نسيت اكملك : بيقولوا عن الانترا برضه بتعوم اكتر من 140 و عن الكرولا عبد اللطيف جميل بيلعب فى مواصفاتها يشيل حاجات يبيعها كقطع غيار اصلى ويحط صينى زى الراديو الدواسات حاجات كده
نسيت اكملك : بيقولوا عن الانترا برضه بتعوم اكتر من 140 و عن الكرولا عبد اللطيف جميل بيلعب فى مواصفاتها يشيل حاجات يبيعها كقطع غيار اصلى ويحط صينى زى الراديو الدواسات حاجات كده
بصراحة حرام اي عربية ب 100 الف او اكتر تبقي من غير مواصفات امان
حل وسط : هات اكسنت ار بي فيها فئة ب اير باج واحدة + abs ب 111 الف و شكلها احاي من الصني بكتير بس اقل ثباتا علي الطريق و ده حال الالنترا
ربنا يوفقك لما فيه الخير قرار شراء سياره جديدة عامل زي قرار الجواز !!!!!
او السيراتو الجديدة كاملة من كلة بجنوط16 بكل حاجة ب 125الف الخليجى
او فئة الوكيل اللى بجنط 16 وايرباج ب 126 تقريبا
وعلى فكرة الامبوبيليزر بقى اساسى فى كل فئات السيراتو
اللي مستغربه جدا ...... ان الاستطلاع زيادة بحوالي 60% لصالح الصني
بالرغم من ان العربية لسه نازلة و الالنترا منتشرة جدا
واعتقد السبب الرئيسي للموضوع ده سمعة الصني اللي خدته من زماان علي مر السنين اللي فات
+ وعي الناس بوسائل الامان وده انا بحترمه جدا جدا
+ وعي الناس بقيمة العربية وده شيء محترم
+ اتمني ان نيسان دلوقتي تكون فرضت علي الشركات ان عربياتها تنزل بوسائل امان افتراضي
ده مش مدح لاي عربية ....... بس انا شايف من كلام الناس كلهم ان فيه فكر جديد دلوقتي وبدأ يتنتشر الحمد لله
مش المهم الشكل علي قد القيمة السعرية للعربية
وده اللي كان نفسه اسمعه من زمااااااااان
وربنا يصلح حالنا يارب العالمين
تيدا وابلع شكلها
الانبهار بالشكل مش اساس اختيار في العربية
لو مقتنع بالالنترا يبقى حاول تتصرف فى فرق المبلغ و هات الفئه اللى فيها ايرباج و abs وخاصه انك مش هتدفع مبلغ قليل يعنى فخساره بعد كل ده ما تجيبش فى الاخر الحاجه اللى انت عايزها و لو الفرق بعيد و مفيش امل يبقى هات الصنى و هى مش وحشه برضه و ممكن تفكر فى الكارينز (لو مش فارقه معاك حكايه ان شكل جديد هينزل منها فى ٢٠١٣)
بسم الله الرحمن الرحيم
مش حقدر ازيد على الكلام اللي في الموضوع غير ان حضرتك كان شبه استرقيت على الصني و بعدين ترددت تاني
اهم حاجة تستقر على اختيار ينسابك مش يناسب اذواق الناس
واغلب الاراء كانت ميالة للصني بس برضو لازم تختار حاجة على احتياجك انت
كتير مننا دلوقت بقي بيبصص لعوامل الامان بغض النظر عن طبيعة استخدامه للعربية . ببساطة كده لو انت بتسافر علي طرق سريعة وليك في الشد والسرعات يبقي متتنازلش عن abs عالاقل .... انا شخصيا اميل للصني ( شكلها معقول ) ده غير ان امكانياتها اعلي بكتير من الانترا وسعرها ارخص ومش بس كده دي كمان ياباني ....... صلي استخارة وربنا هيوفقك ان شاء الله
هه يا كبير استقريت علي ايه ؟
اديها واحدة جين 2 حمراء - اخر رواشة و فيها كل عوامل الأمان
حبيت اساعد بس
راي صني وتوكل علي الله ..
خليك فى الالنترا تكسب
السلام عليكم ورحمة الله وبركاته
تخيل حضرتك انني والله العظيم كنت داخل أعمل موضوع عن أفضل سيارة في حدود ال 100 الف .... و حيرتي مثل حضرتك تماما ..... لكني والحمدلله بعد القرأة للموضوع قررت الآتي :
1- اشكر كل السادة الأفاضل الذين شاركو في الموضوع ... و خاصة اخي الاستاذ احمد سامي و الاخ الفاضل د / اشرف
2- سوف اصلي استخارة على الصني .
3- انا كنت داخل متردد بين : صني و أكسنت و تيدا ..... طبعا كلهم abs و ايرباجز و اتو ؛ علما بان الالنترا لم تدخل معي ابدا ؛ لانني عملي و هاوي و ركبت عربيات كثير في اوربا .... و للعلم الاكسنت هي المنتشرة في اوربا اما الالنترا نادرة .
شكرا لكم اخوتي الافاضل ؛ و اقول لأخي المحتار :
اذا كنت ذا رأي فكن حازما ........ فإن فساد الرأي أن تترد
ان كان مبلغك تحت ال 90 هات افيو الجديدة وان كان 100 هات صني و ان كان فوق ال 100 هات تيدا .أفضل من الاكسنت .....
و يسعدني اقتراحتكم على الخاص او العام .
دمتم بكل خيرررر
الله يا افندم انا ف حيرة بقالي 3 شهور في عربية في حدود 90 -100 الف
الصني الجديدة مش بالع شكلها خالص
الجين عاجبني شكلها و امكانيات الأمان بس ضيقة من ورا + و من جوا مش شيك + وجودي في كفر الشيخ بعيد عن التوكيل و قطع الغيار مقلقني منها
الأكسنت كتير فيها فوق 100 الف - فيها فئة ب 112 فيها ايرباجز و لا abs بافكر فيه بس مش مقتنع قوى + صاجها ضعيف
بشوف كسر زيرو بقالي 3 شهور : تيدا او فلوانس او لانسر شارك بس مش لا قي
ربك يكرم ---موضوع محير جدا
قريت التعليقات باهتمام ونفسي بقى اعلق انا كمان
أنا رايي ان حضرتك يااستاذ حسام في داخلك وربمل في اللاوعي مش عاوز تفوت الصني وحاسس انها حلوة وفيها مزايا وبسعر مناسب جدا علشان كده حطيت الالنترا الي مافيهاش واسئل امان ب 128 رغم ان الي ب 131 فيها شوية وفرق السعر مع التقسيط ولا حاجة، وفي نفس الوقت خايف تجيب الصني وتحس انك فوت الالنترا ماعرفش انا ليه باحلل نفسيا ويمكن اكون غلط بس علشان انا دكتور ودي طبيعتنا
نيجي للمهم
الصني مش صفقة لا يجب تخطيها هي صحيح حلوة وبها مزايا بالنسبة لسعرها تكسب منافسيها لكن لو فرق السعر حضرتك خلاص تغاضيت عليه يبقى الالنترا تكسب وخليها الي ب 131 مش هتفرق طب ليه تكسب
شكل اشيك كتير وافخم صالون اوسع مش اضيق خلي بالك شوف عرض الصالون هنا وهنا مش بس الطول وسحب افضل من الصني 1600 (جربتهم) مابالك 1500 المتوقع وسعر اعادة البيع افضل بكتير بصراحة انا باعتبر الالنترا كاتيجوري تاني لا يقارن بالصني ممكن بالتيدا اوك
معلش طولت بس حضرتك دايما مشاركاتك مابتبخلش على حد بيها
باختصار لو الفلوس مش فارقة يبقى الالنترا 131
ربنا يوفقك فيما فيه الخير لك
تقبل تحياتي
الموضوع مش محير أوي كدة, انت بتتكلم على عربيتين فرق السعر بينهم 30000. لو سعر الالنترا مش مشكلة بالنسبالك, يبقى ماتتردتش والالنترا أحسن طبعا, كفاية شكلها الثوري, واللي انا بأعتبرها من أجمل العربيات اللي ممكن تشوفها في الشارع. العربية دي فعلا رفعت سقف تقييمنا لل design بتاع العربيات, واللي زيها السيراتو الجديدة جاية في السكة. انا عارف ان الشكل مش كل حاجة, بس برضه مهم في التقييم.
لو فرق السعرمش فارق أكيد الالنترا افضل سياره في امريكا حسب تقيم معظم المجلات ,صني مفيش فيها حاجه ياباني ماعدة الموتور بس العربيه تم تطويرها لتكون بسعر رخيص و معظم مكونتها صيني غير كده واخده أسوء عربيه
انت اكيد شوفت اختبارات الامان بتاعت الصنى والالنترا ..
انا فى رأى توكل على الله وهات النترا على الاقل افخم من الصنى واشكل من جوا احسن بكتيييير ومن برا كمان
انا طبعا متكلمتش كمان على موتور وفتيس ولا اى حاجة
معلش أنا ليا رأي في موضوع المقارنة دي. لو افترضنا ان حضرتك اخترت النترا عشان الشكل لييه نسبة من تحديد الاختيار, حييجي وقت بعد سنة أو 2 و حينزل النترا جديدة و شكلها أشد و جذاب جدا فا ساعتها حتلاقي عينيك راحت لي الشكل ده.
انما لو اخترت سيارة فيها امكانيات و عوامل أمان و شكل انت مستريحلو. أعتقد ان ساعتها مفيش حاجة حتخليك تندم علي اختيارك.
و أكييد انت أولى بفرق السعر
سبحانك اللهم وبحمدك ، أشهد أن لا إله إلا أنت أستغفرك وأتوب إليك
باشا لان حضرتك كما ذكرت مش مستريح لشكل الصني ..... اذن توكل على الله وهات النترا ... و انهي الموضوع ... لانك ان استمرت في هذا التردد مش هتتهنا لا بالصني و لا بالالنترا .....
شكرا و بالتوفيق
من راى بدل الحيرة توسع دائرة الاختيار علشان تريح نفسك اكثر لانك مقتنع بامكانيات لسيارة عن سيارة وشكل عن شكل
الموجود فى نفس فئة الصنى وياريت لو تركبها بنفسك شيفورلية سونيك - كيا ريو ومقبولين وفيهم عوامل امان وكماليات وتقفيل شايفة افضل من نيسان بمراحل خاصة السونيك عن تجربة شخصية عجبتنى جدااا وافضلها عن الريو او الاكسينت
اما فى فئة الالنترا المقارنة صعبة لانها حجما وشكلا افضل من الصنى طبعا وليست بنفس جودة التقفيل
نصيحة متشريش سيارة مش مقتنع بيها او لشكلها فقط واهمال الباقى وافضلك تشوف السيارات الذكرتها على الطبيعة وان شاء الله ربنا يوفقك للافضل
يا باشا انت استقريت علي ايه بعد المشاركات دي كلها ؟
المناسب ليك نفسيا هو الالنترا ...هاتحس انك عملت حاجه جديده..ولو فكرت تبيعها واتزنقت في فلوسها هاتلاقيها ماسكه سعر اكتر من الفئات التانيه( المفروض كده صوت العقل يهدي شويه)...:)
انا شايف انك تشتري النترا الفئة اللي فيها abs وايرباج.انا ركبت الصني اللي قبل الجديده دي وعزمها مش قوي ولو ضغطت بنزين قوي الموتور صوته بيرتفع جدا واستجابته مش حلوه فتخيل بقي الماتور الجديد 1500 سي سي.
وقريت بعض الأعضاء اللي بتقول الصني ياباني____> فين ده؟ دي بتنزل من الهند ياإما بتتقفل في مصر يبقي فين الياباني ده.
وعلي فكره في الكويت لما رحت سألت عليها البياع المصري هناك قالي ان لا فيها abs ولا ebd فيها بس جنوط 15 وجناح خلفي
الاتنين حلوين بس الفكرة فى الامكانيات
لو تقدر على زيادة المقدم بدون تفكير هات الالنترا لانها ببساطة احسن
لو هتلاقى نفسك حاسس انك دافع زيادة يبقى هات النيسان و هتبقى مبسوط ان شاء الله
أستاذ حسام ..
كل سنة و أنت طيب
انا فضلت الألنترا عن الصني للاسباب التالية :
1- الشكل الخارجي أفضل
2- صالون مريح و تابلوه عصري عن الصني الفقيرة جدا في التابلوه
3- أستهلاك الالنترا في البنزين أقتصادي جدا مع قدرة محرك عالية
4- نعومة عفشة و ثبات جيد جدا علي الطريق
5- تحكم عالي جدا في القيادة بفضل نظام الباور المتميز في الالنترا خاصة في السرعات المنخفضة و اليوتيرنات و الركنات
6- ده غير سعر أعادة البيع المرتفع
نيجي بقي لنقطة مهمة :
لو أنت هاتدفع 3000 جنيه زيادة في الالنترا علشان فتحة سقف فقط يبقي وفرهم و هات الفئة الاولي لكن لو عايز وسائل امان يبقي هات الصني أو زود شوية و هات الالنترا الفئة اللي فيها وسائل أمان
كمان انا من رأيي تصبر شوية لحد مانشوف السيراتو الجديدة و الالنترا 2013 و كمان الاكسنت hb لو نزلت
تسلم على التقييم والمساعده يا بشمهندس سمير
انا اذا جبت النترا فتحة السقف عندى من ضمن نقاط الاختيار الفتحه بتعمل شكل داخلى جميل وخارجى كمان
والالنترا 2013 نزلت بلفعل والتغيرر فى المريات الضم وتغيير بعض الفئات مفيش اى جديد تانى
والسيراتو الجديده مبدئيا ومن خلال الصور والفيديو المسرب مش حلوه ومحستهاش تشدنى زى الالنترا+ ان الالنترا دلوقتى متجربه تمام وواخده تقييم لكن السيراتو لسه حستنى سنه على الاقل عشان اعرف اخبارها ايه ...
اما الاكسنت الهاتش باك فبرضه انا مش بالع السيدان ومش بالع الهاتش لا شكلا ولا مضمون داخليا وخارجيا وحرام الواحد يشترى فوق الميه فئه كانت من سنتين اعلى حاجه فيها كانت بــ 90 الف
تحياتى ليك وللاخوه
معلش انا برضه محتار زيك في النسيان صني ياترى فكرت في الفلوانس اول فية اتوماتيك ب 132 الف
ياجماعة انا دايما بالاحظ كل ما الالنترا والسيراتو يطرحوا يتم تقديم الفلوانس على الترابيزة
ومع احترامي لرأي جميع الزملاء الي بيطرحوا الفلوانس انا عاوز اقول حاجة
الفلونس قصة تانية مختلفة تماما عن الالنترا والسيراتو
الفلوانس تركي صالون فخم وثبات عالي صحيح
لكن سحب بطيييء خاصة في الطلعة وتكييف ضعيييف ده غير قطع غيار مرتفعة نسبيا ومش منتشرة وسعر اعادة بيع في الضياع
ودي نقاط مابيحبهاش الي عاوز يركب الكوري والياباني
صحيح ليها ركابها
لكنها عربية لا تناسب من يطرح الكوري والياباني للاختيار
على فكرة انا في خطتي خلاص أغير للالنترا بعد سنة واخلص من التنطيط والبلالين بتاع السيراتو بيحسسوني اني رجعت حضاانة تاني ههه
تقبلوا تحياتي
الفلوينس فعلا ليست بديل للالنترا أو السيراتو لأنها حاجة و العربيتين الكوريتين حاجة تانية خااااالص .... دي نقطة أحييك عليها
اما موضوع التغيير من سيراتو لألنترا أنصحك تنتظر لحد ماتشوف السيراتو الجديدة 2013 شكلها هايكون أفضل من الالنترا و بنفس محرك الالنترا و عفشة خلفية ملتي لينك و أحتمال باور كهرباء
كمان أنتظر لما تشوف اسعار الالنترا 2013 والسيراتو 2013 هاترسي علي ايه
أشكركم على تقديركم
فعلا هادرس السيراتو الجديدة والالنترا الجديدة برضه يمكن يكون فيها فرق وانا منتظر كده كده شوية
بس الحقيقة أنا زهقت من العفشة الناشفة والبالالين وبطلت اتكلم عن السيراتو
ده غير اني لمست فرق واضح بين تكييف الهيونداي والسيراتو عموما وانا باحب التكييف يكون تلاجة الحقيقة
بس برضه هأخد بنصيحتكم الكريمة
تقبل تحياتي
ايه يافندم إنتا استقريت علي ايه
انتا بقالك تقريبا كده شهر ونص
عايزين نعرف قرار حضرتك ايه؟ولا لسه بتفكر؟؟؟؟؟
و الله انا عاوز اساعدك باى طريقة و حاسس بحيرتك فعلا بس لو انا مكانك هتوكل على الله فى النيسان صنى بعد صلاه الأستخارة طبا خصوصا ان فيه فرق 30 الف جنيه مرة واحدة يعنى فرق كبير طبعا خصوصا ان المبلغ دة هيزيد بشكل ملحوظ جدا لما تقسط !!
و انا رأيى طالما حتى هتجيب نيسان صنى تقسيط برضو يبقى بلاش لأنى مبحبش التقسيط غير كدة هتبقى خايف جدا على العربية و انت راكبها لغاية مـــــــــــــ القسط بتاعها يخلص !!
لو معاك 72 الف جاهزين دلوقتى من غير قسط هاتلك واحدة افيو هاف ابشن و خلاص و اهى وسيلة و السلام و تغنيك عن المواصلات و فى نفس الوقت هتبقى راكب عربية حديثة و زيرو برضو ..
و لكـــــــــــــــــــــن لو هتقسط فيستحسن تخليك فى الصنى لأن الفرق بين العربيتين ميستحقش 30 الف خــــــــــــــــــالص ..
و بالنسبة للأخوة اللى بتقول ان موتور الصنى 1500 هيبقى اضعف من الموتور القديم احب اقوله ان الفولكس باسات كان موترها 1.6 و دلوقتى 1.4 فالأمور مبتتحسبش كدة و يا ريت تصبر شوية لغاية مــــــــــ العربية تتجرب علشان تقدر تتعرف على عيوبها بجد لأن لازم العربية تمشى على الأقل 3 سنوات لغاية معيوبها تبان و ربنا يوفقك فى اختيارك يا رب و تقبل خـــــــــــــــــــالص تحياتى ...