوقاحه

غير التقليدي

طول عمري مميز و الحمد لله

الرجل الدبلوماسي

خبره 25 سنه في الكلفته

سريع البديهة

الواحد له لحظات غباء برضه

الثابت

الحمد لله ثابت

الانتقائية

مش فاهم

أن تكون منافس

كده بس لو مجال انا بحبه

التواضع

الحمد لله متواضع

أن تكون نفسك

بعمل كده تملي

**totaa** · 14-07-2012 01:11 AM

المشاركة الأصلية كتبت بواسطة Ghosts

بس هيفيدك ومش هتندم لو قريتة ....
أهى محاولة لأرضاء الستات اللى مفيش حاجة بترضيهم أبدآ ....

سلام الله عليكم ورحمته وبركاته

جوست...إختيارك مميز ومش علشان محاولة لإرضاااء الستات والبنات وكدة ...أبداً
لكن عشان جميل جدا وبه عرض مفصل لمعظم الصفات اللى بتحبها البنات أو الستات .
ولكن لكل مرأة طبيعتها وشخصيتها اللى على أساسها بتختار شريك حياتها ...
فمتهيألي لو كان الموضوع جه كإحصاء لإيه أهم الصفات اللى بتعجب البنات فى كل ده أكيد كان يبقى أفضل...وأنا عن نفسي فيه سمات اساسية صعب أحيد عنها فى الرجل اللى ممكن ارتبط بيه
آآآآآآآآآآآآآآآآخرهم الفلوس ومعاه ايه وكام ....عشان بس تبطلوا تظلموا البنات وما تعمموا
لكن بالترتيب هى:ـ
ملتزم وبيراعي ربنا
عنده شخصية وصاحب قرار
روحه مرحة يعني بشوش ومش معقد
بيتهم بنفسه جدا وبأناقته
غيووووووووووووووووووووووو وور
يحترم عقلي ويتناقش ولا يستبد برأيه
يكون فيه شىء مشترك بينا ( عشان نخلق منه بعد كدة لغة تواصل وتفاهم بينا)
متواضع وإجتماعي
............
لكن أكثر ما يقهرني من الراجل شوية صفات مستفزة:ـ
الجدال...لا لشىء أكثر من إنه راجل ورايه هو الصح وبس
الغبااااااااء... ومش غباء تفكير وعقلية لكن تعامل وحسن تصرف
البخل... والجهل ... الغرور
أن يكون بااااااااااااارد كل حاجة عنده عاااااااادي ومش مهم
منطوي على نفسه وكئيب

وكفاية أحسن بدأت اضايق ههههههههههههه

مرة تانية شكرا يا جوست وموضوع فعلا مميز كباقى موضوعاتك

تحيتي واحترامي

توتاااااااا