عربية نفسك تكون كانت موجودة فى مصر ؟

**mody3on** · 09-07-2012 07:45 PM

في شوية عربيات برضه لو قللوا الجمارك هتبقى في متناول ناس كتير
زي تويوتا GT-86 لو جت مصر مش هتعدي 250 الف بس يقللوا الجمارك على ال 2000 سي سي

وزي فورد فوكاس ST 2.0 ال 252 حصان مش هتعدي 225 الف

ده غير طبعا ال Mid-size Sedans اللي محرومين منها هنا ومفيش غير الباسات ( بموتور 1.4 ) وال 508 وال c5
مفيش طبعا سوناتا وكامري وفيوجن والاكورد

**Recaro** · 10-07-2012 12:39 AM

ألفاروميو ولانشيا طبعا .. من أروع ما صنع فى العالم ومن أكثر ما بخس حقه فى مصر.... فيات ووكلائها فى مصر عندهم غبااااء تسويقى مزمن بكل أسف.

**MBhead** · 10-07-2012 03:34 AM

اودي كواترو 20 في ...موديل 90 من اعظم العربيات في التاريخ دفع رباعي 5 سلندر 2.2 لتر تربو 200 حصان كانت اسطوره الرالي وسوقتها محتاجة هدوء و حذر و رزانه لان سوقتها صعبة شوية

شكلها رخم جدا و تابلوها فضائي و فيها اوبشن غريب لكن عمري ما سقت عربية زيها سعرها حوالي 20 الف يورو

**mandouros** · 10-07-2012 11:38 AM

المشاركة الأصلية كتبت بواسطة formulator

+111111
الفيررارى والمازيراتى والبورشه موجودين فـ مصر.. عادى،
واللى عايز يجيب Pagani Zonda أو Huayra حتى هيجيب، إحنا مش بنتكلم فـ سوبر-كارز بملايين.. أعتقد التوبيك عن ماركات معقولة على قدنا...

زى مثلا:

- الألفاروميو طبـــــــــــــــــــــعا
- اللانشيا أكيـــــــــــــــــد
- الـSaab
- الـSmart من العربيات الصغيرة الجميلة
حاجات كده،

ما أتمناه شخصيا، ان براند الألفا يرجع مصر تانى.. يخرب بيتك يا أوماترا انتى و فيات..

تحديدا.. الـGTI-Killer دى:

برضه فيه كده؟؟؟!!!

أيه ده أصلا..!!!!!!

دى لو هتتباع فـ مصر، مش هتزيد عن 370-400 ألف جنيه لأعلى تجهيز من الـQuadrifoglio-Verde الـ1800 تربو-حقن مباشر 240 حصان..!!
Ffffffffffffff the 3er, let the C-class go to hell

على ذكر إيطاليا والسرعة..

جيريمى-كلاركسون بيقولك: لما الـPolizia بتاع الـAutoStrada يمسكوا عربية ماشية بسرعة الـ200 mph (فوق 300 كم/س)..
ودول كتيييييييير جدا فـ إيطاليا على فكرة، سياح أو الطليان نفسهم..

بيسيبوه؟؟؟!!!!!
قالك: they actually like it؟؟!!!

إزاى يعنى بلد صناعة السيارات السوبر-رياضية (أو اللى بتصنع أسرع سيارات الأرض) مايبقاش فيها طرق سوبر-فاست؟؟!!!

formulator هوا ليه ما فيشGT-R h او حتى اى موديل skyline
في مصر ما انا شوفت EVO 8 and EVO 10

**ahmedbasto** · 11-07-2012 11:54 PM

انا شوفت skyline r31 فى طنطا وعدم وجود gt_r فى مصر لن سعرها عالى وغير كدة ناس كتير مش عارفة مين المخلوق دة وطبعا اجابتى دى بعد أذن formulator

**mody3on** · 12-07-2012 03:07 AM

المشاركة الأصلية كتبت بواسطة ahmedbasto

انا شوفت skyline r31 فى طنطا وعدم وجود gt_r فى مصر لن سعرها عالى وغير كدة ناس كتير مش عارفة مين المخلوق دة وطبعا اجابتى دى بعد أذن formulator

طب ما في بورشه ورولز رويس وفيراري في مصر , مش هيبقوا ارخص من ال gt-r يعني

**ma7med** · 12-07-2012 03:09 AM

المشاركة الأصلية كتبت بواسطة astra lover

انا امنياتى مش صعبة وان شاء الله تحصل بعد ما البلد تفوق وننتعش اقتصاديا والجمارك والضرائب على العربيات تكون بلسعر الطبيعى زى دول الجوار ودول العالم كله لان اسسعار العربيات فى مصر من عجائب الدنيا حاجة تنقط

اولا اوبل انسيانا وديه بتبدأ من اول 26380 يورو

واللهي يا معلم اخدتها من على لساني
كنت لسه هقول نفسي الاوبل انسنيا تنزل مصر

**ahmedb1** · 12-07-2012 06:21 AM

نفسي ينزلو نيسان ماكسيما واحلى من تويوتا كامري عربية محترمة للأسف مش بشوفها في مصر

**Mohamed_Nafie** · 12-07-2012 07:19 AM

على فكره الاعضاء اللي فوق اللي بيقولوا مفيش SkyLine GT-R .. في مصر .. ينزلوا جزيرة العرب في المهندسين .. في هناك GT-R بيضاء وملاكي كمان.... ربنا يوعدنا بس لما يبقى في طرق نعرف نمشي فيها الاول ...