انا فى حيره نيسان صنى الجديده 2013 اوتوماتيك ولا النترا تانى فئه اوتوماتيك + فتحة سقف

انا حاجز نيسان صنى 2013 على قد فلوسى بس ربنا كرم وكله بفضله ونعمته بمبلغ زياده فداخله فى دماغى من الاول الالنترا قبل النيسان ماتظهر فى السوق لانها شكلها مبهر جداا وكمان واخده تصنيف عالمى ومحرك قوى وصالون واسع واقتصاديه فى البنزين زيها زى النيسان وفتيس تبترونيك بس للاسف حفقد الميزات الى فى النيسان من ABS+ EBD+ BA + امبوليزر + توكيل قوى نسبيا لنيسان مقارنه بغبور والشكل كاساس فى الاختيار طاغى عليا اعمل ايه ؟؟


مع العلم انى حدفع مقدمه كبيره نسبيا للنيسان وحيزيد شويه للالنترا والقسط الشهرى هو هو مفيش زياده فى الحالتين ومقسط من بنك ناصر

وعلى فكره مفيش استعداد لانى اطلع بلفئه دى اعلى من كده يعنى مقدرش ازود تانى فوق المبلغ ده عشان اجيب العربيه بإيرباج او abs

يعنى المشوره بين الاتنين دول بس فقط لاغير

انا فى حيره نيسان صنى الجديده 2013 اوتوماتيك بـــ 100000


ولا النترا تانى فئه اوتوماتيك + فتحة سقف بــــ 127000

شارك فى الاستطلاع وشورو عليا

الالنترا احلى في كل حاجة
تسارع وفتيس وخامات تقفيل وشكل ويمكن ثبات مع ان ال 2 زي بعض في دي
والكويس في الصني هو الامان والفرامل
شوف انت مرتاح لايه لان في الاخر اللي معاه هيونداي هيقولك النترا واللي معاه صني هيقولك صني
ولو حابب التميز دخل معاهم الفلوانس في المقارنة

وعلى فكره الالنترا معمول عليها خصم 1250 عند موزع فى طنطا

يعنى حتبقى بــ 125750 جنيه

اقتباس:

---

المشاركة الأصلية كتبت بواسطة eng f3lix

الالنترا احلى في كل حاجة
تسارع وفتيس وخامات تقفيل وشكل ويمكن ثبات مع ان ال 2 زي بعض في دي
والكويس في الصني هو الامان والفرامل
شوف انت مرتاح لايه لان في الاخر اللي معاه هيونداي هيقولك النترا واللي معاه صني هيقولك صني
ولو حابب التميز دخل معاهم الفلوانس في المقارنة

---

الفلورنس لا بقبلها شكلا ولا موضوعا

كفايه سعر اعاد البيع فى الارض

لو عاوز وسائل أمان ووسع رهيب واعتمادية واقتصادية في البنزين يبقى الصني.. لو عاوز شد وجري تبقى الالنترا

اقتباس:

---

المشاركة الأصلية كتبت بواسطة mohamed_hamada

لو عاوز وسائل أمان ووسع رهيب واعتمادية واقتصادية في البنزين يبقى الصني.. لو عاوز شد وجري تبقى الالنترا

---

من ناحية الوسع اعتقد ان الالنترا نفس وسع الصنى من حيث السعه اللتريه للصالون

والاعتماديه لليابانى مفيهاش كلام

بس الهيونداى بقت اعتماديه جداا والخليج يشهد بكده

اما من ناحية البنزين فتقريبا واحد

الصنى بتعمل من 5.7 الى 6.5 تقريبا

متوسط على الطرق السريعه وداخل المدينه

الالنترا بتعمل من 6.1 الى6.7

متوسط على الطرق السريعه وداخل المدينه

يعنى الفرق مش كبير

بعيد عن السياسة ومشاحنتها ياحسام باشا :-))))

انا صوتت للالنترا عشان كنت فاكر فيها abs

لو تعرف تجبها فى abs حتى لو خليجى وضمان تريبل A يبقى ممتاز لو معرفتش يبقى ابلع تصميم وخامات الصنى واركبها

اقتباس:

---

المشاركة الأصلية كتبت بواسطة ashouhdy

بعيد عن السياسة ومشاحنتها ياحسام باشا :-))))

انا صوتت للالنترا عشان كنت فاكر فيها abs

لو تعرف تجبها فى abs حتى لو خليجى وضمان تريبل a يبقى ممتاز لو معرفتش يبقى ابلع تصميم وخامات الصنى واركبها

---

الغريبه ان عوامل الامان دخلت فى اختيارتنا بشكل حاسم من امتى واحنا بنبص ليها على مدى السنين الى فاتت والعربيات القديمه ما احنا ماشيين ومفرقتش معنا abs من غير ه ايه الى حصل يعنى كلها فرامل وبتوقف وخلاص ده حتى الــ abs بسببه مسافه ايقاف العربيه بتكبر والنقطه الايجابيه الى فيها لصالح المناوره اثناء الايقاف فقط لاغير !!!!!!!!!!!!

ايوا بس حسيت بيها لما ركبت عربية ب abs وبتدخل ملف فى رملة والعربية تيجى تعوم الabs يلمها شعور تانى بالامان
وغير كدة مش فى كل الاحوال حتعرف تسيطر على اعصابك وتضرب فرامل ومتخليش العربية تزحف

لسة من فترة واحدة بتعدى بعربية بيبى قدمها معملتش حاجة غير انى وقفت على الفرامل ولولا الاabs بعد ستر ربنا كان الله اعلم اية اللى حيحصل

خليك باللى فيها abs اضمن حتى لو خليجى لو مش حتقدر يبقى الصنى بقى وامرك لله :(

السلام عليكم
من وجهة نظرى المتواضعة جدا حضرتك ماتتنازلش عن الفرامل الabs , صحيح زى ما حضرتك بتقول طول عمرنا ماشيين بفرامل عادية من غير مشاكل وربنا بيسترها وماشي الحال , بس الوضع دلوقتى مابقاش كدة , العربيات كترت جدا فى الشوارع والعربيات بقت أسرع وأشد , التهور زاد والغشومية فى السواقة زادت , والله العظيم صدقنى الabs بيفرق وعن تجربة , عارف حضرتك لو فى عمر العربية كلها الabs كان السبب فى تجنب حادثة واحدة بسبب قوة التوقيف الأكبر بتاعتة لما بيشتغل , يبقى كدة جاب تمنة وزيادة , وربنا يسترها معانا كلنا.
لو حضرتك معجب بالالنترا لازم تجيب أول فئة فيها abs , لو حضرتك متقبل شكل الصنى (اللى هو يمكن العيب الوحيد فيها ودى أذواق) احتفظ بفرق السعر وخليك فى الصنى , ان شاء الله أحسن بكتير.
ومبروك مقدما .
تقبل تحياتى .

اقتباس:

---

المشاركة الأصلية كتبت بواسطة hossam_elwani

من ناحية الوسع اعتقد ان الالنترا نفس وسع الصنى من حيث السعه اللتريه للصالون

والاعتماديه لليابانى مفيهاش كلام

بس الهيونداى بقت اعتماديه جداا والخليج يشهد بكده

اما من ناحية البنزين فتقريبا واحد

الصنى بتعمل من 5.7 الى 6.5 تقريبا

متوسط على الطرق السريعه وداخل المدينه

الالنترا بتعمل من 6.1 الى6.7

متوسط على الطرق السريعه وداخل المدينه

يعنى الفرق مش كبير

---

بص يا باشا، أنا قعدت في الاتنين الصني أوسع وسقفها كمان أعلى من الإلنترا.. بس طبعا زي ما قلتلك موتور الهيونداي أقوى بكتير

الصنى سعرها ارخص ٢٥٪ من الالنترا و ده رقم مش قليل و كمان توكيل النيسان احسن من هيونداى ووسائل الامان اعلى فى الصنى من الالنترا الفئه اللى حضرتك بتتكلم عنها . انا لو مكان حضرتك هاستنى لما الفئه التانيه تنزل من الصنى و متوقع انها تكون خاماتها الداخليه افضل و احتمال تعجب حضرتك و بكده تبقى خدت المزايا كلها بسعر قليل اما لو ما عجبتكش مش هتخسر حاجه لان الالنترا منتشره و هتلاقيها عند معارض كتير حتى احتمال يكون سعرها رخص كمان عن دلوقتى . الالنترا فعلا منتشره وواخده تقييمات كويسه لكن سؤالى هو هل هى نفس العربيه اللى بتنزل عندنا فى مصر و لا مواصفات تانيه و يا ترى اى فئه هى اللى واخده التقييمات العاليه؟ هل يمكن ان تكون هى الفئه اللى مفيهاش abs و لا وسائل امان ؟ اعتقد ان ده مستحيل . بالمناسبه انا لا احب شكل الصنى الجديد و لكن أحاول المقارنه بشكل موضوعى

اقتباس:

---

المشاركة الأصلية كتبت بواسطة land_cruiser

الصنى سعرها ارخص ٢٥٪ من الالنترا و ده رقم مش قليل و كمان توكيل النيسان احسن من هيونداى ووسائل الامان اعلى فى الصنى من الالنترا الفئه اللى حضرتك بتتكلم عنها . انا لو مكان حضرتك هاستنى لما الفئه التانيه تنزل من الصنى و متوقع انها تكون خاماتها الداخليه افضل و احتمال تعجب حضرتك و بكده تبقى خدت المزايا كلها بسعر قليل اما لو ما عجبتكش مش هتخسر حاجه لان الالنترا منتشره و هتلاقيها عند معارض كتير حتى احتمال يكون سعرها رخص كمان عن دلوقتى . الالنترا فعلا منتشره وواخده تقييمات كويسه لكن سؤالى هو هل هى نفس العربيه اللى بتنزل عندنا فى مصر و لا مواصفات تانيه و يا ترى اى فئه هى اللى واخده التقييمات العاليه؟ هل يمكن ان تكون هى الفئه اللى مفيهاش abs و لا وسائل امان ؟ اعتقد ان ده مستحيل . بالمناسبه انا لا احب شكل الصنى الجديد و لكن أحاول المقارنه بشكل موضوعى

---

وجهةنظر تحترم لكن انا مستعجل ومش عايز انتظر فلمقارنه فى ظل الفئتين دول بس .........

اقتباس:

---

المشاركة الأصلية كتبت بواسطة ashouhdy

ايوا بس حسيت بيها لما ركبت عربية ب abs وبتدخل ملف فى رملة والعربية تيجى تعوم الabs يلمها شعور تانى بالامان
وغير كدة مش فى كل الاحوال حتعرف تسيطر على اعصابك وتضرب فرامل ومتخليش العربية تزحف

لسة من فترة واحدة بتعدى بعربية بيبى قدمها معملتش حاجة غير انى وقفت على الفرامل ولولا الاabs بعد ستر ربنا كان الله اعلم اية اللى حيحصل

خليك باللى فيها abs اضمن حتى لو خليجى لو مش حتقدر يبقى الصنى بقى وامرك لله :(

---

للاسف ملقتش خليجى فتحة سقف + اوتوماتيك+ abs

فى حدود السعر الى قلت عليه (128 على الاكثر)

لو فيه حد يقولى فين

واضح إنك من الأول مقتنع بالهيونداي، بدليل مشاركاتك

اقتباس:

---

المشاركة الأصلية كتبت بواسطة mohamed_hamada

واضح إنك من الأول مقتنع بالهيونداي، بدليل مشاركاتك

---

والله مقتنع بلصنى عشان وسائل الامان الى فيها وعشان يابانى

وفى نفس الوقت مقتنع بلالنترا من ناحية الفخامه والشكل والتقييم وقوة الموتور

ولذلك انا فى حيره وفى انتظار مزيد من الاراء لان لحد دلوفتى الاستطلاع 50 % الى 50%

يعنى حيرتى زادت هههه

انا اختارت الانترا وريحتك من العذاب النفسي
بس ارجـــــــــــع واقول انا كنت فاكرها فيها ايرباج و ووسائل امان

بس كده لا متاكلش معايا ........ لو سمحت حد يشيل البظ تبعي هاهاههاها

بص من الاخر ....... 128000 دول تجيب بيهم تيدا بلس ومش هاتبيعها بأمر الله
يا اما تستني الشكل الجديد بتاعها :))

ريحتك انا كده صح هههههههههههههههه

اقتباس:

---

المشاركة الأصلية كتبت بواسطة sonasteel

انا اختارت الانترا وريحتك من العذاب النفسي
بس ارجـــــــــــع واقول انا كنت فاكرها فيها ايرباج و ووسائل امان

بس كده لا متاكلش معايا ........ لو سمحت حد يشيل البظ تبعي هاهاههاها

بص من الاخر ....... 128000 دول تجيب بيهم تيدا بلس ومش هاتبيعها بأمر الله
يا اما تستني الشكل الجديد بتاعها :))

ريحتك انا كده صح هههههههههههههههه

---

انا فعلا كده ارتحت وقررت انى مشتريش خالص هههههههههه

الفئه الى مقترحه فى الاستطلاع فعلا مفيهاش اى وسائل امان ولا حتى امبوليزر للحماية من السرقه

وفى نفس الوقت التيد مش هاضم شكلها من بره لكن من جوه روعه + سعر اعادة البيع للتيدا متدنى بسبب عدم انتشارها

ومفيش فرصه للانتظار + ان التيدا الشكل الجديد اكيييييييد حتغلى هى كمان

تحياتى ليك

حسام باشا ,, بصراااحة حرااام تدفع 3 بواكى زيادة على فئة (1 اتوماتيك ) علشان تاخد بية سقف (يااافرحتى بسقف لو مكانها مثلا abs او airbag كان افضل) كانت قداامنا واستحرمنا بصراحة :( !! فأنا شااايف ان صنى بامكانياتها ووسائل الامان اللى موجودة فيها معقولة على سعرها ومش بطالة والناس شنها حرب عليها من غير مااايجربوها !! فأنت شووف انت مستريح لانهى وااحدة وانزل اركب الاتنين وصلى صلاة استخارة وربنا يوفقك ..

انا ارشح الالنترا علشان شكل اجمل و موتور اقوى و صالون احلى بكتييييييييير من الصنى الجديده و بعدين يا باشا لو عجباك الالنترا هاتها احسن لما تجيب عربيه فيها ابى اس و انت مش قابلها اصلا و بعيدن من امتى و الشعب اصلا بيبص على اى بى اس ما الناس كلها بتجرى و ربنا هو الستار يعنى عندك الفيرنا اللى مليا الدنيا و الناس كلها بتجرى بيها و بيعدو ال 190 ولا اى حاجه و دى لا فيها اى بى اس ولا اى حاجه يعنى شوف انت مرتاح لايه و هاتو و فى الاول و الاخر الحادثه واحده سواء كان فيها اى بى اس و ايرباج او كانت فاضيه

الالنترا
لا تنس الاستخاره

العربية برضوا راحة نفسية مش متخيل نفسى راكب عربية انا مش حابب شكلها

اقتباس:

---

المشاركة الأصلية كتبت بواسطة BuNsH_FoX

حسام باشا ,, بصراااحة حرااام تدفع 3 بواكى زيادة على فئة (1 اتوماتيك ) علشان تاخد بية سقف (يااافرحتى بسقف لو مكانها مثلا abs او airbag كان افضل) كانت قداامنا واستحرمنا بصراحة :( !! فأنا شااايف ان صنى بامكانياتها ووسائل الامان اللى موجودة فيها معقولة على سعرها ومش بطالة والناس شنها حرب عليها من غير مااايجربوها !! فأنت شووف انت مستريح لانهى وااحدة وانزل اركب الاتنين وصلى صلاة استخارة وربنا يوفقك ..

---

الفئه الى فيها abs +ايرباج واحده عامله 131 يعنى فرق حوالى 4 الاف كمان بس ده مقارنه بلفئه الى بــفتحة سقف فيصبح فرق السعر بين اول فئه اوتو والفئه المذكوره الى فيه abs و ايرباج واحده 7000 جنيه هل تستحق الفئه دى ان تتخطى الصنى ؟؟؟

السلام عليكم أخي الكريم، ممكن أكلم حضرتك كاخ ... حضرتك اه فايدة الشكل الاجمل (عشان تخدلك عين!) أو الموتور الاقوى (هو احنا هنا لمؤاخذة حدانا في كفر جمهورية مصر طرق زي ألمانيا و سويسرا إلي فيها حارات مخصصة للسرعات فوق 200 كم). و الاهم من كدة عاوز تركب عربية مش بتاعتك (هتنام كل ليلة و إنت مديون و لو لا قدر الله ظهرلك أي ظروف فجائية و ده وارد هتعملك مشكلة أكيد) و فرق في رنج 25-30 حاجة مش بسيطة... العربية في الاول و الاخر بلغة المحاسبة أصل متناقص يعني كل ما يعدي عليه السنين يقل في القيمة يعني لو مثلاً عمر السيارة المفيد 10 سنين تمن النيسان يقل 10 ألف و اللنترا 12- 13 ألف و كمان أي عربية معرضة لكل أنواع المخاطرة و الخسائر زي الثقة و الحريق و الحوادث... يبقى الاختيار المنطقي بالنسبالي لحضرتك هيكون الصني. اتمنى حضرتك ما تزعلش مني علشان تكوين فلوس في الظروف إلي البلد فيها حاجة مش سهلا و ناس كتير بيمشوها من اشغالها. لو كمان لا قدر الله الواحد جل أجلو يبقى الورثة هيلبسو في ديون و خساير! أسف بس كل ده وارد، و بردو الاخوة يفيودوك أكتر مني - تقبل مروري و الله يعملك الاحسن و أهو كل بيمشي في الاخر على أربع .. و ربنا بس يوصلنا بالسلامة أخوك أحمد سامي

أسف السرقة مش الثقة

اقتباس:

---

المشاركة الأصلية كتبت بواسطة egyptiandiver

السلام عليكم أخي الكريم، ممكن أكلم حضرتك كاخ ... حضرتك اه فايدة الشكل الاجمل (عشان تخدلك عين!) أو الموتور الاقوى (هو احنا هنا لمؤاخذة حدانا في كفر جمهورية مصر طرق زي ألمانيا و سويسرا إلي فيها حارات مخصصة للسرعات فوق 200 كم). و الاهم من كدة عاوز تركب عربية مش بتاعتك (هتنام كل ليلة و إنت مديون و لو لا قدر الله ظهرلك أي ظروف فجائية و ده وارد هتعملك مشكلة أكيد) و فرق في رنج 25-30 حاجة مش بسيطة... العربية في الاول و الاخر بلغة المحاسبة أصل متناقص يعني كل ما يعدي عليه السنين يقل في القيمة يعني لو مثلاً عمر السيارة المفيد 10 سنين تمن النيسان يقل 10 ألف و اللنترا 12- 13 ألف و كمان أي عربية معرضة لكل أنواع المخاطرة و الخسائر زي الثقة و الحريق و الحوادث... يبقى الاختيار المنطقي بالنسبالي لحضرتك هيكون الصني. اتمنى حضرتك ما تزعلش مني علشان تكوين فلوس في الظروف إلي البلد فيها حاجة مش سهلا و ناس كتير بيمشوها من اشغالها. لو كمان لا قدر الله الواحد جل أجلو يبقى الورثة هيلبسو في ديون و خساير! أسف بس كل ده وارد، و بردو الاخوة يفيودوك أكتر مني - تقبل مروري و الله يعملك الاحسن و أهو كل بيمشي في الاخر على أربع .. و ربنا بس يوصلنا بالسلامة أخوك أحمد سامي

---

وجهة نظر تحترم وحضعها فى اعتبارى

انا رشحت الالنترا
مستحيل اركب عربية بالقبح دة بالنسبالى ولو كان فيها سواق هدية مش abs

اقتباس:

---

المشاركة الأصلية كتبت بواسطة hossam_elwani

الفئه الى فيها abs +ايرباج واحده عامله 131 يعنى فرق حوالى 4 الاف كمان بس ده مقارنه بلفئه الى بــفتحة سقف فيصبح فرق السعر بين اول فئه اوتو والفئه المذكوره الى فيه abs و ايرباج واحده 7000 جنيه هل تستحق الفئه دى ان تتخطى الصنى ؟؟؟

---

لو هتقدر تيجى على نفسك وتجيب فئة 131000 جند (افضل طبعا) يبقى توكل على الله ,, الا لو انت مش مقتنع بabs و airbag يبقى خليك فى اول فئة اوتو .. وفى الاول والاخر دة القرار بيدك ..
بس مش فاهم قصدك تتخطى الصنى ازاى ؟!

اقتباس:

---

المشاركة الأصلية كتبت بواسطة bunsh_fox

لو هتقدر تيجى على نفسك وتجيب فئة 131000 جند (افضل طبعا) يبقى توكل على الله ,, الا لو انت مش مقتنع بabs و airbag يبقى خليك فى اول فئة اوتو .. وفى الاول والاخر دة القرار بيدك ..
بس مش فاهم قصدك تتخطى الصنى ازاى ؟!

---

تتخطى الصنى يعنى تتفوق عليها بفارق كبير فى المقارنه........

صني .ياباني و شكل و تصميم جديد و على الطبيعة جميلة و سيبك من الصور و انزل اتفرج عليها و كمان عشان فرق السعر مش بسيط ده ممكن يجيب عربية كويسة ...
..... بس فتحة السقف ممكن تخليني اعيد تفكير ياريت صني تنزلها

رحت النهارده بصيت تانى على الهيونداى النترا بناء على نصيحتكم ومحستش بفرق كبير العربيه مطفيه من غير الكماليات ووسائل الامان وده طبعا للفئه gl لكن الفئه gls حاجه تانيه فعلا تحس انك راكب عربيه قيمه وفيها وسائل امان

اثناء نقاشى مع المندوب عن الفئه الى بـــ 131000 الى فيها وساده هوائيه و abs

قالى وبكل ثقه ان العربيه الى فيها abs فيها كمان ebd و وEPS وبسأله ايه هو نظام الــ eps قالى مش فاكر ؟؟

والمعروف ان مصطلح eps هو اختصار للباور ستيرنج يعنى بيدش كلام وخلاص ويبلف الزبون بكلام كبير :00020191:

EPS= Electric Power Steering

قلت له راجع نفسك انا عارف ان العربيه دى حتى اعلى فئه منها مفيهاش ebd :049::049:

قالى لا انا فاهم بقلك ايه

قلت له اتحداك هاتلى الكاتلوج بتاعها او البروشور وانا اثبتلك عكس كلامك قالى والله مفيش اى بروشور لسه منزلش ههههههه وبيبصلى بتحدى كأنى جوز امه :H_angry[1]::H_angry[1]:


والله احنا معندناش حرفة البيع والمهاره العلميه بناء على معلومات صحيحه للتسويق والبيع والنموذج ده قابلته كتير فى شتى المجالات وبتكون شركات خاصه او توكيلات او موزعين معتمدين

بس الى لاحظته ان العربيه ومن اول فئه اوتو نازله كلها ديسكات ورا وقدام مع انى لما شفتها اول مانزلت شوفتها ديسكات قدام وطبله ورا هما عدلوها ولا ايه ؟؟؟ ولا انا الى مكنتش مركز

تحياتى للجميع

انا صوت لالنترا ... بس بصراحة طلامة الموضوع تقسيط ... و اول فئة ...

خليك في الصني .. مش حتبهرك يعني (لو انت راكب حاجة مشابهة قبلها) بس حتادي الغرض منها و زيادة و حتقعد فترة التقسيط بدون مشاكل جوهري (ان شاء الله) و حتعرف تبيعها ساعتها و تشتري اجدعها الانترا :)

انا شخصيا مقدرش اعمل خطوة زي دي .. لسبب وجيه .. انا تصميم العربية بالنسبة لي يستحوذ على اكثر من 50% من قرار الشراء .. فالصني بتخليني عايز اعرف اسم المصمم علشان اروح افجر نفسي فيه بصراحة :)


تعديل :
قريت باقي المشاركات ..
لو فعلا حتقدر توصل لل 131 بتاعة الالنترا .. طبعا وانت مغمض خد الالنترا :) فرق شاسع بصراحة في الركوب على الواقف حتى :)

اقتباس:

---

المشاركة الأصلية كتبت بواسطة cryptonx

انا صوت لالنترا ... بس بصراحة طلامة الموضوع تقسيط ... و اول فئة ...

خليك في الصني .. مش حتبهرك يعني (لو انت راكب حاجة مشابهة قبلها) بس حتادي الغرض منها و زيادة و حتقعد فترة التقسيط بدون مشاكل جوهري (ان شاء الله) و حتعرف تبيعها ساعتها و تشتري اجدعها الانترا :)

انا شخصيا مقدرش اعمل خطوة زي دي .. لسبب وجيه .. انا تصميم العربية بالنسبة لي يستحوذ على اكثر من 50% من قرار الشراء .. فالصني بتخليني عايز اعرف اسم المصمم علشان اروح افجر نفسي فيه بصراحة :)


تعديل :
قريت باقي المشاركات ..
لو فعلا حتقدر توصل لل 131 بتاعة الالنترا .. طبعا وانت مغمض خد الالنترا :) فرق شاسع بصراحة في الركوب على الواقف حتى :)

---

تحس انك نطيت من التسعينات للالفينات :))

اركب دي و اركب دي وشوف انت ميال لأيه الواحد مش بيجيب عربيه كل يوم متجبش عربيه انت مش مقتنع بيها
كل مره حتركبها حتطلع فيها عيوب ومش حترتاح

بالتوفيق ان شاء الله
1- أعتقد استخدام سيادتك بيكون 99% منه داخل المدينة وسفرية او اتنين فى السنة وده يخللينى أجيب الصنى لإن فيها كل اللى حيريحك ان شاء الله أوتو ، تكييف كويس ، وسائل أمان ، وسع
فأنا رأيي ان مهمة العربية توصلك من مكان لمكان براحة وبالنسبة للشكل ، أى شكل فى الدنيا حتتعود عليه حيبقى عادى بعد شهر أو شهرين على الأكثر
2- الفارق السعرى كبير ولن يضيف ليك جديد يعنى مش حتنتقل من صنى لأوكتافيا مثلا ، فرأيي انك ما تقفشى على نص السلم وتدفع 30000 زيادة وعلشان تتأكد اكتب فى ورقة انا حأدفع 30000 وحأستفيد بإيه بالظبط زيادة.
3- رأيي إن بودى الإلنترا بالإكصدامات غير عملى بالمرة بما فيه من تموجات تصميمية.

اقتباس:

---

المشاركة الأصلية كتبت بواسطة alrabeh

بالتوفيق ان شاء الله
1- أعتقد استخدام سيادتك بيكون 99% منه داخل المدينة وسفرية او اتنين فى السنة وده يخللينى أجيب الصنى لإن فيها كل اللى حيريحك ان شاء الله أوتو ، تكييف كويس ، وسائل أمان ، وسع
فأنا رأيي ان مهمة العربية توصلك من مكان لمكان براحة وبالنسبة للشكل ، أى شكل فى الدنيا حتتعود عليه حيبقى عادى بعد شهر أو شهرين على الأكثر
2- الفارق السعرى كبير ولن يضيف ليك جديد يعنى مش حتنتقل من صنى لأوكتافيا مثلا ، فرأيي انك ما تقفشى على نص السلم وتدفع 30000 زيادة وعلشان تتأكد اكتب فى ورقة انا حأدفع 30000 وحأستفيد بإيه بالظبط زيادة.
3- رأيي إن بودى الإلنترا بالإكصدامات غير عملى بالمرة بما فيه من تموجات تصميمية.

---

رأى يحترم

انا معترض تماما على مبدا دى وسيلة مواصلات دى بتقضى الغاية دى اربع عجلات

لية هو الواحد ياجماعة بيجيب عربية كل يوم ... ولو على المبدأ دة مااجيب لوجان بقى كاملة اوتو وافر 30الف عن الصنى

اختيار العربية ذى اللى رايح يتجوز ... العقل بس مش كفاية لازم عاطفة وقبول عشان اعرف اعيش معاها واحبها .

اقتباس:

---

المشاركة الأصلية كتبت بواسطة ashouhdy

تحس انك نطيت من التسعينات للالفينات :))

---

ده حقيقي .. وللاسف كنت بقول كدة على الصني القديمة و الالنترا .. ولكن الكلام مازال ينطبق على الصني الجديدة برده ..

ده انت لو سالت اي حد .. انا كنت قافش اصلا على موضوع ABS/AIRBAGS ده لدرجة اني كنت حاجز ACCENT GLS وكانت بتنزل مصر بالطلب ( جنوط 16 - ABS/EBD/4AIRBAGS - الخ الخ ) وكانت ب 124 كمان ! بس اما ركبت الالنترا وهي واقفة والله و اول فئة كمان .. .قلت لأ ! هي دي عربيتي :) سبحان الله !

اقتباس:

---

المشاركة الأصلية كتبت بواسطة ashouhdy

انا معترض تماما على مبدا دى وسيلة مواصلات دى بتقضى الغاية دى اربع عجلات

لية هو الواحد ياجماعة بيجيب عربية كل يوم ... ولو على المبدأ دة مااجيب لوجان بقى كاملة اوتو وافر 30الف عن الصنى

اختيار العربية ذى اللى رايح يتجوز ... العقل بس مش كفاية لازم عاطفة وقبول عشان اعرف اعيش معاها واحبها .

---

ده صحيح .. حتى لو انت مش من النوع الموسوس .. انت حتشتري عربية كل 5-6 سنين (تقريبا) يا اما بتشتري عربية تقعد معاك 10-15 سنة ... في الحالتين .. ده مش موبايل تجرب فيه .. لازم تكون مريحاك نفسيا .. لانها لو مش مريحاك نفسيا ... شكلا و موضوعا .. مش حتبقى قابلها .. واي مشكلة تقابلك حتلعن سلسفيل اليوم الي جبتها فيه .. ولما تلاقي العربية التانية الي كان نفسك تجيبها ماشية ... حتقعد تحسر نفسك ! و تقول منا كان معايا اجيب دي ..

مش عايز اضغط عليك .. لو الامكانية المادية متاحة ... ال 30 الف فرق دول حتحسهم في العربية و هي واقفة من غير Test Drive حتى ... انما لو حتدوس على نفسك جامد و ممكن تقلل حاجات تانية في المعيشة ... تولع طبعا الالنترا ...

انا بقولك كدة من واحد داس على نفسه جامد علشان اعرف اجيب الالنترا اول فئة .. و بكافح علشان اكمل لاخر الشهر و في فلوس في جيبي بعد القسط .. :)

بس بحمد ربنا برده .. حيفتحها من سكة تانية ان شاءالله .

معالي الباشا طبعا انت اكيد عارف رائي من غير متكلم ولينا سابقه قبل كدا
بس احب اقولك ان كونك عملت المقارنه دي تبقي ميال اكتر للانترا بنسبه 60% وعايزنا نأكد عليك اختيارك
وانا بقولك اتوكل علي الله وهات النترا وعايز اقولك انك لو جبت الصنى وشوفت النترا ماشيه قدامك هتزعل من نفسك اوى
وهتقول يااااااااااه كانت فين دماغي
فأنا بقولك ريح نفسك وهات العربيه الي نفسك ريحلها
وربنا يقدملك الي فيه الخير

السلام عليكم .. انا فى نفس حيرتك قدامى النترا ستاندرد (زجاج كهربا بس) 58000 ريال و كورولا اكس ال اى مطور (زجاج كهربا -سنتر لوك-سى دى) 64000 ريال . كله 2013 . صراحة شكل الانترا اخدنى ورحت حاجز. بعد يوم غيرت رأى علشان الكل بيشكر فى الكرولا (اعتمادية واقتصادية ) وكتير بينفوا تهم عن الانترا(بتحس بالمطبات و الكراسى مش مريحة فى المسافات الطويلة)
وكان الفيصل لما رجعت سألت على عوامل الامان .النترا ايرباج واحد. الكرولا ايرباج 2 و اي بى اس و اى بى دى ) ولانى راجل عملى عندى ولاد :) اخترت الاكتر امان و اقتصادية و ضحيت بالفخامة والمنجهة :(
بس نصيحتى لك انك ما تجبش عربية خالص افضل من تركب عربية الناس تقولك كويسة وانت مش حاببها خالص.
ايان كان استخير و توكل.. ايان كان اللى حابه.. لأنه كل عربية ليها عيوب .وربنا يديك خيرها ويبعد عنك الشر