اقتباس:
المشاركة الأصلية كتبت بواسطة hellboy
-طالما الميه بتنقص يبقي لازم يكون في تسريب ..المشكله بقي هي ايه اللي بيسرب ؟ هقولك علي احتمالات كتيره ممكن طبب الموتور الاماميه او الخلفيه_غطا القربه_وصله التكييف السخن_جوان وش السلندر.....
احسن حاجه انك تكبس الدوره عند بتاع رادياتيرات نظيف ويشوف التسريب منين لانه ممكن يكون خورم ابره ويعمل كده او انك تروح لبتاع مون البويات وتشتري ب1ج (لونه حمرا او خضرا) ودي بودره بتتحط علي البويات البلاستيك لتلوينها وتحطها في القربه وتاني يوم تفحص دوره التبريد بعينك مكان التسريب هتلاقيه متلون بلون البودره اللي حطتها من القربه وبعد اصلاحه فضي الدوره وغير ميه مقطره والبودره بالمناسبه مالهاش اي تاثير سلبي علي الموتور
الف شكر يا ا.فادى
عندى نفس مشكلة التسريب دى
امبارح غيرت قربة المياه والغطاء (120+35=155 جنيه) و غسلت الماتور من الصدا اللى فيه وكبست الدورة ولقينا فعلا تسريب ربطنا على الافزان والكوليهات تانى بس الساعة اللى فى المشترك دى فيها شرخ بينقط بسيط وهاغيرها ان شاء الله مصنعية الكلام ده 40 جنيه
بس هاروح لواحد تانى اغسل واكبس الدورة تانى لان اللى روحتله شغله مش عاجبنى اسمه مركز الحمد فى مدينة نصر فى شارع موازى للطيران (الشارع اللى فيه قهوة سى عمر)
فكرت انى احط مايه خضرا فعلا عشان حكاية اللون دى بس قولت بعدين
طيب هل الصابون السائل له تأثير على الماتور لو حطيته مع غسيل الدورة بس؟؟؟؟