ربنا يكرمك يا حودة يا ساحبي
عرض للطباعة
هههههههههههه
حضرتك اسمك اسامة
اهلا بيك يا استاذ اسامة
دي فعلا - والله عامل مواضيع متعوب فيها جدا جدا جدا من ترجمة لتجميع لتنسيق لتحضير الصور واعادة تحجيمها وعلامات مائية ورفع وتحميل واحياناً تبقي بالusb - يعني كمان تكاليف
وفي الأخر -- ردود تعد علي اصابع الأيد الواحدة
وموضوع تاني - تلاقيه لا يحمل اي مضمون زي مواضيع الهري في الأجتماعي انت بتصحي امتي وبتغسل سنانك كام مرة والشغل دة
وسبحان الله تلاقي فعلا الاف
انا والله بكبر دماغي - وشغال في طريقي
بس في موضوع ليا بالزات ومحمد عبدالله عارفه - مفيش ولا رد ولا حتي شكر او اعجاب غير من عبدالله وواحد تاني
فقولت لا بقي - انا لازم اتكلم واشوف الدنيا فيها ايه - هما اصحابنا بتوع الهري والكلام الفارغ يترد عليهم وانا مواضيعي محدش بيفتحها
واتضحلي ان فعلا اسم صاحب الموضوع علي الموضوع بيأثر جامد في جذب القراء والمشاركات ومش بس كدة
دة احيانا لو حد رد علي موضوعي وكان اسمه ظاهر باعتباره اخر واحد رد - دة بيكون له تأثير وبيجيب ردود برد
تحياتي استاذ اسامة
الحكايه دي سببها حاجه وانا من ضمن الناس الي بقيت متردش في معظم المواضيع
واحد دخل يسال علي مشكله في عربيه بنحاول معاه ونساعده
وبعد كده يصلح العطل ما يقولش كان ايه السبب
طيب عرف الناس الي كانت بتحاول معاك السبب ايه
لكن بمجرد انه يسال ويعرف الحل والا بيعبر والا كان في حد مستني يعرف النتيجه
فعلا لاحظت ان مجرد اسم العضو بيكون سبب فى ان الناس تقرا وترد لكن اللى مش فاهماه ليه لما يفضل يعمل مواضيع هايفة جدا تلاقى ردود بالكوم و الموضوع يبقى كام صفحة لأن ده بيشجعه يستمر بالأسلوب ده وحتى الأعضاء الجدد دايما يعانوا يبقوا تعبانين فى موضوع روعة وميلاقوش رد فيحبطوا وينسحبوا
وانا شخصيا الموضوع اللىببقى كاتباه وحسة انه قيم وتعبانة فيه عادة مش بيعيش كتير بعكس المواضيع العاد ية
فى حكمه يا هندسه بتقول
شجره واحده تصنع مليون عود كبريت
وعود كبريت واحد يحرق مليون شجره
فلا تدع امر سلبى واحد يؤثر على ملايين ايجابياتك فى الحياه
الطبيعى كل ما تكتر مشاركاتك ومواضيعك كل ما تزيد شهرتك ويزيد إهتمام الأعضاء بكل مواضيعك أنا مش شايف حاجة غريبة يعنى لكن دا ما يمنعش إن فيه مواضيع كتيرة بتبقى مهملة
أعتقد إن دا التطور الطبيعي للعضو الجديد - أنا في موضوعاتي الأولى في الإجتماعي ماكنش فيه حد بيدخل أصلاً - لدرجة إني كنت بعتقد إني مضطهدة - وكنت أسأل نفسي هو أنا زعلت حد من المنسقين أو المشرفين أو الأعضاء في أحد مشاركاتي بموضوعاتهم علشان كدة مافيش حد بيرد على موضوعاتي ومتفقين عليا ، وكنت بكون متغاظة :breakpc2:.
وفعلاً الرد على الموضوع من خلال مشاركة مش بس بلايك أو ديس لايك بيشجع عارض الموضوع أنه يدي أكتر ، لكن فيه أسباب لعدم رد بعض الأعضاء - أعتقد إن منها :
1) أن في موضوعات جميله وشيقة وومش ينفع ترد عليها لأن الموضوع بيكون ملم بكل جوانبه وبتكون عاجز عن أنك هتقول أيه أكتر من اللي أتقال ، وكتير من المشاركين ردوا باللي عايز تقوله ( شكراً ، جزاك الله خير ، .... ) .
2) أو إن المواضيع يكون يخص معلومة معينة فالعنوان يشد فيكون عدد المشاهدة كتير أكتر من الردود .
من العوامل اللي تخلي الموضوع ليه مشاهدات و مشاركات كتيرة :
- عنوان الموضوع و ده مهم في جذب الزبون ( المشاهد او المشارك )
- اسم كاتب الموضوع لما اشوف موضوع بتاع واحد اسمه معروف او ليه معنى مش زي احمد666 مثلا اللي مش مدي انطباع محدد هل ده عضو جاد و موضوعاته في الغالب مفيدة او واحد هايف و مواضيعه لا تستحق المشاهدة .
- وجود صور في الموضوع طبعا عامل جذب بس تكون صور او فيديوهات موظفة بشكل مناسب
- لما يكون عضو قديم طبيعي ان موضوعاته هيكون ليها اهمية و مشاهدات كتيرة لأن ليه اصدقاء كتير في المنتدى
- طريقة كتابة الموضوع برضه مهمة جدا .... فيه ناس تحب المختصر و كلمتين و بس و ناس تانية بتحب الحكاوي ... شوف انت بتكتب موضوعك لمين فيهم و ظبط يا معلم .
ايه كمان
مش عارف
انا معجب جداً بمشاركتك
بس احب اعرف حضرتك بنفسي
انا instructor
يعني بعرف ازاي اتكلم كويس اوي
ازاي اجذب انتباه
ازاي ارد
ازاي اعملك عصف ذهني
ازاي أقنع
ازاي اعمل من الفسيخ شربات
ازاي ابيع نفسي للي قدامي - أقصد اعمل presentation بمهارات اتصال كويسة واقنعك بنفسي وبكلامي
وفوق كل دة انا بفضل الله ليا مواضيع منسقة ومعمولة كويس اوي وفيها جميع عناصر الpresentation الناجحة ولا انت مش متابع اخبار السيارات وقسم سيات
شوف كدة اخر موضوع ليا في قسم سيات
http://www.nilemotors.net/Nile/29861...post3874423479
شكرا علي مرورك
أنا بعمل مواضيع ومشاهدات كتير ومحدش معبرنى ببقى متغاظ قوى برغم إنى بستفسر عن حاجة مفيدة بس أنا مشكلتى أنى عايز أعرف كل حاجة عن كل حاجة فى الحياة كل كبير تقريبا عقلى شغال حتى وأنا نايم من كتر التفكير فى أمور الحياة عشان كدا ببقى عايز أكبر عدد ردود فى مواضيعى عشان أشبع الحاجة اللى بسأل عنها
ايوة بتحصل كتير يعني في ناس معينه لما بتعمل موضوع تلاقي كل المنتدي فيها برغم ان الموضوع مش يستاهل و تلاقي واحد محتاج حاجة ولا حد بيرد