ارجو مساعدتكم فى اسرع وقت

**faroukzen** · 09-07-2012 01:21 AM

انا معايا تويوتا كورولا 2007 اتخبطت خبطه خفيفه فى العتب بس حته من العتب دخل لجوه لكن البويه ماتجرحتش انا عاوز اردها على البارد وفى نفس الوقت تفضل بويه العربيه الاصليه على العتب يعنى ماحتجش ارش

**alaamousa** · 09-07-2012 04:36 AM

حضرتك ردها عند السمكري

**alaamousa** · 09-07-2012 04:36 AM

شوف حضرتك مكانك فين ونوصفلك ان شاء الله سمكري كويس

**alaamousa** · 09-07-2012 04:37 AM

واذا كنت عايز تدخل التوكيل ندخلك يا باشا ان شاء الله ونوصي عليك جوة ان شاء الله

**me_medoo** · 09-07-2012 01:34 PM

أولاً صلي بينا على سيدنا النبي
وزيد النبي صلاة كمان مرة .

@@@@@

ثانياً : أهل بيك بين أهلك وأخواتك في قسم تويوتا
@@@@@@

ثالثاً : ألف سلامة على عربيت ساعدتك

رابعاً والاهم :

بص ياغالي العتب عبارة عن علبة صاج ... وفي حالت العلبة دي اتخسفت لجوا مثلاً خبطة بسيطة ولا مش واخد بالك ان الرصيف جمبك ولا حتت مسورة في الارض ... بتروح عند سمكري شاطر وفي حاجة عاملة زي المسورة ولكن على شكل كوريك كده واخرها فيه ابره صلب ...

1- السمكري بيدخل الابره في العلبه ويديها بنطة لحام .
2- بيسخن الحته الي محتاجة تتشد .
3- بيقوم ضارب كده على الماسوره كده لبره ... ولأن علبت العتب سخنة بتقوم خبطة ورى خبطة بتقوم مردوده لبره .
ياريت كان عندي صورة لقطع رد العتب بس هيا أدوات بسيطة جداً ومفعولها اكيد ولا تقلقل ... مفيش قص ولا تلحيم الا في حالتين اتنين خبطة العتبة كانت جامدة قووي ... او انها خبطة خفيفة بس انتا سيبتها لغايت مصدت وأتاكلت . فهنا هيحتاج انو يقص الصاج المصدي ويركب صاج جديد في علبة العتب

@@@@@@@@@@

وألف لا بأس على العربية
سعر التكلفة يتراواح من 300 جنيه وانتا طالع
ومش شرط تخليه يرشلك الرفارف وحزام النضافة والكلام الفاضي ده قلووو رشلي بس العتب ومتلغوووص .
هيا لون العربية أيه . ونوعها .
وتحياتي

**wwaeel** · 15-07-2012 11:05 AM

يا جماعه انا شوفت طريقه هتلاقو فيديوهات ليها علي اليو تيوب بترد العتب واي حاجه داخله لجوه من غير سمكره والادوات المستخدمه هي بخاخ ثاني اوكسيد الكربون سائل وسيشوار بتاع الشعر والطريقه انك بتسخن الجزء المخبوط بالسشوار لمده 5 دقائق وترش عليه علطول ثاني اكسيد الكربون السائل هتلاقي اول ما بيلمس الصاج بتاع العربيه بيتحول لثلج وتلاقي الحته المخبوطه طلعت لبره مره واحده ورجعت زي ما كانت بالظبط قبل الخبطه وبعد كده الثلج بيتحول لماء وتمسحه بفوطه وتلاقي العربيه اتصلحت ورجعت زي مكانت من غير ولا خدش في البويه :) هتلاقي فيديوهات كتير للعنليه دي علي اليو تيوب

**S O P H O S** · 15-07-2012 04:24 PM

المشاركة الأصلية كتبت بواسطة wwaeel

يا جماعه انا شوفت طريقه هتلاقو فيديوهات ليها علي اليو تيوب بترد العتب واي حاجه داخله لجوه من غير سمكره والادوات المستخدمه هي بخاخ ثاني اوكسيد الكربون سائل وسيشوار بتاع الشعر والطريقه انك بتسخن الجزء المخبوط بالسشوار لمده 5 دقائق وترش عليه علطول ثاني اكسيد الكربون السائل هتلاقي اول ما بيلمس الصاج بتاع العربيه بيتحول لثلج وتلاقي الحته المخبوطه طلعت لبره مره واحده ورجعت زي ما كانت بالظبط قبل الخبطه وبعد كده الثلج بيتحول لماء وتمسحه بفوطه وتلاقي العربيه اتصلحت ورجعت زي مكانت من غير ولا خدش في البويه :) هتلاقي فيديوهات كتير للعنليه دي علي اليو تيوب

اظن كده بردوا
+1111111111