السلام عليكم أستاذ حسام و على الجميع، معقول حضرتك لسة ما إستقرتش على حاجة لغاية دلوقت بعد ذكر كل المزايا و العيوب للاختيارين؟
السلام عليكم أستاذ حسام و على الجميع، معقول حضرتك لسة ما إستقرتش على حاجة لغاية دلوقت بعد ذكر كل المزايا و العيوب للاختيارين؟
نصيحه عن تجربه : نيسان صنى الجديده 2013 اوتوماتيك ...
- انا معايا صنى اوتوماتيك من اول ما اجمعت فى مصر مو 2007 و حتى اليوم ماشاء الله مغيرتش فيها مسمار و كأداء موتور و عفشه وكل حاجه تقريبا بدون مبالغه 95% كما كانت جديده .... و هى عامله الان حوالى 60 الف كم ...
- كذلك جربت الصنى الشكل الجديد و وجدت انها فارقه عن عربيتى و عافشه افضل و موتور اقوى و تصميم داخلى افضل ...
بالتوفيق و تحياتى ...
من أمبارح عمال ققرا الموضوع وشدنى جداً الصراحة
وبجد ربنا يبارك لكل الناس الى بتشارك وبتحاول تساعد صاحب الموضوع
دلوقتى بقة جة دورى عشان ققول رأى أنا كمان أشمعنى أنا هههههههه
بالنسبة لصاحب الموضوع أحب ققولك أن لو حضرتك راجل عملى وعندك أولاد أو متزوج لازم تلاحظ أن 30000 مش فلوس قليلة دا مبلغ كبير وممكن يجى عليك وقت (( ودا بيحصل معانا كلنا )) تحس أنك محتاج لكل جنية يعنى تقريبا ممكن تلاحظ أن القسط يهايزيد بنسبة 30% أو أنك تزيد فى مدة سداد القسط سنة أو سنة ونص
نروح بقى لأن صاحب الموضوع شايف أن الشكل مهم يعنى هادفع 30000 بس عشان الشكل طيب حضرتك تفتكر السيراتو لما نزلت من 3 سنين الناس كانت موهومة أزاى .. طيب ممكن حضرتك تبص عليها دلوقت أنا عن نفسى مبقتش أبص عليها زى الأول بمعنى أخر مبقيتش تشدنى زى الأول يعنى بعد 3 سنين تقريبا حضرتك ممكن تحس أنك حطيت 30000 جنية فى الهوا
من ناحية تانية المصممين بتوع الصنى حاولو يغيرو الشكل القديم اللى بصراحة بحس أنها تصميم واحد موظف فعصروو كل مخهم وطوروا الشكل عشان يظهر زى محنا شايفنها دلوقتى بالتصميم الجديد اللى أنا بعتبروا من وجهة نظرى تغيير كلى فى الشكل للأحسن من القديم بمراحل فمن الأخر هو مصمم على قدووو ودى أخر أمكانياتووو وتقريبا شكلها بقى أحسن من الأول على الأقل
ونصيحتى ليك قبل ماتنوى على الشراء أنك تستخير الله كل ليلة وتفكر أنا هاحط 30000 فرق فى أية لو الشكل أعتقد بعد وقت لما يروح أنبهار الناس بالشكل أكيد مش هتكون مبسووط
وبالتوفييق ان شاء الله
- هى النيسان اسم صغير فى عالم السيارات اليابانى ؟؟؟ ايوه طبعا كان فيه حد بيشتريها - و موديلات الصنى 2005 /2006 و الى قبلها اليابانى الى فى السوق دى منين و كمان مواتيرها كانت 1300 ؟؟
- هو ده كان سعرها وقتها لانها مستورده من اليابان و عليها جمارك ... ايه الغريب فى كده ؟؟؟ و التويوتا كورولا 1300 كانت ايضا فى رنج 125 / 130 الف - هو ايه الى بنص الثمن ؟؟ انت تقصد الكورى ؟؟ كان فى رنج 85/80 الف ...
- بعد كده لما الصنى 1600 اجمعت فى مصر انا شاريها زيرو 2007 اوتوماتيك ب 98 الف و كانت السوبر صالون ب 110 الف .....
تحياتى ....
الالنترا طبعا بدون تردد
اكبر
موتور اقوى
شكل افخم واشيك
اكيد ثبات اعلى لعرض العربيه
انت تقارن الالنترا بالتيدا مش بالصنى